Jôsue 9:4 - Sră Goh 2018

⁴ gen bol khai bơyai pal lơh blac pơrlồm: Bol khai lòt rcang phan ngui sa ơn tòm kơldung yau kơt hơđang alàng, ơn tơrnòm tòm nhồng gơltau sèt neh tơmbồl wơl.

Jôsue 9:4 Σταυροειδείς Αναφορές

Sơnròp Gơlik Gơs 34:13

Ală kòn klau Jakôp ho Sicem mơ Hamor, bèp khai, mơ ai jơnau đơs pơrlồm bol khai, tài bơh Sicem neh lơh roh pơnro niam Dina, oh ùr bol khai dê.

Đơs Crih 119:83

Bơh añ neh gơlik gơs be nhồng gơltau pơr hơđang ñhŭ ồs, Mơya añ ò hŭi jơnau sồr Yàng dê.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Mathiơ 9:17

Kung ò gơs cau tròc tơrnòm pa tòm nhồng gơltau yau, dilah lơh behơ̆ gen bơcah nhồng, tơrnòm hòr lik, mơ nhồng kung roh sơl. Mơya cau tròc tơrnòm pa tòm nhồng gơltau pa, gen jơh bàr bơta hơ̆ gam niam lơm.”

Jơnau Niam Jat Mak 2:22

Kung ò gơs cau lơi tròc tơrnòm pa tòm nhồng gơltau yau, dilah lơh behơ̆ gen tơrnòm lơh bơcah nhồng, tơrnòm roh mơ nhồng kung ò gam sơl; mơya cau tròc tơrnòm pa tòm nhồng gơltau pa.”

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

Jôsue 9:12

Do la piang lă bol hi dê; la phan sa lòt gùng gơ gam duh tòm ngai bol hi lik bơh hìu bol hi dê nàng tus hơ ală ồng, mơya tŭ do, sền tĕ gơ neh ro rañ mơ but bơsềt tai sơl.

Jôsue 9:13

Ală nhồng gơltau do gam tơrme tòm tŭ bol hi tuh bềng tơrnòm, mơya sền tĕ gơ neh klar sèt ngan ò git lơh. Ală ồi ào bol hi dê neh sut sèt mơ gơltau jă neh siar lơho tài bơh lòt gùng ngài.”

Jôsue 9:3

Mơya tòm tŭ làng bol ơm tòm Gabaôn kơno bơta Jôsue neh lơh di Jerikô mơ Ahi,

Jôsue 9:5

Bol khai jă gơltau jă neh siar sèt mơ kơt wơl, mơ bol khai soh ồi ào yau. Jơh ală phan sa bol khai dê neh ro rañ mơ but bơsềt.