2 Korid 13:3 - Kobon

³ Pen kale Pol Krais aip mɨdöp aka wasö gɨ gasɨ nɨŋbim u, nɨŋ aij gɨmim. Krais nan rɨmnap ram mɨnöŋ aŋ kale gau gö nɨŋnabim, nɨpe bɨ yɨharɨŋ wasö; nɨpe Bɨ kƚö ke nɨbö.

2 Korid 13:3 Σταυροειδείς Αναφορές

Luke 21:15

Yad ke kalöp gasɨ aij ñem manö magö ñɨnö, kale manö anɨbu nöp hag ñɨbe, kale pen hagöm ud yuep rö lagnab.

1 Korid 7:40

Pen gasɨ yad nɨŋbin u, nugmul umö, nɨbi yɨharɨŋ adu mɨdpal rö mɨdainɨm u aij. Nɨpe ñɨñɨ löl gɨ mɨdöm, mɨd aij gɨnab. Yad gasɨ nɨŋbin, God Ana nɨpe yɨp gasɨ ñö nɨŋöl gɨ kalöp manö anɨbi hagabin.

2 Korid 10:1

Nɨbi bɨ rɨmnap yɨp hagpal, “Pol nɨpe hon aip mɨdöm, bɨ hain manö hagagep bɨ u mɨdöp u pen am mɨlö gau mɨdöm, köp kalɨ kƚiñ rɨköm, manö kƚö göm hagöp,” a gɨpal. Pen kale manö adö ap hagöm hagpal, “Pol nɨpe nɨbi bɨ mɨnöŋ naböŋ iƚ i nɨbö gau nɨŋbal rö nöp nɨŋöm hagöp,” a gɨpal. Krais nɨpe Bɨ hain aij agamɨj mɨdöp rö, hib nɨpe hagem yad ke Pol kalöp manö kƚö gem hagabin, kale gasɨ nɨŋ aij gɨmim gɨ aij gɨmim. Yad amem nɨbi bɨ yɨp manö naij hagaböl gau kalɨp manö kub hagnabin. Pen kale gɨ aij gɨpe, kalöp anɨg unbö rö gagnabin u yɨp aij gɨnab.

2 Korid 10:4

Wim po hon udun pen pen gɨpun u, mɨnöŋ naböŋ iƚ i ud pen pen gɨpal rö wasö. Wim po hon udun pen pen gɨpun u, God kƚö halö mɨdöp u me, hon wim po anɨbu damun, kɨjaki abaŋ kƚö gɨ löp gau am gɨ naij gɨno, nɨbi bɨ pen hagöl rö lagöp.

2 Korid 12:12

Yad kale aip mɨdem, hon Krais manö aij ud arep bɨ gau gɨpun rö nöp gɨ mɨdainö. Kale nan gagep nan nɨŋagep gainö u nɨŋmim, yad Krais manö aij ud arep bɨ nɨpe mɨdpin u hadö nɨŋbim.

2 Korid 2:10

Pen nɨbi bɨ kale gau rɨmnap gɨ naij gɨnaböl kale arö gɨnabim u, yad u rö nöp gɨ naij gɨnaböl anɨbu arö gɨnabin. Pen yad gɨ naij gɨnaböl arö gɨnabin u, Krais yɨp nɨŋ mɨdöp, a gem, kalöp nan a gem arö gɨnabin.

2 Korid 2:6

Pen kale magöŋhalö rö nɨp arö gɨpe u, nɨpe ilön udöm, gɨ naij ga u hadö nɨŋöb. Anɨb u, mɨñi anɨg gagmim; arö gɨmim.

2 Korid 9:8

God nɨpe nan aij kalöp ñɨnɨg gab u, nan pro ñagnab; rapɨn nöp ñɨnab rö löp. Anɨb u, pör nöp kale ke nan iru mɨdeinab nɨŋöm nɨbi bɨ mani uƚep löp gau nan iru ñɨmim rö lɨnab.