Mathiơ 25:20 - Sră Goh 2018

²⁰ Cau neh dòp pram talơng tus cèng pram talơng tai mơ yal lah: ‘Ơ ồng, ồng neh jào añ in pram talơng, do añ neh lơh gơlik cồng pram talơng tai.’

Mathiơ 25:20 Σταυροειδείς Αναφορές

Mathiơ 18:24

Tòm tŭ rơp sơntòm ting khà priă, gen gơs cau cèng dô nă cau kòl dồs dô tơlak talơng.

Luka 19:13

Lài mơ tŭ khai lik lòt. Chòp khai hòi jơt nă cau dĭ khai dê, jào bol khai in jơt pơnai priă mơ sồr lah: ‘Lòt kă bro tĕ, lơh gơlik cồng nha jơl tus di tŭ añ rê.’

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

Kôlôse 1:29

Kung bơh bơta hơ̆ mơ añ kong bòl glar lơh broă, tòmlơh jơh nùs kơnòm di pràn Kơnràñ dê mơ Kơnràñ lơh broă tòm añ dô bă gơs gơnap gơnoar.

Jakơ 2:18

Mơya cau ƀà rơp đơs: “Mê gơs bơta dòn, ai añ gơs broă lơh.” Sơnio tĕ añ in bơta dòn ò gơs broă lơh mê dê, gen añ rơp sơnio mê in bơta dòn bơh broă lơh añ jê.