Jeremi 27:5 - Sră Goh 2018

⁵ ‘Să tòm Añ la Bơtau neh lơh gơs ù tiah, jơi kòn mơnus mơ jơi phan poan jơng ơm hơđang plai ù, bơh gơnoar dờng mơ tơwòr tê Añ jê pò tơlik, Añ ai gơ cau lơi in jat nùs Añ kòñ.

Jeremi 27:5 Σταυροειδείς Αναφορές

Sơnròp Gơlik Gơs 1:25

Yàng Tom Trồ lơh ală phan poan jơng hơđang ù pơnjat be jơi gơ, ală phan poan jơng tòm hìu pơnjat be jơi gơ, mơ ală phan wìn nsròng hơđang ù pơnjat be jơi gơ. Yàng Tom Trồ gŏ bơta hơ̆ la niam.

Sơnròp Gơlik Gơs 9:6

Dilah cau lơi lơh gơhòr mhàm kòn mơnus, gen rơp gơs cau ndai lơh gơhòr mhàm cau hơ̆ wơl, bơh Yàng Tom Trồ lơh gơs kòn mơnus be rùp Kơnràñ dê.

I Ală Bơtau 8:42

bơh rơp kơno bơh sơnđan dờng Yàng dê, bơh tê gơnoar pràn Yàng dê mơ tơwòr tê pò tơlik Yàng dê, tòm tŭ dô nă cau lơgar bơdìh tus mơ hòi dan wèt hơ hìu do,

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Nehemi 9:22

Mơ tai Kơnràñ neh ai bol khai in ală lơgar mơ ală làng bol, mơ tòmpà bol khai in tus lồi nhàr lơgar hơ̆ bol khai in. Bol khai dòp geh lơgar Sihôn bơtau Hesbôn dê, mơ lơgar Ok bơtau Basan dê.

Đơs Crih 102:25

Bơh rài yau Yàng neh bơtào kơ̆ mơnàng plai ù, Ală tap trồ la broă tê Kơnràñ lơh.

Đơs Crih 96:5

Bơh jơh ală yàng ală làng bol dê la rùp ràk, Mơya Yàng Jehôwa neh crơng gơs ală tap trồ.

Lik Ejiptơ 20:11

Bơh tòm prau ngai Yàng Jehôwa neh crơng gơs trồ mơ plai ù, dàlềng, bal mơ jơh ală phan tòm hơ̆, mơya Kơnràñ rlô tòm ngai poh. Gen tàng Yàng Jehôwa neh ai lơngai ngai Saƀat mơ lơh gơ in sàng goh.

Lik Ejiptơ 6:6

Behơ̆, mê đơs tĕ mơ cau Israel lah: ‘Añ la Yàng Jehôwa, mơ Añ rơp tă tơlik bol mê klàs bơh di yô cau Ejiptơ dê. Añ rơp toh bol mê klàs bơh di bơta ơm dĭ bol khai, mơ Añ rơp pò tơwòr tê Añ lơh ală broă gơnap gơnoar nàng cahrña mơ tơwài bol mê.

Esai 42:5

Do la jơnau đơs Jehôwa Yàng Tom Trồ dê, la Bơtau neh crơng gơs mơ pò ală tap trồ, mơ lă plai ù bal mơ jơh ală phan lik bơh gơ, la Bơtau ai nhơm tă ală làng bol ơm hơđang gơ, mơ ai hwềng ală cau cơnđòa lòt hơđang gơ:

Esai 44:24

Yàng Jehôwa la Bơtau Dong Tơwài mê dê la Bơtau neh lơh gơs mê bơh tòm kơndul mè, đơs be do: “Añ la Yàng Jehôwa, la Bơtau neh lơh gơlik gơs jơh ală phan, mìng dô nă Añ neh lì ală tap trồ, mìng dô nă Añ neh lă plai ù.

Esai 45:12

Hơ̆ la să tòm Añ neh lơh gơlik gơs plai ù, mơ crơng gơs jơi kòn mơnus ơm hơđang gơ. Tê Añ neh lì ală tap trồ; Añ neh rơndap ală mpồl sơmañ gơ dê.

