Jeremi 13:7 - Sră Goh 2018

⁷ Gen Añ lòt tus hơ hiòng Ơphrat: Tò mơ tă che but mơ añ neh pồn gơ. Mơya che but neh ồm jơh, gơ ò gam niam tai.

Jeremi 13:7 Σταυροειδείς Αναφορές

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Jeremi 13:10

Làng bol iơh do ò bài iat jơnau Añ, cơnđòa jat bơta kơldang nùs bol khai dê, jat ală yàng ndai duh broă mơ duh khoai bol gơ, gen rơp gơlik kung be che but do ò gam niam dô êt lơi.”

Jeremi 13:6

Tơnơ̆ mơ hơ̆ jŏ ngai, Yàng Jehôwa đơs mơ añ lah: “Tŭ do, lòt tĕ hơ hiòng Ơphrat, tă tