Jôsue 7:25 - Sră Goh 2018

²⁵ Jôsue đơs lah: “Ñchi bơh tài mê cèng bơta bòl glar hơđang bol hi taih? Yàng Jehôwa rơp cèng bơta bòl glar hơđang mê tòm ngai do.” Gen jơh Israel cơm lŭ tơnchơt khai, mơ chu bol khai tòm ồs, sơrbì lŭ hơđang bol khai.

Jôsue 7:25 Σταυροειδείς Αναφορές

Sơnròp Gơlik Gơs 34:30

Gen Jakôp đơs mơ Simeôn mơ Lebi lah: “Bol mê neh lơh añ in ò suk ơm, lơh làng bol tòm lơgar do, la cau Kanaan mơ cau Pherijit, gơlik gơjrañ di añ behơ̆. Añ do gơs dô êt cau lơm. Dilah bol khai pơjum bal mơ lơh añ, gen ngan añ mơ hìu nhă añ rơp gơkòl roh rui.”

Sơnròp Gơlik Gơs 38:24

Pơgap tòm pe kơnhai tơnơ̆, cau yal Juda in lah: “Tamar, ƀan mê neh lơh dri, mơ bơh bơta dri hơ̆, khai neh bun.” Juda đơs lah: “Cèng chu tĕ khai.”

I Yal Yau 2:7

Ală kòn klau Karmi dê la: Akar, cau lơh sơlồng sơlàng tòm Israel, neh tìs glài gơwèt hơ ală phan neh ơn is sàng goh;

Jơnau Pơnđik 1:19

Hơ̆ la bơta lồi dut kòp nă cau hàm kòñ oă phan mơna; Cồng nha hơ̆ tă bơta kis ală cau dòp geh gơ.

Jơnau Pơnđik 15:27

Cau hàm hà cồng nha ò song ring lơh sơlồng sơlàng hìu bol khai dê; Ai cau gơjrañ phan sa loă rơp geh kis.

Lebi 20:14

Dilah dô nă cau klau bau mơ jơh bàr nă cau ùr bal mơ mè cau ùr hơ̆ dê, hơ̆ la dô bơta iơh bơsak. Jơh pe nă cau hơ̆ pal kong chu tòm ồs tồ ò gơs bơta iơh bơsak ơm digùl bol mê.

Lebi 20:2

“Đơs tĕ mơ cau Israel lah: ‘Cau Israel hala cau làng bơdìh lơi ơm tòm Israel ai kòn lơi tòm ală kòn khai dê Molok in gen cau hơ̆ pal kong tơnchơt. Làng bol tòm lơgar pal cơm lŭ tơnchơt khai.

Lebi 21:9

Dilah dô nă kòn ùr cau gơnoar ơn phan duh khoai lơh să tòm khai in gơlik gơs ƀơ̆ ƀơl bơh neh lơh dri, khai lơh ƀàssìl ƀàsso bèp khai in, khai pal kong chu tòm ồs.

Lebi 24:14

“Cèng tĕ cau đơs tràl sơrbil hơ̆ đah bơdìh sàl ơm. Jơh ală cau neh kơno khai đơs tràl sơrbil pal ơn tê bol khai dê hơđang bồ cau hơ̆, mơ jơh dô mpồl jơnum pal cơm lŭ tơnchơt khai.

Galati 5:12

Kơp kòñ lah ală cau lơh dơrcul oh mi, bol khai rơp koh is să tòm bol khai dê la niam rlau!

Yal Wơl 13:10

Cơm tĕ lŭ tơnchơt khai, tài bơh khai neh lòng pơrlac bol mê sang Jehôwa Yàng Tom Trồ bol mê dê la Bơtau neh tă cèng bol mê lik lòt bơh di Ejiptơ, bơh di lơgar ơm dĭ.

Yal Wơl 13:11

Gen jơh Israel rơp kơno mơ rngòt, mơ ò gơs dô nă cau lơi digùl bol mê rơp lơh dô bơta iơh behơ̆ tai.

Yal Wơl 17:5

gen kup tĕ cau klau hala cau ùr neh lơh bơta iơh bơsak hơ̆ mơ cèng khai tus hơ mpồng ƀòn dờng dê mơ cơm lŭ tơnchơt khai.

Yal Wơl 21:21

Gen jơh ală cau klau tòm ƀòn dờng khai dê rơp cơm lŭ tơnchơt khai. Bol mê pal tă sang bơta iơh bơsak bơh digùl bol mê. Jơh Israel rơp kơno bơta hơ̆ mơ rngòt.”

II Tesalônika 1:6

Bơh dilah bơta song ring Yàng Tom Trồ dê la ai bơta jê sồt bòl glar sal tê ală cau neh lơh jê sồt bòl glar di oh mi,

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Jôsue 6:18

Mơya đah mơ bol mê, ơm ngài tĕ bơh di ală phan pal tơnroh do, dilah hàm kòñ mơ bol mê ai ală phan ơn is nàng tơnroh hơ̆, gen bol mê rơp lơh sàl Israel dê pal kong bơta tơnroh mơ cèng bơta bòl glar hơđang gơ.

Jôsue 7:15

Cau lơi kòl sơnio neh gơs ală phan pal tơnroh gen rơp kong chu tòm ồs bal mơ jơh ală phan gơrê bal mơ khai, tài bơh khai neh lơh tìs mơ bơta ho bal Yàng Jehôwa dê, mơ neh lơh dô bơta tràl sơrbil tòm Israel.’”

I Samuel 14:29

Jônathan đơs lah: “Bèp añ neh lơh bòl glar di lơgar. Sền tĕ mbe lơi gar mat añ jê neh àng loh tòm tŭ añ sa liap dô êt dà lơwe do.