Mice 7:10 - Sră Goh 2018

¹⁰ Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Mice 7:10 Σταυροειδείς Αναφορές

Sacari 10:5

Bol khai rơp kung be ală cau ling jak tòm tiah tòmlơh, jă trơm cau sò tơm tòm bŏ tòm ală gùng ƀòn dờng; bol khai rơp tòmlơh, bơh Yàng Jehôwa ơm bal mơ bol khai, mơ bol khai rơp ơn bơta ƀàssìl hơđang ală cau hào ơseh.

Đơs Crih 42:10

Tòm tŭ ală cau sò tơm dơñŏ tơnhial mơ lùp sùm lah: “Ntềng đah Yàng Tom Trồ mê dê taih?” Gen bơta hơ̆ ò gơkrơi be bol khai lơh jê sồt di să añ.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Jôel 2:17

Ală cau gơnoar ơn phan duh khoai, la ală cau duh broă di đap Yàng Jehôwa, ñìm rac digùl mpồng hìu duh khoai mơ cơnòng duh khoai, mơ đơs lah: “Ơ Yàng Jehôwa, dan pơlai tĕ làng bol Kơnràñ dê, dan bañ lòi sre brê Kơnràñ dê kong cau sền òsơp, mơ kong ală lơgar ndai dơñŏ tơnhial. Ñchi bơh tài bol khai rgơi đơs digùl ală làng bol lah: ‘Ntềng đah Yàng Tom Trồ bol khai dê taih?’”

Đơs Crih 35:26

Cau lơi hòn chò bơh bơta bòl glar añ jê, Lòi khai gơkòl bal tòm bơta ƀàssìl ƀàsso! Cau lơi bơtào tòmsò mơ añ dô bă pơnhừ să, Lòi khai gơkòl tơnsoh bơta ƀàssìl mơ bơtat bơtròh.

Đơs Crih 18:42

Añ lơh bol khai lề be kơmbuh càl khồm pơrdô; Añ sơrbì bol khai be bŏ tòm gùng.

II Samuel 22:43

Añ pòng tơnlề bol khai ò gơkrơi be thul tòm ù; añ tơnlề mơ jă hơđang bol khai kung be bŏ tòm ală gùng.

Mice 4:11

Mơya tŭ do gơs oă lơgar pơjum bal tòmdră mơ mê. Bol khai đơs lah: “Lòi tĕ khai gơkòl ƀơ̆ ƀơl, mơ lòi tĕ gar mat bol he sền trol di Siôn!

Jeremi 51:51

Bol he ƀàssìl bơh neh kơno bơta dơñŏ tơnhial; Bơta ƀàssìl jơm muh mat bol he; Bơh cau bơdìh neh tus mut Tòm tiah sàng goh hìu Yàng Jehôwa dê.

Đơs Crih 79:10

Ñchi bơh tài ală làng bol đơs lah: “Ntềng đah Yàng Tom Trồ bol khai dê taih?” Dan bơta sal tê bơh bơta gơhòr mhàm cau duh broă Yàng dê geh tơnggit digùl ală làng bol di đap mat bol hi.

Mathiơ 27:43

Khai dòn kơnòm di Yàng Tom Trồ; dilah Yàng Tom Trồ kòñ gơboh Khai, gen tŭ do lòi tĕ Kơnràñ dong klàs Khai, bơh Khai neh đơs lah: ‘Añ la Kòn Yàng Tom Trồ.’”

Malaci 4:3

Gen bol mê rơp jă trơm ală cau iơh bơsak, bol khai rơp kung be la bùh ơm hơđơm kơndòl jơng bol mê dê tòm ngai tòm tŭ Añ lơh ală bơta hơ̆,” Yàng Jehôwa Gơnap Gơnoar Dờng Làm Jơh đơs behơ̆.

