Mathiơ 11:23 - Sră Goh 2018

²³ Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar làng ƀồc! Bơh ală broă gơnap gơnoar neh lơh digùl mê, dilah lơh tòm Sôdôm, gen ƀòn hơ̆ gam wơl tus ngai do.

Mathiơ 11:23 Σταυροειδείς Αναφορές

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

Ñìm Rac 2:1

Mbe tòm bơta gơjrañ dờng Yàng Jehôwa dê neh lơh ƀàssìl kòn ùr Siôn dê! Kơnràñ neh sơrbì bơh đang trồ tus tòm ù bơta gơklŏ ryŭ ryơm Israel dê. Kơnràñ neh ò kah kơrnòl ơn jơng Kơnràñ dê, tòm ngai gơjrañ dờng Kơnràñ dê.

Ejekiel 26:20

gen Añ rơp tơmù mê bal mơ ală cau mù tòm brong jrô, tus mơ làng bol yau òr. Añ rơp lơh mê in ơm sùm tòm tiah liah hơđơm ù, kung be ală tiah kong tơnroh bơh yau òr, bal mơ ală cau mù tòm brong jrô, mơ mê ò geh rê wơl ơm tòm ù tiah cau kis dê.

Ejekiel 31:14

Behơ̆, bơh tŭ do ò gơs tòm chi lơi hòn di gah dà rgơi hòn dờng jơnhoa, hala ơn cồng gơ digùl ală mhwal, mơ ò gơs chi geh tuh oă dà behơ̆ rgơi guh tus hơ tiah jơnhoa behơ̆. Jơh ală bol gơ neh kòl jào bơta chơt in tòm tiah hơđơm plai ù, bal mơ kòn mơnus, bal mơ ală cau hơ̆ mù tòm trồm jrô.’

Ejekiel 32:18

“Ơ kòn mơnus, pơt wòl tĕ bơh mpồl làng bol oă Ejiptơ dê. Bơtrơh tơlo tĕ làng bol hơ̆ bal mơ ală kòn ùr ală làng bol màng ryŭ tus tòm hơđơm ù, dô bă bal mơ ală cau mù tòm bơtô.

Ejekiel 32:24

Elam ơm tềng hơ̆ bal mơ jơh ală mpồl làng bol gơ ơm gùt dar bơtô ƀồc gơ dê. Jơh tơl nă bol khai neh kong sreh tơnchơt, neh gơpừ bơh đào. Ală cau ò siat gơltau neh mù tòm ù hơđơm, la ală cau neh rsìh bơta rngòt rngơt tòm ù cau kis dê, bol khai kong ƀàssìl ƀàsso bal mơ ală cau mù tòm brong jrô.

Apdia 1:4

Bulah mê par jơnhoa hơđang kung be klàng bung, bulah mê lơh rsòn mê dê digùl ală sơmañ, Añ kung rơp cèng tơmù mê bơh tềng hơ̆,” Yàng Jehôwa đơs behơ̆.

Mathiơ 10:15

Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

Mathiơ 16:18

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.

Mathiơ 17:24

Tòm tŭ bol khai neh tus tòm Kapenaum, gen ală cau dar dia hìu duh khoai tus lùp Pier lah: “Cau bơto bol mê ò boh dia ơ?”

Mathiơ 4:13

Kơnràñ lik bơh Nasaret mơ tus ơm tòm Kapenaum di gah dàlềng, tòm nhàr tiah Jebulun mơ Neptali,

Mathiơ 8:5

Dơ̆ Yàng Jesu mut tòm Kapenaum, gơs dô nă cau at dô rhiang ling tus rac dan mơ Kơnràñ lah:

Luka 10:15

Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar Làng Ƀồc.

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 16:23

Ơm tòm lơgar làng ƀồc, cau pas sơm gơkòl pơnjê pơngkồr, tơnggòr sền, gŏ Abraham bơh ngài mơ Lasarơ ơm di gah khai.

Luka 4:23

Kơnràñ đơs mơ bol khai lah: “Ngan bol mê ai jơnau pơnrĕ pơnring do đơs mơ Añ lah: ‘Ơ cau gơnoar sơnơm, sơmbòi tĕ is să he; ală bơta bol hi kơno ồng neh lơh tòm Kapenaum, gen kung lơh tĕ tòm ƀòn tòm ồng dê sơl.’”

Broă 2:27

Tài bơh Yàng ò sang hwềng soàn añ tòm lơgar Làng ƀồc, Kung ò ai Bơtau sàng goh Kơnràñ dê gŏ bơta ồm lề ò.

Broă 2:31

Tài bơh Dabit neh gŏ lài mơ đơs bơh bơta kis wơl Bơtau Krist dê lah Kơnràñ ò kòl sang tòm lơgar làng ƀồc mơ poac să Kơnràñ kung ò gŏ bơta ồm lề sơl.

Jude 1:7

Be Sôdôm, Gômôrơ mơ ală ƀòn dờng gùt dar kung neh jat behơ̆ mơ lơh bơta rềs àr bơrnàn mơ ting jat bơta hàm kòñ poac să dê la bơta cau ò òs lơh, gen neh kong lơh glài jàm tòm ồs gam sùm sùm, mơ lòi krơh di đap bol he.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Yal Tơlik 11:8

Ƀồc bol khai dê rơp tơmbic tòm gùng me ƀòn dờng dê, jat rùp sơnio gen sơnđan la Sôdôm mơ Ejiptơ, la tiah Yàng bol khai dê kung neh kong pơng di chi pơng.

Yal Tơlik 20:13

Dàlềng jào wơl ală cau neh chơt tòm gơ, bơta chơt mơ lơgar làng ƀồc kung jào wơl ală cau chơt tòm bol gơ, jơh ală bol khai kong cahrña jat be ală broă bol khai neh lơh.

Yal Tơlik 6:8

Mơ añ gŏ, ne, gơs dô nơm ơseh pàl pàl. Cau hào ơseh hơ̆ sơnđan la Bơta chơt, mơ Lơgar Làng ƀồc jat bơh tơnơ̆ khai. Neh ai bol khai in geh gơnoar tơnchơt dô pơnah poan tòm plai ù, la tơnchơt mơ đào, mơ jơgloh rung, mơ pluh plàng mơ ală phan poan jơng jàñ bơsak tòm plai ù.