2 Dimodi 4:14 - Kobon

¹⁴ Bɨ kapa wög göp Aleksada yɨp gɨ naij yabɨƚ ga. Yɨp ga anɨbu, God nɨp pen u rö nöp gɨnab.

2 Dimodi 4:14 Σταυροειδείς Αναφορές

Romans 12:19

Pen nɨbi bɨ aij yad gau. Nɨbi bɨ rɨmnap kalöp gɨ naij gaiöl u, kalɨp pen gɨ naij gun, a gɨmim, gasɨ u nɨŋagmim. U God nan nɨpe, a gɨmim nɨŋmim. Yad kalɨp pen abe gɨ naij gɨn, a göm, ke gasɨ nɨŋöb rö gɨnab. Mosɨs nɨpe God manö haga u udöm, God Manö adɨŋ ap kalɨ kƚiñ rɨköm haga, “God hagöp, ‘Kalöp gɨ naij gaiöl u, yad kalöp pen abe gɨ naij gɨnabin; u gasɨ yad,’ a göp,” a ga.

Romans 2:6

“Nɨbi bɨ añɨ añɨ gɨnaböl gɨnaböl rö nɨŋöm, God kalɨp u rö nöp añɨ añɨ pen ñɨnab.”

2 Desalonaika 1:6

God nɨpe manö ud asɨk aij göp rö, nɨbi bɨ kalöp marö ñɨbal gau kalɨp pen u rö nöp marö ñɨnab.

1 Dimodi 1:20

Bɨ ne Haimenias aip Aleksada aip anɨg gɨlö hagnö, “Anɨg gɨpil u, hon aip jɨm ñöl God nɨp sabe gagun. Kalɨp bɨ mɨhöŋ arö gɨno, Seden böŋ u mɨdmil, marö yabɨƚ gö, God nɨp hag jubil u arö gɨmil rö löp,” a gɨnö.

2 Dimodi 4:15

Krais Jisas manö aij hagpun u, Aleksada nɨpe jɨ naij yabɨƚ ga u me, yɨp gɨ naij ga rö, nöp u rö nöp gɨnɨm rö löp u, nɨŋ aij gɨmön.

1 Jon 5:16

Pen añ mam ap, nan si nan naij mab ke yaŋ aragep rö u geinab u, kale God nɨp sabe gɨpe, God nɨpe añ mam anɨbu kamɨŋ mɨdep magö u kauyaŋ ñɨnab. Pen nan si nan naij mab ke yaŋ arep rö u gaiöl, God nɨp sabe gɨmim, a gem, hagagabin.

Repelesin 18:20

“Pen God nɨpe gö Babilon böŋ nöp pa jö ma jö gɨ mɨdöp u, kale kumi kabö adö laŋ mɨdpim gau paj hagmim obi ale ale gɨmim mɨñ mɨñ gɨmim! God gö, bɨ si udep nɨbi anɨbu böŋ nöp ap lug paköp u, kale Krais nɨbi bɨ nɨpe mɨdpim gau abe, Krais manö aij nɨpe ud arep bɨ gau abe, God manö hagep bɨ gau abe, kale obi ale ale gɨmim mɨñ mɨñ gɨmim! Nɨpe kalöp gɨ naij ga u nɨŋöm God nɨpe nɨp manö kub hagöm, nɨp pen ilön kub yabɨƚ ñöb me u,” a ga.

Repelesin 18:6

Babilon nɨpe nɨbi bɨ rɨmnap kalɨp gɨ naij ga rö u, ne pen nɨp u rö nöp gɨ naij gɨmön. Pen Babilon nɨpe nɨbi bɨ rɨmnap kalɨp gɨ naij ga rö nöp wasö; nɨp pen gɨ naij ke yabɨƚ gɨmön. Babilon nɨpe nɨbi bɨ rɨmnap kalɨp ñɨg asɨ ñöb rö wasö; nɨp pen ñɨg asɨ ke yabɨƚ kap nɨpe hoŋ gɨmön nɨp ñö ñɨŋnɨm.

Repelesin 6:10

Kale wɨñ kub alöm hagla, “God Bɨ Kub kƚö yabɨƚ. Ne Bɨ Uɫ. Ne nɨŋö yabɨƚ adö u nöp gɨpan! Pen ñɨn aigegö rö mɨdmön, nɨbi bɨ ram mɨnöŋ iƚ yaŋ, hanɨp al pak lɨla gau kalɨp manö kub gɨmön, ilön ñɨnabön?” ö gɨla.