Ñìm Rac 4:20 - Sră Goh 2018

²⁰ Cau kong bong mơñà Yàng Jehôwa dê, hơ̆ la nhơm tă bơta kis bol hi dê, neh kong yar tòm dă bol khai dê rau, Bơh ñcau, bol he òs đơs lah: “Hơđơm mƀur Kơnràñ dê bol hi rơp ơm kis digùl ală lơgar.”

Ñìm Rac 4:20 Σταυροειδείς Αναφορές

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

Sơnròp Gơlik Gơs 44:30

Bèp kòñ gơboh di oh put añ jê oă ngan tian gơs bàr nơm hwềng bol khai gơtòmsòr tòmđềt bal. Tŭ do, dilah dơ̆ añ rê wơl hơ cau dĭ kơnràñ la bèp añ mơ ò gơs oh put hơ̆,

II Samuel 1:14

Dabit lùp khai lah: “Ñchi bơh tài mê ò rngòt pò tê tơnchơt cau geh bong mơñà Yàng Jehôwa dê taih?”

II Samuel 1:21

Ơ ală mơnơm Gilbôa dê, Dan dà mơryuh mơ dà mìu bañ dùh hơđang bol mê, kung bañ gơs ƀlàng sre tơnggơs gar lơh gơs phan ơn duh khoai. Bơh tềng hơ̆ khèl cau gơnoar pràn dê neh kong dơñŏ tơnhial, hơ̆ la khèl Sol dê, rơp ò tai geh bong mơñà ò.

II Samuel 18:3

Mơya bol khai đơs lah: “Bơtau ò pal lik lòt; bơh dilah bol hi ntoat dô, bol khai rơp ò kơlôi dờng màng di bol hi; dilah nggùl tòm mpồl bol hi kong tơnchơt, bol khai kung ò sền dờng màng di bol hi. Mơya bơtau la kas màng kung be jơt rbô nă tòm bol hi. Gen tàng niam rlau bơtau ơm tòm ƀòn dờng, rcang nàng dong kòl bol hi.”

II Samuel 19:21

Gen Abisai, kòn klau Jeruyah, đơs lah: “Simei ò pal kong tơnchơt bơh bơta hơ̆ ò ơ? Tài bơh neh srat sơntơm cau geh bong mơñà Yàng Jehôwa dê.”

II Yal Yau 35:25

Jeremi cih ală jơnau ñìm rac Jôsia in, mơ jơl tus di ngai do, jơh ală cau klau mơ cau ùr jak đơs chò gam đơs ală jơnau ñìm rac hơ̆ nàng kah wơl Jôsia. Ală bơta hơ̆ neh gơlik gơs dô bơta òs yau tòm Israel mơ neh geh cih tòm ală jơnau Ñìm rac.

Esai 32:2

Kòp nă bol khai rơp kung be dô bă tiah kìng crŭ bơh di càl mơ la jơm gòm bơh di càl rbut, kung be croh dà tòm dô bă tiah rañ rsơh, mơ kung be mƀur pơnai lŭ dờng tòm ù tiah ro rañ.

Jeremi 39:5

Mơya mpồl ling cau Kalde ting jat, mơ bàn Jedekia tòm ƀlàng Jerikô; gen kup cèng Nebukatnessar bơtau Babilôn in tòm Ripla, tiah Hamat. Tềng hơ̆, bơtau Jedekia kong Nebukatnessar cahrña.

Jeremi 52:8

Mơya mpồl ling cau Kalde ting jat bơtau; bàn Jedekia tòm ƀlàng Jerikô, gen mpồl ling bơtau ntoat dô mơ lòi bơtau ơm is.

Jeremi 52:9

Cau Kalde kup bơtau mơ lam tus hơ bơtau Babilôn, tòm Ripla tòm lơgar Hamat, tềng hơ̆ bơtau kong bơtau Babilôn cahrña.

Ñìm Rac 2:9

Ală mpồng ƀòn dờng gơkram tòm ù; Kơnràñ neh tơnroh mơ dơrkă ală kai kal gơ dê. Cau bơtau mơ ală kwang at bồ gơ dê ơm digùl ală lơgar ò gơs bơta sơnio lam tai! Ală cau gơnoar hwơr ò dòp bơta tơnggŏ bơh Yàng Jehôwa.

Ejekiel 12:13

Añ rơp dang bơtơng Añ jê nàng kup khai, mơ khai rơp yar dă Añ jê. Añ rơp cèng khai tus hơ Babilôn, la lơgar cau Kalde, mơya khai rơp ò gŏ lơgar hơ̆, mơ khai rơp chơt tềng hơ̆.

