Biblia Todo Logo
Διαδικτυακή Βίβλος

- Διαφημίσεις -




Jeremi 30:19 - Sră Goh 2018

19 Bơta ưnngài rơp tus bơh di bol khai Mơ jơnau driau chò ală cau chò hòp dê. Añ rơp lơh bol khai gơlik bơtơl oă ngan, mơ bol khai rơp ò gơs dô êt. Añ kung rơp lơh bol khai geh dờng màng, ò gam kong sền òsơp tai.

Δείτε το κεφάλαιο αντίγραφο




Jeremi 30:19
39 Σταυροειδείς Αναφορές  

Bol khai ñô sa chò hòp bơta pơjum sa piang lă ò gơs kañ tòm poh ngai, tài bơh Yàng Jehôwa neh lơh bol khai in bềng lìu bơta hòn chò, mơ neh tơrwơl nùs Asiri dê hơ bol khai, tian gơs khai dong kòl bol khai tòm broă bơt bơtào hìu Yàng Tom Trồ la Yàng Tom Trồ Israel dê.


Gen jơh làng bol rê nàng ñô sa, mơ pơyoa bal ală pơnah phan sa chò hòp ngan; tài bơh bol khai neh wă ală jơnau cau neh bơto bol khai in.


Jơh mpồl jơnum neh geh rê bơh bơta kong kup cèng gen lơh sàl mơ ơm tềng hơ̆. Bơh di rài Jôsue kòn klau Nun dê jơl tus ngai hơ̆, làng bol òhềt gơs behơ̆, mơ gơs bơta hòn chò dờng ngan.


Ôih, bơta dong tă Israel dê rơp tus bơh Siôn! Tòm tŭ Yàng Tom Trồ bơtào wơl làng bol Kơnràñ dê, Gen Jakôp rơp hòn chò mơ Israel chò hòp.


Mê rơp đơs tòm ngai hơ̆ lah: “Khoai Yàng Jehôwa, añ rơp ai jơnau ưnngài Yàng, bulah Kơnràñ neh gơjrañ di añ, bơta gơjrañ Kơnràñ dê neh wèt ngài mơ Kơnràñ neh pơndòm pơniang añ.


Mơya Kơnràñ neh bơtơl lơgar, ơ Yàng Jehôwa, Yàng neh bơtơl làng bol, bơta gơklŏ gơrê hơ Kơnràñ, Kơnràñ neh pò ơnàng jơh ală nhàr lơgar dê.


Tòm ală ngai rơp tus, Jakôp rơp hòn ryas, Israel rơp cat sơmbut mơ lì bơkào, mơ rơp gơlik plai bềng lìu hơđang jơh plai ù.


Mơ ală cau Yàng Jehôwa neh tơwài rơp rê wơl. Bol khai mut tòm Siôn bal mơ jơnau đơs chò; bơta hòn chò gam sùm sùm rơp tơndau hơđang bồ bol khai. Bol khai rơp bềng lìu bơta chò hòp mơ hòn chò, bơta moat jrùng mơ rac ròc rơp roh thit.


Behơ̆ làng bol Yàng Jehôwa neh tơwài rơp rê wơl mơ lòt tus hơ Siôn bal mơ bơta đơs chò; bơta hòn chò gam sùm sùm rơp geh tơndau hơđang bồ bol khai. Bol khai rơp dòp geh bơta hòn chò mơ chò hòp, bơta moat jrùng mơ bơta pơt wòl rơp dô ngài.


Bơh Yàng Jehôwa rơp pơndòm pơniang Siôn; Kơnràñ rơp pơndòm pơniang jơh ală tiah rhàng srau gơ dê. Kơnràñ rơp lơh ƀlàng ngềt ngơt gơ dê gơlik be suơn Eden, ƀlàng bràs gơ dê gơlik gơs be suơn Yàng Jehôwa dê, bơta hòn chò mơ bơta chò hòp rơp geh jòi bàn tòm gơ, bal mơ bơta ưnngài mơ sap bơta đơs chò.


Ơ ală tiah tơrlah tơrlơm Jerusalem dê, ai tĕ jơnau đơs chò hòn chò bal, bơh Yàng Jehôwa neh pơndòm pơniang làng bol Kơnràñ dê, Kơnràñ neh tơwài wơl Jerusalem.


“Sền ne, bol mê rơp hòi ală lơgar mơ bol mê ò git, mơ ală lơgar ò git bol mê rơp ntoat tus hơ bol mê, tài bơh Jehôwa Yàng Tom Trồ bol mê dê la Bơtau Sàng Goh Israel dê, bơh Kơnràñ neh lơh bol mê in geh gơklŏ.”


Mattơngai rơp ò gam la bơta àng mê dê tòm trồ ngai, mơ bơta àng gơcrà mat kơnhai dê kung ò gam sòl pơnđàng tòm trồ mang mê dê; Mơya bơh Yàng Jehôwa rơp la bơta àng gam sùm sùm mê dê, mơ Yàng Tom Trồ mê dê rơp la bơta gơklŏ mê dê.


