Luke 2:14 - Kobon

¹⁴ “God hib nɨpe i adö laŋol mɨdöp; nɨpe nɨbi bɨ an an mög nɨŋöm ud aij gɨnab gau, hibur hain hain gasɨ mɨdmagö añɨ lep magö u kale aip mɨdnab,” a gɨla.

Luke 2:14 Σταυροειδείς Αναφορές

Madyu 21:9

Nɨbi bɨ gau Jisas nɨp bɨg gɨgabö göl amöl gɨ meg magö dap ranöm hagla, “Nɨŋim! Depid rɨkö, rɨk damöm rɨköp u, auöp i. Nɨp aij a gabun! Bɨ Kub nɨp yuö auöp bɨ anɨbi me, nɨp aij a gabun!” a gɨla.

Luke 1:79

Hon nɨbi bɨ an an sɨbön gau mɨdun umnɨg gɨnabun gau, nɨpe gö mailö magö anɨbu hanɨp mɨdmagö aŋ daŋ mailö pak ñɨnab nɨŋun, hon hibur hain hain mɨdep adan aij u uƚhai nɨŋun, adö anɨbu nöp ajeinabun,” a ga.

Luke 19:38

“Bɨ Kub nɨpe Kiŋ hanɨp hag yuö auöp i, God nɨp ud aij gɨnɨm! God ram mɨnöŋ kumi kabö adö laŋ au, hibur hain hain magö u nöp mɨdöp. God nɨpe adö i gɨlaŋ mɨdöm, nɨpe mailö aij unbö ke halö mɨdöp,” a gɨla.

Luke 2:13

Ejol anɨbu anɨg hagö nɨŋöl gɨ, adɨŋ ejol kumi kabö adö laŋ au nɨbö iru yabɨƚ nöp ap ejol nöd nɨbö u aip mɨdöm, God hib nɨpe u dap ranöl gɨ hagla,

Luke 2:15

Ejol gau ado gɨ kumi kabö adö laŋ arlö nɨŋöl gɨ, bɨ kaj sipsip mukep gau manö hag nɨŋ hag nɨŋ göm hagla, “Bɨ Kub hanɨp manö hagajɨp u, uri Bedlehem am nɨŋun,” a gɨla.

John 14:27

Yad arnabin pen kale agamɨj mɨd aij gɨmim mɨdaimim. Manö anɨbu nɨbi bɨ mɨnöŋ naböŋ iƚ i gau yɨharɨŋ hagpal rö hagagabin. Yad ke apem gɨnö, nɨbi bɨ agamɨj mɨd aij göl rö löp. Anɨb u nɨŋem yad kalöp hagabin, agamɨj mɨd aij gɨmim mɨdaimim. Anɨb u, hibur gasɨ mɨdmagö mɨŋör nɨŋmim pɨñɨŋ gagmim.

John 17:4

Wög yɨp ram mɨnöŋ iƚ i hagna u, gɨ damem gɨ hakpin u me, nɨbi bɨ mɨnöŋ naböŋ iƚ i mɨdpal gau kale nɨŋbal, ne Bɨ mailö aij unbö ke mɨdpan.

John 3:16

God nɨbi bɨ ram mɨnöŋ iƚ i mɨdpal gau kalɨp mɨdmagö yabɨƚ löm, Ñɨ nɨpe añɨ yabɨƚ u kalɨp nan a göm ña. Anɨb u, nɨbi bɨ an an Ñɨ nɨpe anɨbu nɨp nɨŋ udnaböl gau, kalɨp kamɨŋ pör mɨdep u ñö, umöm ur gagnaböl.

Aposɨl 10:36

Pen God nɨpe hanɨp Isrel nɨbi bɨ manö aij yua u nɨŋbim. Yad ke aip jɨm ñöl mɨdlaŋ, a göm, God nɨpe Jisas Krais nɨp hag yua. Jisas Krais nɨpe nöp me, nɨbi bɨ gau magöŋhalö Bɨ Kub kale mɨdöp.

