13 Di đap bol khai, añ nting sồr Baruk lah:
Añ tong sră cơng tàng blơi sre hơ̆ Baruk in, kòn klau Neriya, sau Maaseya, di đap Hanamel, kòn klau wa añ, di đap ală cau lơh cơng neh cih sơnđan mat tòm sră cơng tàng tac sre, mơ di đap jơh ală cau Juda ơm nggui tòm rơng hìu cau ling kơp gàr.
Yàng Jehôwa Gơnap Gơnoar Dờng Làm Jơh la Yàng Tom Trồ Israel dê đơs be do: ‘Ai tĕ ală sră cơng tàng blơi sre do, sră cơng tàng neh gơs tap ƀang kì, mơ sră cơng tàng ò gơs tap ƀang kì mơ ơn tòm dô nơm gri mơ ù nàng ală sră hơ̆ gam prap niam tòm jŏ ngai.’
