Jôsue 3:8 - Sră Goh 2018

⁸ Mê la cau pal sồr ală cau gơnoar ơn phan duh khoai tùng Đài Bơta Ho Bal lah: ‘Tòm tŭ bol mê tus di gah hiòng Jordan, gen pal ơm ntào tĕ tòm hiòng hơ̆.’”

Jôsue 3:8 Σταυροειδείς Αναφορές

II Ală Bơtau 2:6

Eli đơs mơ khai lah: “Ơm tĕ tềng do, bơh Yàng Jehôwa sồr añ lòt tus hơ Jordan.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ rơp ò sang lòi ồng.” Behơ̆, bàr nă bol khai pơnjat lòt gùng.

II Yal Yau 29:15

Bol khai neh pơjum tơrgòm bal ală oh mi bol khai dê mơ lơh să tòm bol khai sàng goh, bol khai mut nàng wàs goh hìu duh khoai Yàng Jehôwa dê be bơtau neh sồr bơh jơnau Yàng Jehôwa dê.

II Yal Yau 29:27

Ejekia ai gơnoar sồr ơn phan duh khoai chu pơrguc hơđang cơnòng duh khoai. Tòm tŭ rơp sơntòm ơn phan duh khoai gen bơta đơs chò jòng ro Yàng Jehôwa kung sơntòm bal mơ ntas ală kơlwòk mơ ală bơta kơñi Dabit dê la bơtau Israel.

II Yal Yau 29:30

Bơtau Ejekia mơ ală cau kwang duh broă khai dê ai gơnoar sồr ală cau Lebi ngui ală jơnau đơs crih Dabit mơ Asap cau gơnoar git lài khai dê mơ jòng ro Yàng Jehôwa. Behơ̆ bol khai đơs chò jòng ro tòm bơta hòn chò mơ bol khai kun bồ mơ duh khoai.

II Yal Yau 30:12

Tòm Juda, tê Yàng Jehôwa kung ơm hơđang làng bol mơ ai bol khai in bơta lơh gơs dô bă bal nàng lơh gơlik gơs jat be cau bơtau mơ ală cau kwang bơtau dê neh sồr jat be jơnau Yàng Jehôwa dê.

Nehemi 13:22

Mơ añ sồr ală cau Lebi lơh goh să tòm bol khai mơ lòt sền gàr ală mpồng nàng ơn ngai Saƀat sàng goh. Ơ Yàng Tom Trồ añ! Dan kah añ bơh ală bơta do, mơ dan nđàc sơngit di añ jat bơta kòñ gơboh kơ̆ dơn dờng Kơnràñ dê.

Nehemi 13:28

Gơs dô nă tòm ală kòn klau Jôyada dê, sau Eliasip, cau gơnoar lam bồ ơn phan duh khoai, la bơrtơu Sanbalat cau Hôrôn dê. Tài bơh hơ̆ añ neh bơtrơh khai ngài bơh di añ.

Lik Ejiptơ 14:13

Môise ho wơl mơ làng bol lah: “Bañ rngòt, ntào kơ̆ tĕ mơ sền gŏ bơta dong tă Yàng Jehôwa dê rơp lơh gơlik gơs bol mê in tòm ngai do. Cau Ejiptơ mơ bol mê neh gŏ tòm ngai do gen bol mê rơp ò gơs tŭ lơi gŏ bol khai tai.

Ñìm Rac 3:26

Hơ̆ la niam cau in ơm mŏ mŏ kơp gơn bơta dong klàs Yàng Jehôwa dê.

Jôsue 3:17

Ală cau gơnoar ơn phan duh khoai tùng Đài Bơta Ho Bal Yàng Jehôwa dê ntào kơ̆ hơđang ù rañ rsơh digùl hiòng Jordan, jơl tus tŭ jơh làng bol Israel lòt gan hơđang ù rañ rsơh jơl tus di tŭ jơh làng bol neh tiă hiòng Jordan sir rau.

Jôsue 3:3

mơ ai jơnau sồr làng bol lah: “Tòm tŭ bol mê gŏ ală cau gơnoar ơn phan duh khoai bal mơ ală cau Lebi tùng Đài Bơta Ho Bal Jehôwa Yàng Tom Trồ bol mê dê, gen bol mê pal tă sàl bol mê dê mơ lòt jat gơ,

Jôsue 3:7

Mơ Yàng Jehôwa đơs mơ Jôsue lah: “Ngai do Añ rơp sơntòm lơh mê in geh sền dờng màng di đap jơh Israel, nàng bol khai in git lah Añ ơm bal mơ mê kung be Añ neh ơm bal mơ Môise sơl.

Jôsue 3:9

Gen Jôsue đơs mơ làng bol Israel lah: “Tus tĕ rềp tềng do mơ iat jơnau Jehôwa Yàng Tom Trồ bol mê dê.

Jôsue 4:11

Tòm tŭ jơh làng bol neh tiă gan hiòng rau, gen Đài Bơta Ho Bal Yàng Jehôwa dê mơ ală cau gơnoar ơn phan duh khoai kung lòt gan di đap làng bol.