Cau dô êt rlau jơh tòm mê rơp gơlik gơs dô jơi bơtiàn, cau dềt rhền rlau jơh rơp gơlik dô nơm làng bol pràn kơldang. Añ la Yàng Jehôwa, di di tŭ tơngai gơ dê, Añ rơp lơh gơlik gơs mhar ală bơta hơ̆!


Bơh ală bồt pơlào rơp kơp gơn Añ; gơs ală ơhò Tarsi sơnròp ngan, cèng brê ală kòn sau mê dê rê wơl bơh tiah ngài, bol khai cèng bal priă mơ màh bol khai dê, tài bơh sơnđan Jehôwa Yàng Tom Trồ mê dê, mơ bơh Bơtau Sàng Goh Israel dê, bơh Kơnràñ neh lơh gơklŏ mê in.


Cau rơp tus bơh ală ƀòn Juda dê mơ bơh ală tiah ơm gùt dar Jerusalem, bơh lơgar Benjamin, bơh tiah ring, tiah mơnơm, mơ đah đơm, nàng cèng phan ơn chu mơ ală phan ơn, phan ơn bơsàp bal mơ kơlhô, mơ cèng phan ơn kah bơta nđàc tus tòm hìu Yàng Jehôwa dê.


Yàng Jehôwa đơs: “Tòm tŭ bol mê neh tơnggơs bơtơl oă tòm ù, tòm ngai hơ̆ cau rơp ò đơs bơh Đài Bơta Ho Bal Yàng Jehôwa dê tai! Cau rơp ò kơlôi sơnơng tai, ò kah tai, ò pơlai tai, mơ ò lơh dô nơm Đài ndai tai.


Yàng Jehôwa đơs: “Ală ngai hơ̆ rơp tus, la tòm tŭ Añ rơp tam hìu Israel mơ hìu Juda mơ gar sơntìl jơi kòn mơnus mơ gar sơntìl jơi phan poan jơng sơl.


Ơ kòn ơruh Israel dê! Añ rơp bơtào wơl bol ai, gen bol ai rơp geh bơtào, Bol ai rơp at wơl sơnggơr dềt ai dê, Lòt bal mơ ală cau tòmya chò hòp.


Cau ò rgơi kòp ală sơmañ hơđang trồ mơ was bràs tòm dàlềng: Añ kung rơp ai bơtơl Dabit, dĭ gơna Añ, mơ ai cau Lebi duh broă Añ, geh jơi bơtiàn gal ngan kung behơ̆.’”


Jehôwa Yàng Tom Trồ đơs be do: ‘Añ kung rơp lòi hìu Israel dan Añ lơh bơta do bol khai in: Añ rơp bơtơl khà làng bol bol khai in gơlik gơs oă be mpồl belàt.


Behơ̆ añ đơs hwơr jat be Kơnràñ neh sồr añ, mơ nhơm tă mut tòm bol khai; bol khai geh kis, ntào hơđang jơng bol khai dê, lơh gơs dô mpồl cau dờng ngan.


Añ rơp bơt bơtào dô bơta ho bal ring lơngai mơ bol khai; hơ̆ rơp la dô bơta ho bal gam sùm sùm. Añ rơp ai lơngai bol khai in mơ lơh khà làng bol bol khai dê gơbơtơl oă ngan. Añ rơp ơn hìu duh khoai Añ jê digùl bol khai gam sùm sùm.


Añ rơp lơh tềl tồ bol khai in git mơ pơjum tơrgòm bol khai. Bơh Añ neh dong tơwài bol khai; ntum khà bol khai dê rơp gal ngan kung be lài òr.


Tòm ngai hơ̆, Yàng Jehôwa rơp cang kìng ală cau ơm tòm Jerusalem, tian gơs ală cau lơbơn rlau jơh tòm gùl bol khai rơp gơlik gơs kung be Dabit, mơ hìu Dabit rơp gơlik gơs kung be Yàng Tom Trồ, kung be cau gơnrơh Yàng Jehôwa dê ơm di đap bol khai.


mơ đơs mơ khai lah: “Ntoat tĕ, đơs mơ cau klau pơnu hơ̆ lah: Jerusalem rơp gơlik dô nơm ƀòn dờng ò gơs dơrñang, tài bơh gơs oă ngan cau mơ phan poan jơng ơm tòm hơ̆.


Yàng Jehôwa Gơnap Gơnoar Dờng Làm Jơh đơs be do: “Bơta ơt sa tòm kơnhai poan, kơnhai pram, kơnhai poh, mơ kơnhai jơt rơp gơlik gơs tŭ tơngai hòn chò mơ chò hòp, mơ la ală ngai pơjum sa lơngai lơngò hìu Juda in. Behơ̆ tàng kòñ gơboh bơta song ngan mơ bơta lơngap lơngai.”


Añ neh ai bol khai in bơta gơklŏ mơ Bèp neh ai Añ in, nàng bol khai gơs dô bă bol kung be Bol He la dô bă bal.


nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.


Ακολουθησε μας:

Διαφημίσεις


Διαφημίσεις