Mathiơ 25:32 - Sră Goh 2018

³² Jơh ală làng bol pơjum bal di đap Kơnràñ, gen Kơnràñ cah is làng bol do mơ làng bol ndai, kung be cau ê cah belàt mơ be,

Mathiơ 25:32 Σταυροειδείς Αναφορές

Đơs Crih 1:5

Tài bơh hơ̆, cau iơh bơsak ntào ò jai tòm ngai cahrña, Cau glài kung ò geh mut tòm mpồl jơnum cau song ring dê sơl;

Đơs Crih 78:52

Chòp Kơnràñ cèng làng bol Kơnràñ dê lik be belàt, Tề lam bol khai tòm ƀlàng ngềt ngơt be dô mpồl belàt.

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Ejekiel 20:38

Añ rơp lơh goh bơta tòmdră bơh digùl bol mê, mơ ală cau tòmdră mơ sòdră di Añ. Añ rơp cèng bol khai lik bơh di lơgar mơ bol khai ơm ing, mơya bol khai rơp ò geh mut tòm lơgar Israel dê. Gen bol mê rơp git Añ la Yàng Jehôwa.

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Mathiơ 13:49

Ngai lồi dut rài do kung behơ̆ sơl. Ală cau gơnrơh rơp lik lòt cah is ală cau iơh bơsak bơh ală cau song ring,

Mathiơ 28:19

Behơ̆, lòt tĕ lơh jơh ală làng bol in gơlik gơs cau bơtê Añ jê, ai sơnđan tĕ Yàng Bèp, Yàng Kòn mơ Yàng Hwềng Goh, lơh ƀaptem bol khai in.

Mathiơ 3:12

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Jang 10:14

Añ la cau ê lơbơn niam. Añ git belàt Añ jê mơ belàt Añ git Añ,

Jang 10:27

Belàt Añ kơno jơnau Añ, Añ git bol gơ mơ bol gơ jat Añ.

Rôma 2:12

Ală cau làng bol bơdìh ò gơs bơta boh lam Môise dê mơ tìs glài, gen kung rơp roh rui tòm bơta ò gơs bơta boh lam; ai ală cau Juda gơs bơta boh lam mơ tìs glài gen rơp kòl bơta boh lam cahrña;

Rôma 2:16

Behơ̆ jat be jơnau niam añ bơto yal; tòm ngai hơ̆, Yàng Tom Trồ kơnòm di Yàng Jesu Krist rơp cahrña ală bơta kơlôi sơnơng ndơp ndơr kòn mơnus dê.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

I Samuel 2:10

Ală cau tòmdră di Yàng Jehôwa rơp kong lề lac; bơh đang trồ Kơnràñ rơp tơndùh ntơr kơnàs hơđang bol khai. Yàng Jehôwa rơp cahrña ală tiah lồi dut plai ù dê; Kơnràñ rơp ai bơta pràn kơldang cau bơtau Kơnràñ in, mơ yò tơngguh gơnoar cau geh bong mơñà Kơnràñ dê.”