Mice 7:16 - Sră Goh 2018

¹⁶ Ală làng bol rơp gŏ mơ ƀàssìl, bơh jơh gơnoar pràn bol khai dê. Bol khai rơp ơn tê di bơr bol khai dê, mơ tồr bol khai rơp tĭ.

Mice 7:16 Σταυροειδείς Αναφορές

Sră Jop 21:5

Sền tĕ añ mơ ai lơh nrơt nrơl; mơ ai tê nàng lềt bơr oh mi dê.

Sră Jop 40:4

Mê gơs dô nơm tơwòr tê kung be Yàng Tom Trồ sơl? Mơ mê rgơi lơh ntơr kơnàs be Kơnràñ sơl?

Đơs Crih 126:2

Gen bơr bol hi dê ñŏ chò hòp, Lơmpiat bol hi dê driau hòn chò. Gơs jơnau đơs digùl ală làng bol lah: “Yàng Jehôwa neh lơh ală broă dờng bol khai in.”

Jơnau Pơnđik 30:32

Dilah mê neh tùl gơla mơ yò tơngguh is să, mơ dilah mê gơs bơta kơlôi sơnơng iơh, ai tĕ tê he cang kơmbùng he,

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Esai 52:15

Behơ̆, Kơnràñ rơp lơh oă lơgar nrơt nrơl bơh Kơnràñ. Ală bơtau rơp tơmềm bơr bơh Kơnràñ, bơh bol khai rơp gŏ bơta òhềt gơs cau yal bol khai in, mơ bol khai rơp sền gŏ loh làng bơta bol khai òhềt kơno.

Esai 66:18

Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Ejekiel 38:23

Behơ̆, Añ rơp ràng tơlik bơta dờng ngan mơ bơta sàng goh Añ jê, mơ Añ rơp tơnggit să tòm Añ di đap mat oă lơgar. Gen bol khai rơp git Añ la Yàng Jehôwa.’”

Mice 3:7

Ală cau sền dà rơp ƀàssìl, mơ ală cau juh proh rơp kong sền òsơp. Jơh tơl nă bol khai rơp jơm lơmpiat bol khai dê, tài bơh ò gơs jơnau ho wơl bơh di Yàng Tom Trồ.

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Sră Age 2:22

Añ rơp tuh tơlup ală sơbàn bơtau mơ tơnroh gơnap gơnoar ală lơgar làng bol bơdìh dê. Añ rơp tuh tơlup ală rơndeh lòs tòmlơh bal mơ ală cau at gơ; ală ơseh bal mơ ală cau hào gơ rơp dùh, kòp nă kong sreh tơnchơt bơh đào oh mi khai dê.’”

Sacari 12:9

“Tòm ngai hơ̆, Añ rơp lik lòt tơnroh jơh ală làng bol brồ lơh Jerusalem.”

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”