Kôlôse 2:11 - Sră Goh 2018

¹¹ Tòm Kơnràñ oh mi kung neh kong siat gơltau, ò di siat gơltau bơh tê cau lơh, mơya siat gơltau bơh Bơtau Krist, hơ̆ la bơta klò sang să jan poac să.

Kôlôse 2:11 Σταυροειδείς Αναφορές

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jơnau Niam Jat Mak 14:58

“Bol hi neh kơno khai đơs lah: ‘Añ rơp sòr tơrlah hìu duh khoai bơh tê cau bơt do; tòm pe ngai Añ rơp bơtào gơs wơl dô nơm hìu duh khoai ndai ò di bơh tê cau bơt.’”

Luka 2:21

Tơl phàm ngai rau, gen pal siat gơltau kòn dềt in, mơ tơmoh sơnđan la Jesu, hơ̆ la sơnđan cau gơnrơh neh tơmoh lài mơ tŭ bun Kơnràñ tòm kơndul mè.

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.

Broă 7:48

Mơya Bơtau Hơđang Rlau Jơh ò ơm tòm hìu bơh tê cau lơh gơs ò, be jơnau cau gơnoar hwơr neh đơs:

Rôma 2:29

Mìng cau Juda đah dơlam sồng la cau Juda ngan, bơta siat gơltau tòm nùs sồng la bơta siat gơltau ngan, ơm tòm hwềng nùs bơh Yàng Hwềng. Cau hơ̆ geh jòng ro ngan, ò di bơh kòn mơnus mơya bơh Yàng Tom Trồ.

Rôma 6:6

Bơh git lah cau yau bol he dê neh kong pơng hơđang chi pơng bal mơ Kơnràñ, tồ să jan tồi glài dê kòl tơnroh, mơ bol he ò gam lơh gơs dĭ gơna tồi glài tai,

Rôma 7:24

Bòl glar ngan añ in! Ñcau rơp dong tă añ lik klàs bơh să jan chơt do tiah?

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

II Kôrintô 5:17

Behơ̆ dilah cau lơi ơm tòm Bơtau Krist, hơ̆ la cau neh crơng gơs pa; ală bơta yau neh roh rau, do ală bơta gơlik gơs pa lơm.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Yal Wơl 10:16

Gen tàng, siat gơltau tĕ nùs bol mê, mơ bañ kơldang bồ tai.

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

Hebrơ 9:11

Mơya Bơtau Krist neh tus lơh gơs cau gơnoar dờng lam bồ ơn phan duh khoai gơwèt mơ ală bơta niam neh tus rau, Kơnràñ neh mut tòm Hìu Ing Duh Khoai dờng rlau mơ wil tơl rlau, ò di bơh tê kòn mơnus bơtào gơs, hơ̆ ò di la bal mơ ală phan tòm rài do.

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.