Mice 4:6 - Sră Goh 2018

⁶ Yàng Jehôwa đơs lah: “Tòm ngai hơ̆, Añ rơp pơjum wơl cau kwet gơlte; Añ rơp tơrgòm wơl ală cau neh kong kup cèng hơ tiah ngài, mơ ală cau mơ Añ neh lơh jê sồt moat jrùng.

Mice 4:6 Σταυροειδείς Αναφορές

Đơs Crih 147:2

Yàng Jehôwa bơt bơtào Jerusalem, Kơnràñ pơjum wơl ală cau nrah nring Israel dê.

Đơs Crih 38:17

Añ mòr gơplơ̆ gơpừ, Bơta jê sồt gam ơm sùm mơ añ.

Esai 56:8

Yàng Jehôwa la Yàng Tom Trồ Bơtau pơjum tơrgòm wơl ală cau nrah nring tòm Israel, đơs lah: “Di gah bol khai la ală cau Añ neh pơjum tơrgòm, Añ rơp pơjum tơrgòm ală cau ndai tai tus bal mơ bol khai.”

Jeremi 3:18

Tòm ală ngai hơ̆ hìu Juda rơp ơm dô bă bal mơ hìu Israel, mơ bol khai rơp tus dô bă bal bơh ù tiah đah đang rê wơl tòm ù tiah mơ Añ ai ồng pàng bol mê in lơh gơs sre brê.

Jeremi 31:8

Ne, Añ rơp cèng bol khai rê wơl bơh lơgar đah đang, Pơjum wơl bol khai bơh ală tiah lồi plai ù. Tòm mpồl bol khai gơs cau jơngo, cau kwet, Cau ùr bun, cau ùr deh kòn, Dô bă bal dô mpồl dờng mơ rê wơl hơ do.

Ejekiel 36:24

Bơh Añ rơp tă bol mê bơh di ală làng bol mơ tơrgòm bol mê bơh di jơh ală lơgar mơ cèng bol mê mut tòm lơgar tòm bol mê dê.

Mice 2:12

“Ơ Jakôp! Ngan Añ rơp pơjum wơl jơh ală bol mê; Añ rơp tơrgòm ală cau gam wơl Israel dê, Añ rơp ơn bol khai dô bă bal be belàt tòm dô mpồl, be dô mpồl tòm ƀlàng ñhơt gơ dê; rơp gơlik gơs jơnau lơh nggồr mpong bơh làng bol oă.

Sôphôni 3:19

Tòm tŭ hơ̆, Añ rơp lơh gơwèt hơ jơh ală cau neh rồn bơklơn ai; Añ rơp dong klàs cau kwet gơlte mơ pơjum tơrgòm wơl ală cau gơkòl sang lòi, mơ Añ rơp tòmgơl bơta ƀàssìl bol khai dê gơlik gơs bơta jòng ro mơ geh pơnro tòm làm jơh plai ù.

Luka 19:10

Bơh Kòn Mơnus neh tus nàng jòi mơ dong klàs cau neh roh.”

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.