Luka 16:9 - Sră Goh 2018

⁹ Añ đơs mơ bol mê, ngui tĕ priă jền ò song ring nàng jòi lơh oh mi bơyô, tồ tŭ gơ neh jơh gen bol khai wă rò bol mê mut tòm hìu gam sùm sùm.

Luka 16:9 Σταυροειδείς Αναφορές

Đơs Crih 73:26

Bulah poac să mơ nùs nhơm añ siar roh, mơya Yàng Tom Trồ la bơta pràn kơldang nùs añ jê, mơ la pơnah añ jê gam sùm sùm.

Jơnau Pơnđik 14:24

Sơgơn bơtau cau jak chài dê la bơta pas gơs; Ai cau lu sơnrang wan che bơka di ngko la lu sơnrang.

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Jơnau Pơnđik 23:5

Kòn ngan neh ơn mat sền bơta pas gơs ơ? Gơ neh ò gam tai; bơh gơ ngan neh hòn pơnđar, mơ par guh be klàng bung sơl.

Cau Bơto 11:1

Pơyoa tĕ ƀañ mê dê hơđang nha dà, bơh tơnơ̆ mơ oă ngai mê rơp bàn gơ wơl.

Esai 57:16

Añ rơp ò kơt glài sùm sùm, kung ò gơhào gơjrañ sùm sùm; bơh ală hwềng soàn rơp bòl glar di đap Añ, bulah hwềng kis mơ Añ neh crơng gơs.

Daniel 4:27

Behơ̆ tàng, Ơ bơtau, dan iat jơnau añ bơto tơngkah: Dan bơtau lơh jat tĕ bơta song ring nàng tơwài ală bơta tồi glài bơtau dê, nđàc sơngit tĕ di ală cau kong rồn bơklơn nàng tơwài ală bơta iơh bơsak bơtau dê. Behơ̆ digơlan bơta pas gơs lơngai lơngò bơtau dê gơ rơp gam gơs jŏ jòng rlau.”

Mathiơ 19:21

Yàng Jesu đơs mơ khai lah: “Dilah mê kòñ gơs wil tơl, gen lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Mathiơ 6:19

“Bol mê bañ prap lòi phan màng tòm ù, la tiah gơs mŏ tu mơ è sa siar roh, mơ cau blơ̆ tò ƀlong mut kơñau.

Mathiơ 6:24

“Ò gơs cau lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

Luka 12:33

Tac tĕ phan bol mê nàng pà gòi; rcang tĕ he in kơldung priă ò klar siar, phan màng ò roh hơđang trồ, la tiah cau kơñau ò rgơi tus rềp, mŏ tu ò lơh ồm lề.

Luka 14:14

gen mê rơp geh lơngai, bơh bol khai ò rgơi tơm wơl mê in. Yàng Tom Trồ rơp tơm wơl mê in tòm ngai ală cau song ring kis wơl bơh bơta chơt.”

Luka 16:11

Behơ̆ dilah bol mê ò dòn song bơh phan mơna ò song ring, gen ñcau khin jào bol mê in phan mơna ngan taih?

Luka 16:13

Ò gơs cau dĭ lơi rgơi duh broă bàr nă cau tòm, bơh rơp gơjrañ kơuềng di cau do mơ kòñ gơboh di cau ne, hala sền dờng màng di cau do mơ sền òsơp di cau ne. Ală bol mê ò rgơi duh broă Yàng Tom Trồ ndang mơ duh broă jền priă ndang.”

Luka 16:4

Tŭ do añ git bơta añ pal lơh nàng tòm tŭ añ roh gơnoar broă, gen gơs cau wă rò añ tòm hìu bol khai dê.’

Broă 10:31

mơ đơs lah: ‘Ơ Kornai, jơnau hòi dan mê dê neh geh kơno rau, bơta pà gòi mê dê neh geh Yàng Tom Trồ cih kah.

Broă 10:4

Khai rngòt rngơt sền trol di cau gơnrơh, mơ đơs lah: “Ơ Yàng, gơs ñchi broă taih?” Cau gơnrơh ho lah: “Jơnau hòi dan mơ bơta pà gòi mê dê neh guh tus hơ Yàng Tom Trồ, mơ Kơnràñ neh cih kah rau.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

Jude 1:21

Kơrmap gàr să tòm he tòm bơta kòñ gơboh Yàng Tom Trồ dê, kơp gơn bơta kòñ nđàc Yàng Jesu Krist bol he dê nàng gơs bơta kis gam sùm sùm.