Jeremi 37:7 - Sră Goh 2018

⁷ “Jehôwa, Yàng Tom Trồ Israel dê, đơs be do: ‘Bol mê pal yal mơ bơtau Juda, la cau neh sồr bol mê tus lùp Añ, lah: Ne, mpồl ling Pharaôn dê neh tus dong tă bol mê, rơp lik rê hơ lơgar he, hơ̆ la lơgar Ejiptơ.

Jeremi 37:7 Σταυροειδείς Αναφορές

II Ală Bơtau 22:18

Ai đah mơ bơtau Juda neh sồr cau hòi lùp Yàng Jehôwa, gen đơs tĕ mơ khai lah: Bơh ală jơnau khai neh kơno Jehôwa Yàng Tom Trồ Israel dê đơs be do:

II Ală Bơtau 24:7

Mơ tai, bơtau Ejiptơ ò khin lik bơh lơgar khai dê tai, tài bơh bơtau Babilôn neh tòmpìt ai lơgar gơrê bal mơ bơtau Ejiptơ, bơh croh Ejiptơ jơl tus hiòng Ơphrat.

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Esai 30:7

Bơh bơta dong kòl Ejiptơ la ò kwơ mơ tê gòi. Gen tàng Añ sơnđan khai la Rahap nggui ò ơwañ.

Esai 36:6

Sền ne, mê kơnòm di Ejiptơ la dô nơm tòm proh pă lơh gơs gai jra, cau lơi sơnđìng di gơ gen rơp srơp bluh tê! Pharaôn bơtau Ejiptơ, gơwèt mơ jơh ală cau gơn kơnòm di khai la behơ̆.

Jeremi 2:18

Gen ñchi bơta mê geh tŭ lòt hơ Ejiptơ, Nàng hùc dà hiòng Nil ơ? Hala bol mê geh bơta lơi tŭ lòt hơ Asiri, Nàng hùc dà hiòng Ơphrat ơ?

Jeremi 2:36

Ñchi bơh tài mê mhar ngan tòmgơl gùng dà mê dê. Bol mê rơp gơkòl ƀàssìl bơh Ejiptơ, kung be bol mê neh ƀàssìl bơh Asiri.

Jeremi 2:37

Bơh tềng hơ̆ bol mê rơp lik lòt ngài, Mơ tê bol mê dê ơn hơđang bồ; Bơh Yàng Jehôwa sang lòi ală cau mơ mê neh dòn kơnòm, Mơ mê rơp ò geh bơtoah bơtoài bơh di bol khai.”

Jeremi 21:1

Do la jơnau Yàng Jehôwa yal Jeremi in, tŭ bơtau Jedekia sồr Pasur kòn klau Malkiah, mơ Sôphôni, kòn klau cau gơnoar ơn phan duh khoai Maaseyah, tus đơs mơ khai lah:

Jeremi 21:2

“Dan hòi lùp Yàng Jehôwa bol he in, bơh Nebukatnessar, bơtau Babilôn, neh tus tòmlơh mơ bol he; digơlan Yàng Jehôwa rơp lơh ală broă crih crài bol he in be Kơnràñ òs lơh, mơ rơp lơh khai in lik ngài bơh bol he.”

Jeremi 37:3

Bơtau Jedekia sồr Jehukan, kòn klau Selemia, mơ Sôphôni, kòn klau cau gơnoar ơn phan duh khoai Maaseya, lòt tus hơ cau gơnoar hwơr Jeremi mơ đơs lah: “Dan bơh bol hi hòi dan mơ Jehôwa Yàng Tom Trồ bol he dê.”

Jeremi 37:5

Mpồl ling Pharaôn dê neh lik bơh lơgar Ejiptơ; ală cau Kalde ơm gơrwàng ƀòn Jerusalem kơno behơ̆, gen tơlik mpồl ling bơh Jerusalem.

Jeremi 37:6

Tŭ hơ̆, gơs jơnau Yàng Jehôwa đơs mơ cau gơnoar hwơr Jeremi lah:

Ñìm Rac 1:7

Tòm ală ngai jê sồt moat jrùng mơ nrah nring, Jerusalem kah wơl jơh ală phan màng mơ khai neh dòp geh tòm ngai yau òr; Tòm tŭ làng bol khai dê gơdùh tòm tê cau sò tơm, mơ ò gơs cau lơi tus dong kòl khai. Cau sò tơm sền gŏ, dơñŏ tơnhial dê bơta tơrlah tơrlơm khai dê!

Ñìm Rac 4:17

Mat bol hi lơgah lơgañ gơn bơta dong kòl ò kwơ! Bol hi kơp gơn ngac ngar hơ dô làng bol ò rgơi dong klàs.

Ejekiel 17:17

Pharaôn bal mơ mpồl ling oă cau mơ gơnoar pràn khai dê rơp ò dong kòl khai tòm bơta tòmlơh, tòm tŭ cau Babilôn bơt ală dơrñang mơ ơm kơp gơrwàng gùt dar nàng tơnroh oă cau.

Ejekiel 29:16

Ejiptơ rơp ò tai gam la tòm ryas bơta gơn kơnòm làng bol Israel in, mơya la dô bơta tơngkah wơl bơh tồi glài bol khai dê, tòm tŭ bol khai wèt wơl hơ Ejiptơ nàng geh dong kòl. Gen bol khai rơp git Añ la Jehôwa Yàng Tom Trồ.’”

Ejekiel 30:22

Gen tàng, Jehôwa Yàng Tom Trồ đơs be do: ‘Añ tòmdră mơ Pharaôn, bơtau Ejiptơ dê, mơ rơp dơrpă bàr nơm tơwòr tê khai dê, tơwòr tê pràn bal mơ tơwòr tê neh pă, mơ Añ rơp lơh đào dùh bơh di tê khai.