Jeremi 51:29 - Sră Goh 2018

²⁹ Ù tiah lơnggơr mơ jê sồt, bơh nùs kòñ Yàng Jehôwa tòmdră mơ Babilôn geh ntào kơ̆, Nàng lơh tiah Babilôn in ngềt ngơt, Ò gơs làng bol ơm.

Jeremi 51:29 Σταυροειδείς Αναφορές

Esai 14:16

Ală cau gŏ mê rơp sền trol di mê, mơ kơlôi sơnơng bơh bơta neh gơlik gơs di mê, mơ đơs lah: “Hơ̆ ò di la cau do neh lơh gơlơnggơr plai ù, mơ lơh ală lơgar rơm rngòt,

Esai 24:20

Plai ù gơpơrlac kung be cau bơñul ñô; gơtơyài kung be dô nơm rnŭ lơh mơ ja, tồi glài gơ tơnàñ kơnjơ̆ hơđang gơ, mơ gơ rơp tơrlơm mơ rơp ò geh guh tai!

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Jeremi 50:13

Bơh bơta gơjrañ dờng Yàng Jehôwa dê, gơ rơp ò gơs cau ơm tai, Mìng gơlik gơs tiah lòi srau lơm; Ală cau lòt gan rềp Babilôn rơp rngòt rngơt, Mơ dơñŏ tơnhial bơh ală bơta sồt rmàñ gơ dê.

Jeremi 50:36

Dô nơm đào tòmdră mơ ală cau bơjơu, Bol khai rơp gơlik gơs cau tùl gơla! Dô nơm đào tòmdră mơ ală cau ling jak tòmlơh gơ dê, Tian gơs bol khai rơp kong tơnroh!

Jeremi 50:43

Bơtau Babilôn neh kơno yal tơnggit behơ̆, gen tê khai gơlik òsô; bơta jê sồt sơmbat khai tian gơs khai jê sồt be cau ùr jê deh.

Jeremi 50:45

Behơ̆ iat tĕ bơta rơndap Yàng Jehôwa neh rcang tòmdră mơ Babilôn, mơ tơnggume broă Kơnràñ neh bơtào tòmdră mơ lơgar cau Kalde. Ngan, ală kòn dềt tòm mpồl bol khai neh kong hwài lòt, ƀlàng ñhơt bol khai dê gơlik gơs tiah ngềt ngơt!

Jeremi 50:46

Kơno jơnau Babilôn gơkòl kup, ù tiah gơlơnggơr, mơ sap driau geh kơno digùl ală lơgar.

Jeremi 51:26

Cau rơp ò ai lŭ bơh di mê lơh mum hìu hala lŭ lơh mơnàng, Mơya mê rơp la tiah lòi srau jơl sùm sùm,” Yàng Jehôwa đơs behơ̆.

Jeremi 51:28

Rcang sir tĕ ală lơgar tòmlơh mơ gơ, Hơ̆ la ală bơtau Medi, ală kwang đơng bol khai dê mơ ală kwang dong kòl mơ ală lơgar mơ ală cau hơ̆ at bồ!

Jeremi 51:37

Babilôn rơp gơlik gơs gơnru tơrlah tơrlơm, Trồm so rhau ơm, Tiah ƀơ̆ iơh mơ bơrsèl tơnhial, Ò gơs làng bol ơm tai.

Jeremi 51:43

Ală ƀòn gơ neh gơlik bơta rngòt rngơt, Gơlik tiah ro rañ, ngềt ngơt, Ò gơs làng bol ơm, Ò gơs cau lơi lòt gan.

Jeremi 8:16

Ntas sap ơseh hòi neh kơno bơh Dan; kơno sap ơseh tòmlơh ơhih, làm jơh ù tiah lơnggơr; Bơh bol khai neh tus, sa loan ù mơ ală phan gơlik bơh ù, sa loan ƀòn mơ jơh làng bol ơm tòm gơ.

Jôel 2:10

Ù gơlơnggơr di đap bol gơ, ală tap trồ wañ lơnggơh, mattơngai mơ mat kơnhai gơlik klam jơngo, ală sơmañ ò àng tai.

Amôs 8:8

Lơgar rơp ò rơm să bơh bơta hơ̆ ơ? Mơ jơh ală làng bol ơm tòm hơ̆ rơp ò ñìm rac ơ? Jơh lơgar rơp guh kung be hiòng Nil; mơ rơp yò tơngguh gen gơkram wơl kung be hiòng Nil tòm Ejiptơ dê ơ?”

Yal Tơlik 18:2

Khai hòi driau dờng lah: “Babilôn dờng neh tơrlah tơrlơm, tơrlah tơrlơm rau! Gơlik gơs tiah ơm ală cà dê, rsòn jơh ală cà ƀơ̆ iơh, mơ rsòn jơh ală jơi sềm ƀơ̆ ƀơl cù kìr,