Luka 9:19 - Sră Goh 2018

¹⁹ Bol khai ho lah: “Cau do đơs la Jang Ƀaptis, mơya cau ƀà đơs la Eli; ai cau ndai tai đơs la dô nă tòm ală cau gơnoar hwơr yau òr kis wơl.”

Luka 9:19 Σταυροειδείς Αναφορές

Jang 1:21

Bol hơ̆ lùp tai lah: “Behơ̆ ồng la ñcau taih? La Eli ơ?” Khai ho lah: “Ò di.” “Behơ̆ ồng la cau gơnoar hwơr ơ?” Khai ho lah: “Ò di.”

Jơnau Niam Jat Mak 6:15

Cau ƀà đơs lah: “Hơ̆ la Eli;” cau ƀà tai đơs lah: “Hơ̆ la cau gơnoar hwơr kung be dô nă tòm ală cau gơnoar hwơr rài yau.”

Mathiơ 14:2

gen đơs mơ ală cau kwang dong broă khai lah: “Do la Jang Ƀaptis, khai neh kis wơl bơh bơta chơt, gen tàng rgơi lơh ală broă gơnap gơnoar hơ̆ tòm khai.”

Malaci 4:5

Ne, Añ rơp sồr cau gơnoar hwơr Eli tus mơ bol mê lài mơ tŭ tus ngai dờng mơ rngòt rngơt Yàng Jehôwa dê.

Jang 9:17

Tài behơ̆, bol khai lùp cau jơngo tai lah: “Ai mê, mê đơs mbe lơi bơh cau neh lơh mê in àng mat taih?” Khai đơs lah: “Hơ̆ la dô nă cau gơnoar hwơr.”

Jang 7:40

Tòm tŭ mpồl làng bol kơno ală jơnau hơ̆, gơs cau ƀà đơs lah: “Cau do ngan la cau gơnoar hwơr.”

Jang 1:25

Bol hơ̆ lùp tai lah: “Dilah ồng ò di la Bơtau Krist, ò di la Eli, ò di la cau gơnoar hwơr, gen ñchi bơh tài ồng lơh ƀaptem taih?”

Mathiơ 3:1

Tòm ală ngai hơ̆, Jang Ƀaptis tus bơto yal tòm ƀlàng ngềt ngơt Jude lah:

Jơnau Niam Jat Mak 6:14

Mơ tai, bơtau Herôt kơno đơs bơh Yàng Jesu, tài bơh sơnđan Kơnràñ neh tiơng pơnro làm jơh. Gơs cau đơs lah: “Jang Ƀaptis neh kis wơl bơh bơta chơt, gen tàng khai rgơi lơh ală broă gơnap gơnoar hơ̆.”

Luka 9:18

Tòm tŭ Yàng Jesu hòi dan is, ală cau bơtê tus ơm gùt dar Kơnràñ, gen Kơnràñ lùp bol khai lah: “Làng bol đơs Añ la ñcau taih?”

Luka 9:20

Kơnràñ lùp tai: “Ai bol mê gen đơs Añ la ñcau taih?” Pier ho lah: “Kơnràñ la Bơtau Krist Yàng Tom Trồ dê.”