1 Dimodi 6:3 - Kobon

³ Nɨbi bɨ rɨmnap, Bɨ Kub hon Jisas Krais nɨpe manö aij haga u abe, manö aij nɨpe pör hag ñɨbun u abe arö göm, manö ke rɨmnap hag ñɨnaböl gau,

1 Dimodi 6:3 Σταυροειδείς Αναφορές

Madyu 22:21

Hageia hagla, “U bɨ kub Sisa,” a gɨla. Hageila, Jisas kalɨp haga, “Anɨb u, Sisa nan nɨpe mɨdainɨm, Sisa nɨp ñɨmim. God nan nɨpe mɨdainɨm, God nɨp ñɨmim!” a ga.

Madyu 28:20

Anɨg gɨmim, yad kalöp gɨmim, a gem, manö nɨhön nɨhön hag ñɨbin u, kale u rö nöp manö anɨbu magöŋhalö kalɨp hag ñɨ aij gɨpe, magöŋhalö hain göl. Pen yad kalöp nɨŋö yabɨƚ hagabin, yad kalöp aip mɨdem, mɨd damem, mɨd damem, mɨnöŋ naböŋ iƚ i ur gɨnab,” a ga.

Romans 16:17

Añ mam aij yad gau, nɨŋ aij gɨmim. Nɨbi bɨ rɨmnap manö gau nɨbö gau nɨbö dapöm, nɨbi bɨ Krais lau adö mɨdpal gau kalɨp hag ñɨlö ñɨlö, gasɨ aij nöd nɨŋla adö u arö göm, manö piral hagpal anɨbu udöm, asɨk ke ke lɨbal. Kalöp anɨb unbö rö nöp gɨnɨm rö löp u, manö piral hagaiöl u udagmim.

1 Desalonaika 4:8

Anɨb u, nɨbi bɨ manö hagabun anɨb i jɨ nɨŋnaböl gau, hanɨp jɨ nɨŋagnaböl; God nɨp jɨ nɨŋnaböl. Pen God nɨpe Ana Uɫ nɨpe kalöp ñab.

1 Dimodi 1:10

Nɨbi si bɨ si gɨpal gau abe, bɨ kale nɨbi ap aip wasö bɨ ap aip göm gɨpal gau abe, kalɨp hagab. Nɨbi bɨ kale nɨbi bɨ ñɨ pai rɨmnap si ud daulö, wög kalɨp gɨpal, bɨ gau abe, nɨbi bɨ manö piral hagpal gau abe, nɨbi bɨ “God amgö ilö nɨŋö hagpin,” a göm, piral hagpal gau abe, kalɨp hagab. Nɨbi bɨ Krais manö aij nɨpe u rɨb jubal gau kalɨp hagab.

1 Dimodi 1:3

Yad nöd Masedonia Propins arnɨg gem, nöp daun kub Epesas ud lem manö hag ñɨnö u, mɨñi u rö nöp kauyaŋ hagnɨg gabin. Ne Epesas au mɨdmön, nɨbi bɨ God Manö hagabun, a göm, manö piral piral hagpal gau kalɨp wasö gɨmön, hag aij gɨmön.

1 Dimodi 1:6

Pen nɨbi bɨ rɨmnap Krais manö aij u hagöp rö arö göm, bɨ hauƚ rö manö yɨharɨŋ gau hag amɨl apɨl gɨpal.

2 Dimodi 1:13

Manö hagnö nɨŋban u, kabö göl nöp mɨdöp, a gɨmön, nɨbi bɨ gau kalɨp hag ñɨmön. Anɨg gɨmön, Krais Jisas nɨp nɨŋ udöl gɨ, nɨbi bɨ gau kalɨp mɨdmagö löl gɨ, gɨ mɨdaimön. Krais Jisas nɨp cɨg aij gɨpan u me, ne anɨg gɨmön rö löp.

2 Dimodi 4:3

Nɨhön gɨnɨg: ñɨn hain u, God Manö kabö göl u nɨŋöm, udagnaböl; hag ñeb nɨbi bɨ iru nöp uɫ gɨ daulö, kale manö piral manö yɨharɨŋ yɨharɨŋ gasɨ kale ke aröp adö u nöp hag ñɨlö, kale nɨŋöm mɨñ mɨñ göl gɨ udnaböl.

Daidas 1:1

Yad Pol. God yɨp hag lö wög gɨ ñeb bɨ nɨpe ap mɨdem, Jisas Krais manö aij nɨpe ud ajep bɨ nɨpe ap mɨdpin. God yɨp hag la u, nɨbi bɨ nɨpe udnɨg gab gau kalɨp God Manö u hag ñɨnö kale manö anɨbu nɨŋ ud pɨdöŋ göm, manö nɨŋö yuö u nɨŋ aij göm, hagöp rö nöp göl, a göm, God yɨp wög anɨbu hag la.

Daidas 1:9

Krais manö nɨŋö nöd hag ñɨlö nɨŋla u nöp nɨŋ ud pɨdöŋ göl gɨ, Krais nɨbi bɨ gau kalɨp Krais manö yɨdun göl u nöp hag ñɨ aij gɨlö, kale nɨŋ udöm gasɨ halö mɨdeinaböl. Pen nɨbi bɨ manö yɨdun göl anɨbu rɨb jubal gau, kalɨp manö yɨdun göl adö u hag ñɨ aij geinaböl, manö pen hagöl rö lagnab.

Daidas 3:8

Manö nɨŋö yabɨƚ me anɨbu. Manö hagajɨn anɨbu nɨŋ aij gɨmön kƚö gɨmön hag ñɨmön, God nɨp nɨŋ udpal nɨbi bɨ gau gasɨ añɨ anɨbu nöp nɨŋöm, nɨbi bɨ rɨmnap kalɨp gɨ aij göl gɨ mɨdaiöl. Anɨg gɨnaböl u gɨ aij yabɨƚ gɨnaböl. Manö anɨbi manö aij yabɨƚ; ram mɨnöŋ gau gau ud arlö, hagöp rö nöp geinaböl u, nɨbi bɨ magöŋhalö agamɨj mɨd aij gɨnaböl.