Hibru 8:12 - Kobon

¹² Nan si nan naij gɨpal gau, kalɨp mög nɨŋem arö gɨnabin. Nan si nan naij gɨpal gau gasɨ nɨŋöl gɨ mɨdem kalɨp manö kub hagagnabin,” a ga.

Hibru 8:12 Σταυροειδείς Αναφορές

Romans 11:27

Yad kalɨp aip manö kƚö nɨŋö hagnö rö, nan si nan naij gɨpal gac u ƚɨk gɨ yunabin,’ a ga,” a gɨla.

Epesas 1:7

Jisas Krais hagape nɨpe lugö umöm hanɨp rau adog udö, God, Bɨ aij yabɨƚ u, hanɨp mög yabɨƚ göm, nan si nan naij gɨpun gau nɨŋöm arö göp. Anɨb u, hon nɨŋbun God nɨpe nɨbi bɨ gau mög yabɨƚ göp.

Kolosi 1:14

Ñɨ nɨpe nöp hanɨp nan a göm umöm, nagɨ mɨdaino u hubɨk yua; nɨpe nan si nan naij gɨpun gau nɨŋöm arö ga.

Repelesin 1:5

Jisas Krais, manö aij u damöm, God haga rö nöp göm umöm, iƚ gɨ uraköm, ram mɨnöŋ gau kiŋ mɨdpal gau kalɨp magöŋhalö abad mɨdöp u, nɨpe u rö nöp kalöp mög nɨŋöm, ud aij göm, abad mɨdö, kale agamɨj mɨd aij gɨ mɨdaimim. Nɨpe hanɨp mɨdmagö löm, hagape nɨpe lugö umöm, nan si nan naij gɨpun gac u ƚɨk gɨ yuöp.