Ñìm Rac 5:14 - Sră Goh 2018

¹⁴ Ală cau dờng cau kra ò gam nggui di mpồng ƀòn, Mpồl pơnu ò gam lơh kơñi đơs chò.

Ñìm Rac 5:14 Σταυροειδείς Αναφορές

Sră Jop 30:1

“Mơya tŭ do, ală cau kơnòm să rlau mơ añ dơñŏ tơnhial di añ, Ồng pàng bol khai la ală cau añ sền òsơp, ơn bal mơ ală so ê mpồl belàt añ jê.

Sră Jop 30:31

Kơñi pĕ añ jê gơlik gơs ntas rac ròc, Mơ tơliă añ jê gơlik sap moat jrùng.”

Jeremi 16:9

Bơh Yàng Jehôwa Gơnap Gơnoar, Yàng Tom Trồ Israel dê, đơs be do: ‘Do, di đap bol mê, tòm rài bol mê, Añ rơp tă tơlik bơh lơgar do ală sap chò hòp mơ hòn chò, ò gam kơno sap cau bơrtơu mơ cau ƀan dê.’

Jeremi 25:10

Rlau mơ hơ̆, añ rơp tă bơh mpồl bol khai jơh sap driau chò mơ hòn chò, jơh sap bơrtơu pa mơ ƀan pa, jơh jơnau ntas mpal piah mơ bơta àng ồs đèng dê.

Jeremi 7:34

Mơ Añ rơp tơnlồi sap bơta chò hòp mơ bơta hòn chò, sap cau bơrtơu pa mơ ƀan pa tòm ală ƀòn dờng Juda dê mơ tòm ală gùng ƀòn dờng Jerusalem dê, bơh lơgar do rơp gơlik gơs tiah lòi srau gòi.”

Ñìm Rac 1:19

Añ neh hòi ală cau kòñ gơboh añ jê, mơya bol khai pơrlồm añ. Ală cau gơnoar ơn phan duh khoai mơ kwang kra añ jê neh roh rui tòm ƀòn dờng. Tòm tŭ jòi phan sa nàng geh wơl bơta pràn kơldang bol khai dê.

Ñìm Rac 1:4

Ală gùng lòt hơ Siôn ñìm rac moat jrùng, bơh ò gơs cau tus pơjum sa chò hòp tai. Ală mpồng ƀòn dờng khai dê rhàng srau, ală cau gơnoar ơn phan duh khoai khai rơnđơh; Ală cau ơruh khai dê jê sồt bòl glar, mơ pơnah khai dê la bơta sràt bơtang.

Ñìm Rac 2:10

Ală cau kwang kra kòn ùr Siôn dê ơm nggui mŏ mŏ tòm ù; Bol khai tuh thul hơđang bồ, mơ soh ƀào sơnò kiat. Ală kòn ơruh Jerusalem dê kun bồ bol khai tus tòm ù.

Ejekiel 26:13

Añ rơp lơh ngềt ngơt jơnau đơs chò mê dê, mơ cau rơp ò tai kơno ntas ală kơñi pĕ mê dê tai.

Sră Ôse 2:13

Añ rơp lơh glài khai bơh ală ngai mơ khai neh chu kơlhô ală rùp ràk Baal in, khai bơka să mơ bơno tồr bal mơ ală lŭ màng, khai lòt jat ală cau khai tòmtir, ai Añ gen khai neh lòi hŭi.” Yàng Jehôwa đơs behơ̆.

Yal Wơl 16:18

Pồ bơtào tĕ ală cau kwang cahrña mơ ală cau kwang at bồ kòp jơi bơtiàn bol mê in tòm kòp nơm ƀòn dờng mơ Jehôwa Yàng Tom Trồ bol mê dê ai bol mê in, mơ bol khai rơp cahrña làng bol dô bă song ring.

Yal Tơlik 18:22

Ò gơs tŭ lơi cau kơno tai di tiah ai dê gơs jơnau ntas pĕ kơñi, uh kơwào, uh kơmboat, mơ tềng hơ̆ rơp ò gơs tŭ lơi gŏ tai cau chài lơh broă, bulah lơh broă lơi kung ò gŏ sơl; kung ò gơs tŭ lơi kơno jơnau ntas cau piah di mpal tai.