Mathiơ 27:63 - Sră Goh 2018

⁶³ mơ đơs lah: “Ơ ồng, bol hi kah cau blac pơrlồm do tòm tŭ gam kis đơs lah: ‘Tơnơ̆ mơ pe ngai gen Añ rơp kis wơl.’

Mathiơ 27:63 Σταυροειδείς Αναφορές

Mathiơ 16:21

Bơh tŭ hơ̆, Yàng Jesu sơntòm yal ală cau bơtê in git Kơnràñ pal lòt tus hơ Jerusalem, pal kong oă bơta jê sồt bòl glar bơh ală cau kwang kra, ală cau gơnoar lam bồ ơn phan duh khoai, ală cau bơto bơta boh lam, mơ pal kong tơnchơt, tus dê ngai pe gen geh kis wơl.

Mathiơ 17:23

Bol hơ̆ rơp tơnchơt Kơnràñ, tus di ngai pe Kơnràñ rơp kis wơl.” Gen ală cau bơtê moat jrùng ngan.

Mathiơ 20:19

bơtào Kơnràñ cau làng bol bơdìh in dơñŏ tơnhial, pù lơh mơ pơng hơđang chi pơng. Tus di ngai pe Kơnràñ rơp geh kis wơl.”

Mathiơ 26:61

Mơ đơs lah: “Cau do neh đơs: ‘Añ rgơi sòr tơrlah hìu duh khoai Yàng Tom Trồ dê gen bơtào gơs wơl tòm pe ngai.’”

Mathiơ 27:64

Behơ̆ dan sồr cau kơp gàr bơtô ƀồc nền cê jơl tus di ngai pe, rngòt ală cau bơtê Khai dê tus kơñau ƀồc mòn, gen đơs mơ làng bol lah: ‘Khai neh kis wơl bơh bơta chơt.’ Mơ bơta blac pơrlồm tơnơ̆ rơp iơh rlau mơ bơta lài sơl.”

Mathiơ 28:6

Kơnràñ ò ơm tềng do, Kơnràñ neh kis wơl rau, be jơnau Kơnràñ neh đơs. Tus tĕ sền tiah Kơnràñ neh bic.

Jơnau Niam Jat Mak 10:34

Bol khai rơp dơñŏ tơnhial di Khai, choh di Khai, pù lơh Khai mơ tơnchơt tơn. Mơya tơnơ̆ mơ pe ngai Khai rơp kis wơl.”

Jơnau Niam Jat Mak 8:31

Tŭ hơ̆ Yàng Jesu sơntòm bơto bol khai lah: Kòn Mơnus pal kong oă bơta bòl glar, pal kong ală cau kwang kra, ală cau gơnoar lam bồ ơn phan duh khoai mơ ală cau gơnoar cih sang tơlik, mơ kong cau tơnchơt, tơnơ̆ mơ pe ngai gen kis wơl.

Jơnau Niam Jat Mak 9:31

Bơh Kơnràñ bơto sồr ală cau bơtê lah: “Kòn Mơnus rơp gơkòl bơtào tòm tê cau, mơ bol hơ̆ rơp tơnchơt Khai. Neh sir tơnchơt Khai, gen tơnơ̆ mơ pe ngai Khai rơp kis wơl.”

Luka 18:31

Chòp Yàng Jesu lam is jơt bàr nă cau bơtê mơ đơs mơ bol khai lah: “Do, bol he guh hơ Jerusalem, ală bơta mơ ală cau gơnoar hwơr neh cih bơh Kòn Mơnus pal gơlik gơs di ngan.

Luka 18:33

tơnơ̆ hơ̆, cau pù lơh mơ tơnchơt Khai; tus di ngai dơ̆ pe, Khai rơp kis wơl.”

Luka 23:2

Bol khai yă Kơnràñ lah: “Bol hi neh gŏ cau chồl bơtrut làng bol hi dê, bơkơŭ boh dia Sesa in, mơ khai sơnđan is să khai la Krist la Bơtau.”

Luka 9:22

mơ lah: “Kòn Mơnus pal kong oă bơta bòl glar, kong ală cau kwang kra, ală cau gơnoar lam bồ ơn phan duh khoai, mơ ală cau bơto bơta boh lam sang lòi, mơ kong cau tơnchơt, gen tus di ngai pe geh kis wơl.”

Jang 2:19

Yàng Jesu ho lah: “Sòr tĕ hìu duh khoai do, tòm pe ngai Añ rơp bơtào gơs wơl!”

Jang 7:12

Tòm mpồl làng bol gơs oă jơnau đơs òm bơh Kơnràñ. Cau ƀà đơs lah: “Hơ̆ la cau lơbơn niam.” Ai cau ƀà tai đơs lah: “Ò di. Khai la cau pơrlồm mpồl làng bol.”

Jang 7:47

Ală cau Pharisi đơs mơ bol khai lah: “Bol mê kung kòl pơrlồm sơl ơ?

II Kôrintô 6:8

bulah gơs bơta gơklŏ hala bơta ƀàssìl, bulah gơs tiơng pơnro iơh hala niam. Sền be cau pơrlồm mơya la cau song ngan;