Luka 11:24 - Sră Goh 2018

²⁴ Dơ̆ cà lik bơh di dô cau lơi, gen gơ lòt làm tòm ală tiah ro rañ nàng jòi tiah rlô bòl, mơya jòi ò gơs, gen đơs lah: ‘Añ rơp rê wơl hơ hìu mơ añ pa lik.’

Luka 11:24 Σταυροειδείς Αναφορές

I Pier 5:8

Kơrmap gàr mơ drơng kơp tĕ. Cau sò tơm oh mi dê la cà ràk be klìu triă ơluh lòt gơrwàng gùt dar, jòi jat cau ƀà nàng sa loan.

Đơs Crih 63:1

Ơ Yàng Tom Trồ, Kơnràñ la Yàng Tom Trồ añ jê, añ jòi jat Yàng, Hwềng soàn añ tơhìr bơh Kơnràñ; poac să añ kơp kòñ Kơnràñ, Be ơm tòm ù tiah rañ rsơh, bòl glar, mơ ò gơs dà.

Sră Jop 2:2

Yàng Jehôwa lùp Satan lah: “Mbơh mê tus taih?” Satan ho mơ Yàng Jehôwa lah: “Añ lòt yơng tòm plai ù, mơ lòt ma kiau làm bă tiah.”

Sră Jop 1:7

Yàng Jehôwa lùp Satan lah: “Mbơh mê tus taih?” Satan ho Yàng Jehôwa lah: “Añ lòt yơng tòm plai ù, mơ lòt ma kiau làm bă tiah.”

Jơnau Niam Jat Mak 5:10

Gơ rac dan tai mơ Kơnràñ bañ bơtrơh bol gơlik bơh kơnhwàl hơ̆.

Esai 48:22

“Ală cau iơh bơsak ò geh bơta lơngap lơngai,” Yàng Jehôwa đơs behơ̆.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Jơnau Niam Jat Mak 9:25

Dơ̆ Yàng Jesu gŏ mpồl làng bol ntoat tus gen Kơnràñ lah pơrhơng cà mơ đơs lah: “Ơ cà kloat mơ tĭ, Añ sồr mê lik tĕ bơh di oh dềt do, bañ tŭ lơh tai khai.”

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 35:7

Bràs duh rơp gơlik gơs tơnau dà, ù tiah rañ rsơh rơp gơlik gơs croh dà. Trồm so brê ơm rơp gơlik tiah bŏ nàk, ƀlàng ñhơt rơp hòn bal mơ proh tràng.

Jơnau Pơnđik 4:16

Bơh dilah bol khai ò lơh tìs, gen ò rgơi bic; Dilah bol khai ò lơh dô nă cau in gơtup tìs, gen bơta bic mat kong tă tơlik bơh di bol khai.

Luka 11:25

Dơ̆ rê wơl, gơ gŏ hìu hơ̆ neh pơs goh mơ rơndap niam.