Kôlôse 2:18 - Sră Goh 2018

¹⁸ Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

Kôlôse 2:18 Σταυροειδείς Αναφορές

Sơnròp Gơlik Gơs 3:13

Jehôwa Yàng Tom Trồ lùp cau ùr lah: “Ñchi ai neh lơh behơ̆ taih?” Cau ùr ho lah: “Bơs neh ơniai añ mơ añ neh sa rau.”

Sră Jop 38:2

“Cau do la ñcau mơ ngui ală jơnau ò git wă Mơ lơh kơrlu kơrli bơta kơlôi bơyai Añ jê?

Esai 57:9

Bol mê neh cèng mơñà mơ bơtơl mơñà ƀô bơlhu ơn Molok in. Bol mê neh sồr ală cau kong sồr bol mê dê lòt hơ tiah ngài; tian gơs neh sồr mù tus hơ lơgar làng ƀồc!

Ejekiel 13:3

Jehôwa Yàng Tom Trồ đơs be do: ‘Bòl glar ngan ală cau gơnoar hwơr tùl gơla, ne la ală cau đơs jat hwềng nùs is bol khai dê, mơ ò gŏ bơta lơi ò!

Daniel 11:38

Khai ò dòn duh ală yàng hơ̆, mìng dòn duh yàng ală ƀòn dờng kơp gàr dê; khai rơp ai màh, priă, lŭ màng, mơ ală phan ơn kas màng nàng dòn duh yàng mơ ồng pàng khai ò git.

Khà Làng Bol 25:18

tài bơh bol khai gơwèt hơ bol mê kung be cau sò tơm tòm tŭ bol khai pơrlồm ơniai bol mê tòm broă Pheor dê mơ bi ùr bol khai dê la Kôsbi, kòn ùr dô nă cau kwang at bồ Midian, hơ̆ la cau ùr neh kòl tơnchơt tòm tŭ bơta kòp jê pluh plàng gơlik gơs tài bơh Pheor.”

Mathiơ 24:24

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Rôma 1:25

bơh bol khai neh tòmgơl jơnau song Yàng Tom Trồ dê mơ dòp bơta blac chừt, duh khoai mơ duh broă ală phan neh geh crơng gơs ala Bơtau Crơng Gơs, la Bơtau pal jòng ro gam sùm sùm! Amen.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

I Kôrintô 13:4

Bơta kòñ gơboh gơs bơta kong ơt mơ kơ̆ dơn, bơta kòñ gơboh ò ƀoah gơjrañ, bơta kòñ gơboh ò jòng să mơ ò pơnhừ să,

I Kôrintô 3:3

bơh oh mi gam la cau kis jat poac să; bơh tòm oh mi gơs bơta ƀoah mơ tòm pơndang, gen oh mi ò di cau jat poac să mơ lơh lòt kung be cau rài do ò ơ?

I Kôrintô 4:18

Mơ tai, gơs dô êt cau tòm oh mi jòng să he, tồnlah añ ò lòt tus hơ oh mi tai.

I Kôrintô 4:6

Ơ oh mi, tài bơh oh mi tàng añ neh ngui ală bơta do nàng sơnio bơh añ mơ Apôlôs, nàng oh mi bơtê bơh bol hi gơtha jơnau đơs lah: “Bañ sơrlèt rlau mơ jơnau neh cih;” nàng ò gơs dô nă cau lơi tòm oh mi jòng să bơh cau do mơ tòmdră mơ cau ne.

I Kôrintô 8:1

Gơwèt hơ phan ơn duh khoai rùp ràk, ngan behơ̆ be cau òs đơs: “kòp nă bol he gơs bơta git jak.” Bơta git jak lơh he in jòng is să he, ai bơta kòñ gơboh gen bơt bơtào.

I Kôrintô 9:24

Oh mi ò git lah ală cau ntoat pơrlòng tòm tiah pơrlòng, gen jơh tơl nă ntoat bal, mơya mìng gơs dô nă dòp geh phan ƀàn ơ? Behơ̆, oh mi pal ntoat mbe lơi sồng geh phan ƀàn.

II Kôrintô 11:3

Mơya añ rngòt lah, nùs oh mi roh bơta song ngan mơ bơta sàng goh gơwèt mơ Bơtau Krist, kung be yau òr bơs neh ngui kai lac lèo mơ pơrlồm Eba behơ̆ sơl.

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Ephesô 5:6

Bañ lòi cau lơi ai jơnau roh lơm mơ pơrlồm oh mi, tài bơh ală bơta hơ̆ mơ bơta gơjrañ dờng Yàng Tom Trồ dê dùh hơđang ală cau ò dòn bơr Yàng.

Yal Wơl 29:29

Ală bơta ndơp ndơr gơrê bal mơ Jehôwa Yàng Tom Trồ bol he dê, mơya ală bơta neh ràng tơlik gơrê bal mơ bol he mơ kòn sau bol he dê gam sùm sùm, tồ bol he lơh jat jơh ală jơnau neh cih tòm bơta boh lam do.

Philip 3:14

Behơ̆ añ ntoat song hơ tơnggu tồ sơmbat geh phan ƀàn bơh bơta hòi sac hơđang trồ Yàng Tom Trồ dê tòm Yàng Krist Jesu.

Kôlôse 2:23

Ală bơta hơ̆ gơlơh be jak chài tòm bơta duh khoai jat nùs is, bơta pơndêt să, bơta bơklơn să jan, mơya ngan ò gơs kwơ dô êt lơi nàng tòmdră mơ bơta hàm kòñ poac să dê.

Kôlôse 2:4

Añ đơs behơ̆ tồ klàs cau lơi ai jơnau lac lèo mơ pơrlồm oh mi.

Kôlôse 2:8

Kơrhia tĕ, rngòt gơs cau lơi ai bơta jak chài dunnia dê mơ jơnau pơrlồm roh lơm, jat jơnau òs yau kòn mơnus dê, jat bơta ƀă liă dunnia dê, ò di jat Bơtau Krist.

I Timôthe 1:7

bol khai kòñ lơh gơs cau bơto bơta boh lam bulah ò git wă jơnau bol khai đơs hala bơta bol khai lơh nền.

I Timôthe 4:1

Yàng Hwềng yal loh làng lah tòm tŭ tơngai lồi dut gơs cau ƀà rơp sang lòi bơta dòn mơ iat ală cà pơrlồm ơniai, mơ iat bơta bơto sồr gùng duh khoai cà dê,

II Pier 2:14

Gar mat bol khai dê bềng bơta rềs àr bơrnàn, tìs glài ò git dil, pơndòm ơniai ală cau ò kơ̆ cê, nùs bol khai bềng bơta hàm hà. Bol khai la ală cau pal kong srat sơntơm.

I Jang 2:26

Añ cih bol mê in bơta do la sơnio bơh ală cau kòñ pơrlồm bol mê.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 13:14

Gơ pơrlồm ală cau ơm tòm plai ù bơh ală tềl krơi gơ geh gơnoar lơh di đap phan poan jơng, mơ sồr bol khai mòn phan poan jơng in dô nơm rùp tòm toh be gơ, hơ̆ la phan poan jơng neh gơs sồt mơ đào mơ gam kis.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”

Yal Tơlik 3:11

Añ rơp tus mhar; kơrmap kơ̆ tĕ bơta mê neh gơs, tồ ò gơs cau lơi tă sơgơn bơtau mê dê.