John 6:5 - Kobon

^5-6 Jisas bɨ nɨpe aip dum au asɨk mɨdöm, amgö gɨlaŋ göm nɨŋa, nɨbi bɨ iru yabɨƚ nöp nɨp aueila. Jisas nɨŋöm, nɨpe nɨhön nɨhön gɨnab u ke nɨŋa u pen bɨ nɨpe Pilip nɨhön hagnab, a göm, nɨp haga, “Hon nan magö gai nɨbö udun, nɨbi bɨ iru nöp gai i kalɨp ñɨno ñɨŋnaböl?” ö ga.

John 6:5 Σταυροειδείς Αναφορές

Madyu 15:33

Hageia, bɨ nɨpe gau hagla, “Ram mɨnöŋ nɨbi bɨ iru mɨdagpal aŋ anɨb gai i, nan magö gai nɨbö uƚhai nɨŋun dapun, nɨbi bɨ iru nöp anɨb gai i ñɨno ñɨŋnaböl?” ö gɨla.

Mark 6:32

Anɨg hagöm, bɨ nɨpe gau aip ñɨg magɨb udöm, ram mɨnöŋ nɨbi bɨ mɨdagmɨdal au arla.

Luke 9:10

Pen Jisas bɨ nɨpe unbö mɨgan laŋ ado gɨ apöm, ram mɨnöŋ gau ajöm nan nɨhön nɨhön gɨla manö u, Jisas nɨp hag ñɨla. Hag ñɨlö, am ram mɨnöŋ mɨgan ap ke am mɨdaiun a göm, Jisas kalɨp uɫ göm Bedsaida daun au arla.

John 1:43

Ruö, Jisas ram mɨnöŋ Galili arnɨg, am Pilip nɨp nɨŋöm haga, “Yad aip arul,” a ga.

John 1:44

Pilip, Edru, Pida, ram mɨnöŋ kale Bedsaida nɨbö.

John 1:45

Pen Pilip am Nadanyel nɨp nɨŋöm haga, “Hon bɨ u, Mosɨs abe, bɨ God manö hagep rɨmnap abe kalɨ kƚiñ rɨköm hagla u, nɨp mɨñi nɨŋbun. Nɨpe me Jisas, Josep ñɨ nɨpe. Ram mɨnöŋ nɨpe Nasared nɨbö,” a ga.

John 1:46

Pilip anɨg hageia, Nadanyel haga, “Bɨ aij ap ram mɨnöŋ naij anɨbu nɨbö auagnab,” a ga. Hageia, Pilip haga, “Anɨg hagpan u, auö am nɨŋul!” a ga.

John 1:48

Anɨg hagö, Nadanyel haga, “Ne aige gɨmön yɨp nɨŋban?” ö ga. Hageia, Jisas haga, “Pilip nöp hainö uɫ gɨnɨg nöb; yad nöp nöd nɨŋbin, ne asɨk mɨdajan rauan iƚ au,” a ga.

John 4:35

Pen kale manö ap hagpim, ‘Rakɨn mɨhau mɨhau mɨdöl, wid magö po gö am rɨk daunabun,’ a gɨpim u pen mɨñi anɨg hagagmim. Amgö kale u nɨŋ padimim nɨŋim! Wid wög gau po göm rɨk dauep rö mɨdöp.