Esai 48:13

Tê tòm Añ neh bơt ală mơnàng plai ù, mơ tê ma Añ neh lì ală tap trồ; tòm tŭ Añ hòi bol gơ tus, jơh ală bol gơ ntào ơn nùs kơlôi.

Esai 51:13

Bơh bol mê neh hŭi Yàng Jehôwa la Bơtau Crơng Gơs bol mê, la Bơtau neh lì ală tap trồ mơ lă mơnàng plai ù, bol mê kis tòm bơta rngòt rngơt sùm kòp ngai tài bơh bơta gơjrañ cau rồn bơklơn dê, la cau neh lơh nền tơnroh bol mê? Bơh ntềng đah bơta gơjrañ dờng cau rồn bơklơn dê taih?

Jeremi 27:4

Nting bol khai yal mơ cau tòm bol khai lah: Yàng Jehôwa Gơnap Gơnoar, Yàng Tom Trồ Israel dê, đơs be do: Bol mê yal tĕ cau tòm bol mê in lah:

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Jeremi 51:15

Să tòm Kơnràñ la Bơtau neh ai gơnap gơnoar Kơnràñ dê crơng gơs plai ù, Ai bơta jak chài Kơnràñ lơh gơs lơgar dunnia, Ai bơta àng loh Kơnràñ lì ơnàng ală tap trồ.

Daniel 2:38

Kơnràñ neh jào tòm tê bơtau dê jơi kòn mơnus, ală phan poan jơng tòm brê, mơ ală sềm par hơđang trồ. Bulah bol gơ ơm tiah lơi, Kơnràñ kung neh ai bơtau in at bồ jơh, behơ̆ bơtau la bồ mơ màh.

Daniel 4:14

Bơtau hơ̆ ai jơnau dờng mơ đơs lah: ‘Kơl tĕ chi do mơ koh tĕ ntê gơ, lơh jrùh tĕ ală nha gơ mơ rsìh tĕ plai gơ làm jơh, ală phan poan jơng ơm tòm tiah mƀur gơ, dô pleh tĕ, mơ ală sềm par dô bơh di ală ntê gơ dê!

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 4:22

Ơ bơtau, tòm chi hơ̆ la să tòm bơtau, bơtau neh gơlik dờng mơ pràn kơldang; bơta dờng ryŭ bơtau dê gơtơngguh tus hơ trồ, mơ gơnoar at bồ bơtau dê gơ lòt tus di lồi dut nhàr ù tiah dê.

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Broă 14:15

“Ơ ală oh mi, ñchi bơh tài lơh bơta hơ̆ taih? Bol hi la kòn mơnus kung be ală oh mi sơl, bol hi bơto yal Jơnau Niam ală oh mi in, nàng oh mi wèt sang ală yàng roh lơm ne, mơ rê wơl hơ Yàng Tom Trồ gam kis sùm, la Bơtau neh crơng gơs trồ tiah, dàlềng mơ ală phan tòm hơ̆.

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.

Broă 17:26

Bơh di dô nă cau Kơnràñ neh lơh gơlik gơs ală làng bol, mơ lơh bol khai in ơm kis làm jơh hơđang ù, Kơnràñ lơh nền pah tŭ tơngai mơ nhàr tiah bol khai in ơm,

Yal Wơl 2:19

Tòm tŭ mê tus hơ ală cau Ammônit, bañ lơh bòl glar kalke di bol khai hala bơrcek bol khai tòmlơh, bơh Añ rơp ò ai bol mê in ù tiah lơi gơrê bal mơ cau Ammôn nàng lơh gơs sre brê bol mê dê. Añ neh ai lơgar hơ̆ ală kòn sau Lot in.’

Yal Wơl 2:21

Bol khai la dô nơm làng bol pràn kơldang mơ gal ngan, mơ dờng jơnhoa kung be ală cau Anakim. Yàng Jehôwa neh tơnroh bol khai bơh di đap ală cau Ammôn, ală cau do neh ting bơtrơh bol khai mơ mut ơm ala tòm tiah bol khai dê.