Romans 5:1

Pen God hanɨp mög nɨŋöm ga anɨbu nɨŋ udno u me, hanɨp nɨbi bɨ asɨ masɨ mɨdagöp a göm, uda. Anɨb u, Bɨ Kub hon Jisas Krais nɨpe gö, hon God aip jɨm ñöl mɨdun, agamɨj mɨd aij gɨpun. Pen ram mɨnöŋ hon hag löp u amun, God mailö aij nɨpe u nɨŋun, nɨp aip mɨdeinabun a gun, aij gö nɨŋöl gɨ mɨdpun.

Epesas 1:6

Anɨg hagöm, Ñɨ mɨdmagö nɨpe u haƚöwaƚö yuö apöm, hanɨp ud Nap ñɨmagö adö nɨpe la u me, aij gö nɨŋöl gɨ hib nɨpe u hagno adö arab.

Epesas 1:9

Pen God nɨpe Krais aip nɨhön gɨnɨg ga u, nan pi göl mɨdmɨdöp anɨbu hanɨp waiö hagö nɨŋbun.

Epesas 2:4

Anɨb u, hon nɨbi bɨ böŋ nöp umla nɨbö rö mɨdaino, God aip mɨdep rö lagö, God nɨbi bɨ pör nöp mög nɨŋöb u, hanɨp mɨdmagö yabɨƚ löm, Krais aip ud kamɨŋ löp. God nɨpe kalöp mög nɨŋöb u me, kalöp ud kamɨŋ yuöp.

Epesas 2:7

Pen God ga anɨbu, nɨbi bɨ hainö yag daunaböl gau, kale God nɨpe hanɨp a göm, Krais Jisas nɨp yuöm hanɨp gɨ aij yabɨƚ ga u nɨŋöm, God nɨpe bɨ aij ke yabɨƚ, nɨbi bɨ mög yabɨƚ nɨŋöb u nɨŋöl a göm ga.

Pilipai 2:11

kale magöŋhalö waiö hagöm, Jisas Krais nɨpe Bɨ Kub mɨdöp a gɨnaböl. Manö anɨbu hageinaböl u, Bapi God mailö aij nɨpe u nɨŋnaböl.

Pilipai 2:13

God nɨpe nöp kƚö göm mɨdmagö kale aŋ daŋ gasɨ ñö, nɨp aij gɨnab adö u gun a gɨmim anɨg gɨpim.

Kolosi 1:20

Anɨb u, nan nɨhön nɨhön mɨnöŋ naböŋ iƚ i mɨdöp abe, ram mɨnöŋ kumi kabö adö laŋ au mɨdöp abe, nan gau magöŋhalö God aip jɨm ñɨnɨm rö löp. Nöd nan gau God nɨp kauaƚ mauaƚ rö mɨdmɨdöp. Pen Ñɨ nɨpe, Nap nɨpe ke mɨdöp rö nöp mɨdöm, mab kros ba laŋ hagape lugö umö, uri nan gau magöŋhalö God aip jɨm ñɨnɨm rö löp.

2 Desalonaika 2:16

Bapi God hanɨp mɨdmagö löm ud aij yabɨƚ gö nan aij udnabun a gun gasɨ halö mɨdpun. Bapi God abe, Bɨ Kub hon Jisas Krais nɨpe ke abe,

Repelesin 5:13

Pen yad nɨŋnö, nan nɨhön nɨhön God gɨ lö ake lab kumi kabö adö laŋ, mɨnöŋ naböŋ iƚ i, mɨnöŋ yuö yaŋ, ñɨg solwara aŋ gau magöŋhalö, kɨmap hagöm hagla, “Bɨ sea kiŋ bɨs göp u abe, Sipsip Pi u abe, kale hib ke halö mɨdpil, a gun, hib kalpe mɨhau hagno adö araŋ. Kale aij ke yabɨƚ mɨdpil, a gun, hib kalpe mɨhau hagno adö araŋ. Kale mailö aij ke halö mɨdpil, a gun, hib kalpe mɨhau hagno adö araŋ. Kale kƚö ke yabɨƚ mɨdpil, a gun, hib kalpe mɨhau hagno adö araŋ,” a gɨla.