Jôsue 6:6 - Sră Goh 2018

⁶ Behơ̆ Jôsue kòn klau Nun hòi ală cau gơnoar ơn phan duh khoai mơ đơs mơ bol khai lah: “Tùng tĕ Đài Bơta Ho Bal Yàng Jehôwa dê mơ gơs poh nă cau gơnoar ơn phan duh khoai at poh nơm kơlwòk ngke belàt dam lòt hơđap Đài Yàng Jehôwa dê.”

Jôsue 6:6 Σταυροειδείς Αναφορές

Lik Ejiptơ 25:14

Tơmut tĕ ală mơng tùng tòm ală dơwàng di bàr gah đài nàng tùng đài.

Broă 9:1

Tŭ hơ̆, Sol sơlo pơhìn mơ tơnchơt ală cau bơtê Yàng dê, khai lòt tus hơ cau gơnoar dờng lam bồ ơn phan duh khoai,

Jôsue 24:11

Lồc behơ̆ bol mê neh tiă hiòng Jordan mơ tus hơ Jerikô. Làng bol Jerikô tòmlơh mơ bol mê, kung be ală làng bol Amôrit, Pherijit, Kanaan, Hetit, Girgasit, Hebit mơ Jebusit, mơ Añ neh jào bol khai tòm tê bol mê dê.

Jôsue 3:3

mơ ai jơnau sồr làng bol lah: “Tòm tŭ bol mê gŏ ală cau gơnoar ơn phan duh khoai bal mơ ală cau Lebi tùng Đài Bơta Ho Bal Jehôwa Yàng Tom Trồ bol mê dê, gen bol mê pal tă sàl bol mê dê mơ lòt jat gơ,

Jôsue 3:6

Jôsue đơs mơ ală cau gơnoar ơn phan duh khoai lah: “Tùng tĕ Đài Bơta Ho Bal lòt lài mơ làng bol.” Behơ̆, bol khai tùng Đài Bơta Ho Bal mơ lòt lài mơ làng bol.

Jôsue 6:13

Poh nă cau gơnoar ơn phan duh khoai at poh nơm kơlwòk ngke belàt dam lòt lài mơ Đài Yàng Jehôwa dê, lòt ndang uh kơlwòk ndang. Ală cau ling at phan tòmlơh lòt lài mơ bol khai, mơ ală cau ling sền gàr bơh ngkòi lòt jat tơnơ̆ Đài Yàng Jehôwa dê tòm tŭ ală kơlwòk kư̆ uh sùm.

Jôsue 6:5

Tòm tŭ bol mê kơno ntas kơlwòk ală cau gơnoar ơn phan duh khoai neh uh sap jòng, gen jơh làng bol pal driau dô sap dờng; mơ dơrñang ƀòn rơp tơrlơm lề jơh, mơ jơh làng bol kòp nă rơp guh song hơđap.”

Jôsue 6:7

Khai kung đơs mơ làng bol lah: “Lòt tĕ hơđap mơ lòt gùt dar ƀòn, gơs ală cau ling at phan tòmlơh lòt hơđap Đài Yàng Jehôwa dê.”

Jôsue 6:8

Tòm tŭ Jôsue neh đơs mơ làng bol rau, gen poh nă cau gơnoar ơn phan duh khoai at poh nơm kơlwòk ngke belàt dam lòt hơđap uh kơlwòk ndang, mơ Đài Bơta Ho Bal Yàng Jehôwa dê jat bơh tơnơ̆.

I Samuel 4:3

Tòm tŭ cau ling tòmlơh rê wơl hơ sàl, gen ală cau kwang kra Israel dê lùp lah: “Ñchi bơh tài Yàng Jehôwa neh lòi bol he kong alah tòm ngai do di đap cau Philistin taih? Bol he lòt lă cèng Đài Bơta Ho Bal Yàng Jehôwa dê bơh Silô, tồ Kơnràñ lòt bal mơ bol he mơ dong klàs bol he bơh bơta pràn ală cau sò tơm bol he dê.”