Jeremi 14:9 - Sră Goh 2018

⁹ Ñchi bơh tài Kơnràñ kung be cau lơh sơlồng sơlàng, kung be cau ling pràn kơldang, ò rgơi dong kòl taih? Mơya, ơ Yàng, Kơnràñ gam ơm digùl bol hi, Bol hi geh hòi bơh sơnđan Kơnràñ, Dan bañ sang lòi bol hi!

Jeremi 14:9 Σταυροειδείς Αναφορές

II Yal Yau 7:14

dilah làng bol Añ jê la làng bol geh hòi mơ sơnđan Añ rơp tơnliah să bol khai dê mơ hòi dan jòi jat muh mat Añ mơ pơrlac sang gùng dà iơh bơsak bol khai dê, gen Añ rơp iat bơh hơđang trồ mơ rơp toh glài bol khai in mơ rơp sơmbòi lơgar bol khai dê.

Đơs Crih 10:1

Ơ Yàng Jehôwa, ñchi bơh tài Kơnràñ ntào ngài taih? Ñchi bơh tài Kơnràñ pồn să tòm tŭ bòl glar taih?

Đơs Crih 27:9

Dan bañ pồn ndơp mat Yàng bơh di añ. Bañ bơtrơh tơlo cau duh broă Kơnràñ dê tòm tŭ Kơnràñ gơhào gơjrañ, Ơ Yàng la Bơtau neh dong kòl añ. Ơ Yàng Tom Trồ bơta dong klàs añ jê, Dan bañ sang añ mơ bañ lòi añ.

Đơs Crih 46:5

Yàng Tom Trồ ơm digùl ƀòn hơ̆, ƀòn hơ̆ ò wañ lơnggơh; Rìng àng drim Yàng Tom Trồ dong kòl gơ.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 43:7

hơ̆ la kòp nă cau geh tơmoh bơh sơnđan Añ, la ală cau mơ Añ neh crơng gơs bơta gơklŏ Añ in; ală cau Añ neh mòn gơs mơ neh lơh gơs.”

Esai 51:9

Kah rngal tĕ, kah rngal tĕ! Soh tĕ bơta pràn kơldang! Ơ tơwòr tê Yàng Jehôwa dê! Kah rngal tĕ kung be tòm ală ngai neh yau, be tòm ală rài neh jŏ jòng rau! Hơ̆ ò di Kơnràñ la Bơtau neh koh Rahap rpot rpet, neh srơp bluh nagrài hơ̆ ò ơ?

Esai 59:1

Ne, tê Yàng Jehôwa dê ò liah ir nàng ò dong tă, hala tồr Kơnràñ dê kung ò tĭ nàng ò kơno.

Esai 63:19

Bol hi neh jŏ jòng rau kung be làng bol Kơnràñ ò at bồ, mơ bol hi be làng bol ò geh hòi jat sơnđan Kơnràñ dê.

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Jeremi 51:5

Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Jeremi 8:19

Iat tĕ! Jơnau driau nggà làng bol nđàc sơngit añ jê, bơh ală tiah ngài ngan tòm lơgar, lah: “Yàng Jehôwa ò gam ơm tòm Siôn ơ? Bơtau khai dê ò gam ơm mơ khai ơ?” “Ñchi bơh tài bol khai bơrcek Añ gơjrañ, mơ rùp pac sềr bol khai dê Mơ rùp ràk làng bơdìh dê taih?”

Ñìm Rac 5:20

Ñchi bơh tài Kơnràñ neh hŭi bol hi sùm sùm taih? Ñchi bơh tài Kơnràñ sang lòi bol hi jŏ jòng behơ̆ taih?

Ejekiel 48:35

Jơh gùt dar ƀòn dờng rơp la jơt phàm rbô tal. Mơ sơnđan ƀòn dờng bơh di tŭ hơ̆ rơp la: “YÀNG JEHÔWA ƠM TỀNG HƠ̆.”

Habakuk 1:2

Ơ Yàng Jehôwa! Nđò jŏ añ rơp dan Yàng dong kòl, mơ Kơnràñ rơp ò iat taih? Hala nđò jŏ tai añ hòi dan mơ Yàng bơh bơta “Jàñ bơsak!” mơ Kơnràñ ò dong tă taih?

Sacari 2:5

Yàng Jehôwa đơs: bơh Añ rơp la dơrñang ồs gùt dar gơ, mơ Añ rơp la bơta gơklŏ tòm gơ.”

Sacari 8:3

Yàng Jehôwa đơs be do: “Añ rơp rê wơl hơ Siôn, mơ ơm sùm digùl Jerusalem; Jerusalem rơp geh sơnđan la Ƀòn Dờng dòn song, mơ mơnơm Yàng Jehôwa Gơnap Gơnoar Dờng Làm Jơh dê rơp geh sơnđan la Mơnơm Sàng Goh.”

Khà Làng Bol 11:23

Yàng Jehôwa ho wơl Môise in lah: “Tơwòr tê Yàng Jehôwa dê la liah ngan sơl ơ? Mê rơp sền gŏ jơnau Añ đơs rơp gơlik gơs di ngan mê in hala ò.”

Broă 15:17

Tồ ală cau gam wơl in, Bal mơ jơh làng bol Bơdìh geh hòi mơ sơnđan Añ, rơp jòi jat Añ. Yàng, la Bơtau neh yal loh broă do bơh rài yau đơs behơ̆.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Yal Wơl 23:14

Bơh Jehôwa Yàng Tom Trồ bol mê dê lòt digùl tiah sơntơp sàl ơm bol mê dê nàng sền gàr bol mê mơ jào phi ală cau sò tơm bol mê dê bol mê in. Tiah sơntơp sàl ơm bol mê dê pal gơs sàng goh tồ Kơnràñ ò gŏ phan lơi ò goh digùl bol mê mơ pơrlac bơh di bol mê.

Yal Wơl 28:10

Gen jơh ală làng bol hơđang plai ù rơp gŏ la bol mê neh geh hòi sac bơh sơnđan Yàng Jehôwa, mơ bol khai rơp rngòt di bol mê.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

Yal Tơlik 21:3

Añ kơno dô jơnau dờng lik bơh di sơbàn, đơs lah: “Ne, tiah ơm Yàng Tom Trồ dê ơm digùl jơi kòn mơnus. Kơnràñ rơp ơm bal mơ bol khai, mơ bol khai rơp lơh gơs làng bol Kơnràñ dê, să tòm Yàng Tom Trồ rơp ơm bal mơ bol khai, mơ lơh gơs Yàng Tom Trồ bol khai dê.

I Samuel 12:22

Bơh sơnđan dờng ryŭ Yàng Jehôwa dê gen Kơnràñ rơp ò sang lòi làng bol Kơnràñ dê, tài bơh Kơnràñ neh niam nùs dòp rò bol mê lơh gơs làng bol Kơnràñ dê.