Mice 2:8 - Sră Goh 2018

⁸ Mơya bol mê guh tòmdră mơ làng bol Añ jê kung be dô nă cau sò tơm. Bol mê hồ ào jrùh bơh di ală cau ơm ring lơngai, bơh di ală cau lòt gùng dòn kơnòm mơ ò kơlôi bơh bơta kơlìn.

Mice 2:8 Σταυροειδείς Αναφορές

II Samuel 20:19

Bol hi la làng bol ơm ring lơngai mơ dòn song tòm Israel, ồng jòi nàng tơnroh dô nơm ƀòn dờng mơ la dô nă mè tòm Israel. Ñchi bơh tài ồng kòñ sa loan sre brê Yàng Jehôwa dê taih?”

Đơs Crih 55:20

Oh mi bơyô añ jê neh ai tê tòmdră di ală cau bơyô khai dê, Khai neh sang lòi bơta ho bal khai dê.

Esai 9:21

Manase rơp sa loan Epraim, mơ Epraim rơp sa loan Manase; bol khai lơh gơs dô bă bal nàng tòmdră mơ Juda. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 12:8

Sre brê Añ tòmdră mơ Añ Kung be dô nơm klìu triă tòm brê, Ơluh ơhùm tòmdră mơ Añ; Gen tàng Añ gơjrañ bol khai.

Mice 3:2

Bol mê gơjrañ kơuềng di bơta niam mơ kòñ gơboh di bơta iơh; bol mê la cau crè gơltau làng bol Añ jê, la cau tah poac bơh di ntìng bol khai dê;

Mice 3:3

la cau sa poac làng bol Añ jê, klò gơltau bol khai dê mơ dơrpă ală ntìng bol khai dê gơlik rpot rpet; Bol mê la cau tơcoh bol khai kung be poac tòm glah, kung be poac tòm chàng taih?”

Mice 7:2

Ală cau dòn song neh roh thit jơh bơh lơgar; ò gơs dô nă cau song ring lơi gam wơl. Bol khai jơh tơl nă kơp mòc nàng lơh gơhòr mhàm; kòp nă dang bơtơng kup cau ndai.

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.