Yal Wơl 2:7

Jehôwa Yàng Tom Trồ bol mê dê neh ai lơngai bol mê in tòm jơh ală broă tê bol mê neh lơh. Kơnràñ neh sền gàr gùng dà bol mê dê lòt gan ƀlàng ngềt ngơt dờng ơnàng do. Tòm poan jơt nam do Jehôwa Yàng Tom Trồ bol mê dê neh ơm bal mơ bol mê, mơ bol mê ò siơ̆u phan lơi ò.’

Yal Wơl 2:9

Gen Yàng Jehôwa đơs mơ añ lah: ‘Bañ lơh pơnjê di cau Môap hala bơrcek bol khai tòmlơh, bơh Añ ò ai bol mê in dô pơnah lơi tòm ù tiah bol khai dê. Añ neh ai Ar ală kòn sau Lot in lơh gơs sre brê.’

Yal Wơl 32:8

Tòm tŭ Bơtau Hơđang Rlau Jơh tòmpà ală làng bol lơh gơs sre brê, tòm tŭ Kơnràñ cah is ală jơi kòn mơnus, Kơnràñ bơtào gơs ală nhàr lơgar ală làng bol in Jat ntum khà ală kòn klau Israel dê.

Yal Wơl 4:17

hala gơlơh be dô nơm phan poan jơng hơđang ù hala dô nơm sềm par hơđang trồ,

Yal Wơl 4:25

Tơnơ̆ mơ tŭ bol mê neh gơs ală kòn mơ ală sau mơ neh ơm tòm lơgar jŏ rau, dilah tòm tŭ hơ̆ bol mê gơlik gơs ƀơ̆ iơh tài bơh lơh rùp ràk lơi nàng duh khoai, lơh bơta iơh bơsak di đap mat Jehôwa Yàng Tom Trồ bol mê dê mơ bơrcek Kơnràñ gơhào gơjrañ,

Yal Wơl 4:32

Tŭ do lùp tĕ bơh ală ngai yau òr, jŏ jòng lài mơ pah rài bol mê dê, bơh ngai Yàng Tom Trồ neh crơng gơs kòn mơnus hơđang plai ù; lùp tĕ bơh dê jơng ală tap trồ do tus hơ đah ne.

Yal Wơl 4:35

Ală bơta hơ̆ neh ràng tơlik bol mê in sền gŏ tồ bol mê rgơi git lah Jehôwa la Yàng Tom Trồ; rlau mơ Kơnràñ ò gơs yàng lơi ndai.

Yal Wơl 5:16

Dòn duh tĕ mè bèp bol mê dê jat be jơnau Jehôwa Yàng Tom Trồ bol mê dê neh sồr bol mê, tồ bol mê rgơi kis jŏ mơ bol mê rgơi geh lơngai tòm lơgar mơ Jehôwa Yàng Tom Trồ bol mê dê ai bol mê in.

Yal Wơl 9:29

Mơya bol khai la làng bol Kơnràñ dê, la sre brê Kơnràñ dê mơ Kơnràñ neh ngui gơnap gơnoar dờng, tơwòr tê pò dờng Kơnràñ dê mơ cèng bol khai lik bơh hơ̆.

Kôlôse 1:16

Bơh jơh ală bơta neh geh crơng gơs tòm Kơnràñ, bulah phan hơđang trồ hala tòm ù, phan rgơi gŏ hala phan he ò rgơi gŏ, hala ală gơnoar at bồ, hala ală gơnoar; jơh ală bơta tus bơh Kơnràñ mơ la tài bơh Kơnràñ mơ geh crơng gơs.

Hebrơ 1:2

tus di ală ngai lồi dut do Kơnràñ đơs mơ bol he bơh Kòn mơ Kơnràñ neh pồ bơtào nàng pơrdòn jơh ală phan, kung kơnòm di Kòn mơ Kơnràñ neh crơng gơs dunnia.

Yal Tơlik 4:11

“Khoai Yàng la Yàng Tom Trồ bol he dê, Kơnràñ di pal dòp geh bơta gơklŏ, bơta ryŭ ryơm mơ gơnap gơnoar, Bơh Kơnràñ neh crơng gơs jơh ală phan, Mơ tài bơh nùs kòñ Kơnràñ dê gen ală phan hơ̆ neh gơlik gơs mơ geh crơng gơs.”