Malaci 1:5

Mat bol mê rơp gŏ bơta hơ̆ mơ bol mê rơp đơs lah: “Dờng ngan la Yàng Jehôwa làm jơh đah ne ală nhàr Israel dê!”

Apdia 1:10

Bơh bơta tơnchơt mơ bơta jàñ bơsak mê neh lơh di oh mi mê la Jakôp, bơta ƀàssìl rơp jơm ndơp mê, mơ mê rơp kong tơnroh jơl sùm sùm!

Daniel 3:15

Behơ̆ tŭ do, tòm tŭ bol mê kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, mơ bol mê pal rcang sir tơmbic să nàng duh khoai rùp ràk mơ añ neh lơh gơs, gen di; mơya dilah bol mê ò cùn khoai gen bol mê rơp kong sơrbì mo tòm gùl bơnhă ồs hơng gen gơs yàng lơi rgơi dong bol mê klàs bơh di tê añ taih?”

Jeremi 51:24

“Mơya di đap bol mê, Añ rơp tơm wơl Babilôn mơ jơh làng bol Kalde in bơh jơh ală bơta iơh mơ bol khai neh lơh tòm Siôn,” Yàng Jehôwa đơs behơ̆.

Đơs Crih 115:2

Ñchi bơh tài ală làng bol đơs lah: “Ntềng đah Yàng Tom Trồ bol khai dê taih?”

Đơs Crih 109:29

Lòi ală cau yă añ kong cau sền òsơp; Lòi bol khai ơm tòm bơta ƀàssìl kung be soh ào jrùh.

Đơs Crih 58:10

Cau song ring rơp chò hòp tòm tŭ gŏ bơta sal tê; Khai rơp rào jơng khai tòm mhàm cau iơh bơsak dê.

Đơs Crih 42:3

Tòm tŭ cau lùp sùm lah: “Ntềng đah Yàng Tom Trồ mê dê taih?” Gen dà mat lơh gơs phan sa añ jê ngai mơ mang.

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Esai 41:25

Añ neh chồl bơtrut dô nă cau bơh đah đang mơ khai neh tus; bơh đah mattơngai lik khai hòi di sơnđan Añ, khai jă hơđang ală cau kwang at bồ kung be jă ù bŏ, be cau chài mòn glah jă ù kơnàng.

Apdia 1:12

Di pal ngan mê ò di chò hòp di oh mi mê dê, tòm ngai rung rài khai dê; kung ò di chò hòp bơh làng bol Juda tòm ngai tơnroh bol khai dê, kung ò di jòng să oă ir tòm ngai bòl glar bol khai dê.

Mice 7:8

Ơ cau sò tơm di añ, bañ hòn chò bơh añ; tòm tŭ añ gơpừ, añ rơp guh wơl. Tòm tŭ añ nggui tòm tiah klam jơngo, Yàng Jehôwa rơp la bơta àng añ jê.

Jôsue 7:9

Làng bol Kanaan mơ jơh ală làng bol ơm tòm lơgar rơp kơno bơh ală bơta hơ̆, mơ bol khai rơp gơrwàng bol hi mơ tơnroh sơnđan bol hi bơh di ù; gen ñchi Kơnràñ rơp lơh mơ sơnđan dờng Kơnràñ dê taih?”

Đơs Crih 92:12

Cau song ring geh bơtào tơngguh be chi gòl, Gơlik dờng be chi pơnàng hơđang Liban.

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Jeremi 49:15

Bơh do, Añ lơh mê in gơlik gơs dềt rhền digùl ală lơgar, Gơkòl sền òsơp digùl jơi kòn mơnus.

Sôphôni 3:15

Yàng Jehôwa neh tă sang bơta cahrña tòmdră di ai, Kơnràñ neh pơrlac ngài ală cau sò tơm ai dê. Yàng Jehôwa, Bơtau Israel dê ơm digùl mơ ai, ai rơp ò tŭ lơi rngòt rngơt di bơta rung rài tai.