Sră Pơyoa Pol Dê Pơyoa Tit In 2:8 - Sră Goh 2018

⁸ Jơnau đơs di gùng mơ ò gơs tiah geh lah pơrhơng, tồ cau sò tơm in ƀàssìl, ò geh jơnau lơi đơs iơh di bol he.

Sră Pơyoa Pol Dê Pơyoa Tit In 2:8 Σταυροειδείς Αναφορές

Nehemi 5:9

“Bơta bol mê lơh la ò niam. Bol mê pal lơh lòt dô bă duh rngòt di Yàng Tom Trồ he, nàng kơryan jơnau dơñŏ tơnhial ală làng bol la cau sò tơm bol he dê ơ?

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Jơnau Niam Jat Mak 12:17

Yàng Jesu đơs lah: “Tơm wơl tĕ bơtau in phan lơi bơtau dê, mơ tơm wơl tĕ Yàng Tom Trồ in phan lơi Yàng Tom Trồ dê.” Bol khai ai lơh krơi ngan bơh Yàng Jesu.

Jơnau Niam Jat Mak 12:28

Gơs dô nă cau bơto bơta boh lam iat Yàng Jesu mơ cau Saduse tòm pơndang bal, git Kơnràñ ho wơl chài rgơi, gen lùp Kơnràñ lah: “Tòm ală bơta sồr lam, bơta lơi la dờng màng rlau jơh?”

Jơnau Niam Jat Mak 12:32

Cau bơto bơta boh lam ho lah: “Ơ Cau Bơto, ngan behơ̆, ồng đơs di ngan Yàng Tom Trồ mìng gơs dùl lơm. Rlau mơ Kơnràñ ò gơs Yàng lơi ndai tai.

Jơnau Niam Jat Mak 12:34

Yàng Jesu gŏ khai ho dô bă jak chài, gen đơs lah: “Mê ò ngài bơh lơgar Yàng Tom Trồ ò. Lồc behơ̆ ò gơs cau lơi khin lùp Kơnràñ tai.”

Luka 13:17

Kơnràñ đơs ală jơnau hơ̆ gen ală cau sò tơm di Kơnràñ ƀàssìl jơh, ai jơh mpồl làng bol hòn chò bơh jơh ală broă crih crài Kơnràñ neh lơh.

II Tesalônika 3:14

Dilah cau lơi ò dòn jat jơnau bol hi đơs tòm sră pơyoa do, gen git tĕ cau hơ̆, bañ tòmsòr mơ khai, tồ khai in git ƀàssìl ƀàsso.

I Timôthe 5:14

Behơ̆ añ kòñ ală cau ùr bơnrau gam kơnòm să pal jòi bau, deh kòn mơ at bồ hìu he, tồ cau sò tơm in ò gơs kai nàng đơs iơh.

I Timôthe 6:3

Dilah gơs cau lơi bơto gùng duh khoai ndai, ò jat gùng duh khoai song Yàng Jesu Krist bol he dê, mơ jơnau bơto sồr jat bơta duh rngòt,

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Pier 2:15

Bơh nùs kòñ Yàng Tom Trồ dê la oh mi lơh broă niam nàng tơmềm bơr bơrngơl ală cau tùl gơla dê.

I Pier 3:16

Kơrmap gàr tĕ nùs tồr oh mi dê dô bă niam, nàng tòm tŭ ală cau đơs iơh bơh bơta lơh lòt niam oh mi dê tòm Bơtau Krist, gen bol khai pal ƀàssìl.