Kôlôse 4:10 - Sră Goh 2018

¹⁰ Aritak, la cau bơyô kong jàm bal mơ añ, còp să oh mi; Mak, la oh mi jơi bơtiàn bal mơ Banaba, kung behơ̆ sơl. (Bơh Mak gen oh mi neh dòp jơnau sồr rau dilah khai tus hơ oh mi, wă rò tĕ khai.)

Kôlôse 4:10 Σταυροειδείς Αναφορές

Broă 12:12

Tòm tŭ khai dòp git bơta hơ̆, gen lòt tus hơ hìu Mari, mè Jang dê, kung sơnđan la Mak, la tiah gơs oă cau pơjum bal mơ hòi dan.

Broă 12:25

Banaba mơ Sol neh lơh sir gơnoar broă he dê rau, gen bơh Jerusalem rê wơl hơ Antiôt cèng bal Jang, kung sơnđan la Mak.

Broă 13:13

Pol mơ ală cau bơyô lòt bal bơh Paphô hào ơhò tus hơ Perje tòm ƀòn dờng Pamphili. Mơya Jang sang lòi bol khai, mơ rê wơl hơ Jerusalem.

Broă 13:5

Tus tòm Salamis, bol khai bơto yal jơnau Yàng Tom Trồ dê tòm ală hìu jum cau Juda dê, kung gơs Jang Mak dong broă bal.

Broă 19:29

Jơh ƀòn dờng sơlồng sơlàng, bol khai dô nùs bal ntoat ràn ur òr tus hơ hìu tòmya kơnhơl, hwài Gaius mơ Aritak, cau Masedoan, la ală cau bơyô lòt bal mơ Pol.

Broă 20:4

Gơs ală cau lòt bal mơ khai la Sôpate kòn Pirus, cau ƀòn Bere; Aritak mơ Sekundus cau Tesalônika; Gaius cau Derbơ; mơ Timôthe, Ticikơ mơ Trôphim la cau kơnhwàl Asia.

Broă 27:2

Bol hi hào ơhò tus bơh Adramit rơp lòt rò gah dàlềng Asia dê, gen bol hi lòt. Aristak cau Masedoan, ƀòn tòm khai la Tesalônika, lòt bal mơ bol hi sơl.

Broă 4:36

Behơ̆ gơs dô nă cau Lebi, deh tòm Ciprus, sơnđan khai la Jôsep, ală cau gơnoar bơto dờng sơnđan khai la Banaba, (geh gơtha la kòn klau bơta pơndòm pơniang dê),

Rôma 16:2

Dan oh mi wă rò khai tòm Yàng dô bă di pal mơ cau sàng goh, mơ dong kòl khai tòm broă khai kơnòm di oh mi bơh să tòm khai neh dong kòl oă cau, mơ kung dong kòl añ sơl.

Rôma 16:7

Dan còp să Andrônik mơ Junia la cau gơp bơtiàn Juda mơ bơyô kong jàm bal mơ añ, mơ la cau neh geh tiơng pơnro tòm ală cau gơnoar bơto dờng mơ neh ơm tòm Bơtau Krist lài mơ añ.

II Timôthe 4:11

Gơs mìng dô nă Luka lơm ơm mơ añ. Cèng tĕ Mak lòt bal mơ mê, bơh khai gơs kwơ ngan añ in tòm gơnoar broă.

Philemôn 1:23

Epapras la oh mi bơyô kong jàm bal mơ añ tòm Yàng Krist Jesu, khai còp să bi;

Philemôn 1:24

Mak, Aritakus, Demas mơ Luka, la oh mi bơyô lơh broă bal mơ añ, kung behơ̆ sơl.

I Pier 5:13

Hìu Jum Goh tòm Babilôn, la ală cau neh geh sac rwah bal mơ oh mi, còp să oh mi; kòn añ la Mak kung behơ̆ sơl.