Ejekiel 17:18

Tài bơh khai neh sền òsơp di jơnau srat să ho nền, mơ neh gơltac bơta ho bal. Tài bơh khai neh at tê tòmho bal rau mơya khai gam lơh jơh ală bơta hơ̆ gen khai rơp ò geh lik klàs.’

Ejekiel 31:17

Bol khai kung mù bal mơ gơtòm bơtô ƀồc hơ ală cau kong tơnchơt bơh đào bal mơ ală cau lơh dô bă bal mơ gơ, la ală cau kis tòm mƀur gơ dê digùl ală lơgar.’

Daniel 4:12

Nha gơ hàng mơnĕ, plai gơ li la oă ngan, gơs tơl ală jơi in sa; ală jơi phan poan jơng tòm ƀlàng kìng crŭ tòm tiah mƀur gơ; ală sềm lơh rsòn di ntê gơ, jơh ală jơi gơs bơta kis kơnòm di gơ nàng geh ròng siam.

Sră Ôse 13:10

Tŭ do ntềng đah bơtau mê dê nàng khai dong tă mê taih? Ntềng đah ală cau kwang at bồ tòm jơh ală ƀòn dờng mê dê, nàng mê đơs mơ bol khai lah: “Ai tĕ añ in dô nă cau bơtau mơ ală cau kwang at bồ”?

Ală Kwang Cahrña 9:15

Tòm lò đơs mơ ală chi lah: ‘Dilah bơh nùs dòn song bol mê kòñ bong mơñà añ nàng lơh bơtau hơđang bol mê, gen tus tĕ kìng crŭ tòm mƀur añ, mơya dilah ò gen dan ồs lik bơh tòm lò chu jơh ală nho rề Liban dê!’

I Samuel 12:3

Do añ, lơh cơng tĕ tòmdră mơ añ di đap Yàng Jehôwa mơ di đap cau geh bong mơñà Kơnràñ dê. Añ neh kup kơnrồ cau lơi sơl? Añ neh kup alàng cau lơi sơl? Añ neh pơrlồm cau lơi sơl? Añ neh rồn bơklơn cau lơi sơl? Añ neh dòp phan loă nàng lơh jơngo mat añ jê bơh gơ sơl? Lơh cơng tĕ tòmdră mơ añ mơ añ rơp tơm wơl gơ bol mê in.”

I Samuel 12:5

Samuel đơs mơ bol khai lah: “Dan Yàng Jehôwa lơh cơng tòmdră mơ bol mê, mơ cau geh bong mơñà Kơnràñ dê lơh cơng tòm ngai do la bol mê ò bàn phan lơi tòm tê añ.” Bol khai đơs lah: “Dan Kơnràñ lơh cơng.”

I Samuel 16:6

Tòm tŭ bol khai neh tus, Samuel sền di Eliap gen khai kơlôi lah: “Nền ngan la cau geh bong mơñà Yàng Jehôwa dê ơm di đap Kơnràñ.”

I Samuel 24:10

Ngai do bơtau neh gŏ mơ mat tòm he dê mbe Yàng Jehôwa neh jào bơtau tòm tê añ tòm rgồng lŭ, mơ gơs cau chồl añ tơnchơt bơtau mơya añ neh lòi bơtau in kis, mơ đơs lah: ‘Añ ò pò tê tòmdră mơ cau tòm añ jê tài bơh bơtau la cau neh geh Yàng Jehôwa bong mơñà.’

I Samuel 24:6

Khai đơs mơ ală cau jat khai lah: “Dan Yàng Jehôwa bơkơ̆u añ lơh bơta do di cau tòm añ jê, la cau Yàng Jehôwa bong mơñà, hala pò tê tòmdră mơ khai, bơh khai la cau neh geh Yàng Jehôwa bong mơñà.”

I Samuel 26:16

Bơta mê neh lơh hơ̆ la ò niam. Di ngan kung be Yàng Jehôwa kis sùm, mê pal chơt tài bơh mê ò sền gàr cau tòm mê dê la cau geh Yàng Jehôwa bong mơñà. Sền tĕ ntềng đah tà bơtau dê, mơ ntềng đah nhồng dà ơn rềp di bồ bơtau dê taih?”

I Samuel 26:9

Mơya Dabit đơs mơ Abisai lah: “Bañ tơnroh khai! Bơh cau lơi rgơi pò tê tòmdră di cau Yàng Jehôwa neh bong mơñà mơ ò gơkòl tìs glài sơl ơ?”