Luke 4:1 - Kobon

^1-2 Ana Uɫ u Jisas nɨp ajmaŋ rauöm, nɨp uɫ gɨ ñɨg Jodan gau nɨbö ud arö, Jisas ram mɨnöŋ nɨbi bɨ mɨdagmɨdal, ram mɨnöŋ kabö nöp mɨdmɨdöp aŋ gau mɨdeia. Seden nɨpe Jisas nan si nan naij rɨmnap gɨnɨm aka wasö gɨ nɨŋöl göm gɨ gɨ gö, ñɨn unbö ñɨn juöl mɨhöp (40) ara. Jisas nan magö ñɨŋöm wasö, nɨp kɨyö majö la.

Luke 4:1 Σταυροειδείς Αναφορές

Madyu 3:16

Nɨp ñɨg pak ñö nɨŋöl gɨ, Jisas ñɨg goƚ au laŋ apöm nɨŋa, kumi kabö adö laŋ mɨgan pɨral hiɨkö, God Ana u yaur dapo rö u gɨ nɨp aua.

Luke 2:27

Pen ñɨn anɨbu, Ana nɨpe Simion nɨp gasɨ ñö, God sabe gep ram u amöm nɨŋa, Josep ber mɨhau Jisas nɨp dammil, lo manö haga rö gul a gɨmil ap mɨdailö.

Luke 3:3

ram mɨnöŋ ñɨg Jodan goƚ gau gau ajmɨdöp nɨŋöm nɨbi bɨ gau aulö, kalɨp manö hag ñɨmɨdöp, “Nan si nan naij gɨpim gau, nɨhön gɨnɨg anɨg gɨpun a gɨmim arö gɨmim yɨp aube yad kalöp ñɨg pak ñɨnö, God nan si nan naij gɨpim gau nɨŋöm arö gɨnab,” a gɨmɨdöp.

Luke 3:38

Kenan nap nɨpe u Inos. Inos nap nɨpe u Sed. Sed nap nɨpe u Adam. Adam nap nɨpe u God.

Luke 4:14

Pen God Ana Jisas nɨp kƚö ñö, Jisas nɨpe ado gɨ apöm ram mɨnöŋ Galili mɨdö nɨŋöl gɨ, nɨbi bɨ gau, manö nɨpe u nɨŋöm, dam ram mɨnöŋ Galili aŋ gau magöŋhalö ud arla.

Luke 4:18

“Bɨ Kub u yɨp, wög yad gɨmön, a göm, Ana nɨpe yuö yad aip mɨdöp. Anɨb u, nɨbi bɨ mög gep rö mɨdpal gau kalɨp manö aij u hag ñɨnö, nɨŋ aij gɨnaböl. Nɨbi bɨ nagɨman rö mɨdpal gau kalɨp hubɨk yunö, arnaböl. Nɨbi bɨ amgö we göp rö mɨdpal gau kalɨp gɨnö, amgö ñɨl nɨŋnaböl. Nɨbi bɨ uɫham mɨdpal gau kalɨp ud aij gɨnö, mɨd aij gɨnaböl.

John 1:32

Pen Jon Jisas manö adö anɨbu nöp hagöm haga, “Bɨ anɨbi bɨ an, a gem, yad ke nɨŋagbnep; pen bɨ yɨp hag yuö apem nɨbi bɨ kalɨp ñɨg pak ñabin u haga, ‘Ne nɨŋnabön, Ana nɨpe bɨ an apöm, aip mɨdeinab, bɨ anɨbu nöp nɨbi bɨ gau kalɨp Ana Uɫ pak ñɨnab,’ a ga. Haga anɨbu me, mɨñi Ana u kumi kabö adö laŋ nɨbö yaur dapo rö u gɨ nɨp auajɨp

John 3:34

God nɨpe Jisas yua u, Ana nɨpe u nɨp ñö ajmaŋ rauö, God manö magö nɨpe nöp hag ñab.

Aposɨl 1:2

Hainö, God Jisas nɨp dam ap ran jak kumi kabö laŋ au ud ara. Pen nɨpe kumi kabö adö laŋ au arnɨg ga magö u, nɨpe gö Ana Uɫ nɨpe manö nɨpe ud arep hag la bɨ gau kalɨp hag ñɨ aij ga. Manö anɨbu magöŋhalö nöd kalɨ kƚiñ rɨkem nöp ñɨnö u.

Aposɨl 10:38

Pen kale nɨŋbim, Jisas Nasared nɨbö u God aip mɨdöm, Ana Uɫ u nɨp ñö, abad mɨdö nɨŋöl gɨ, kƚö nɨpe nöp udöm, ram mɨnöŋ ke ke gau magöŋhalö ajöl göm, nɨbi bɨ gau gɨ aij göl gɨ, nɨbi bɨ Seden kalɨp gö uɫham mɨdeila gau kalɨp gö, kamɨŋ lɨmɨdöp.

Aposɨl 8:39

Anɨg göl ñɨg pak ñöm, goƚ au aulö nɨŋöl gɨ, adɨŋ Bɨ Kub Ana nɨpe Pilip nɨp udöm, ke mɨgan ap ud arö nɨŋöl gɨ, bɨ kub anɨbu nɨp nɨŋaga. Nɨpe pen mɨñ mɨñ yabɨƚ göl gɨ adan ara.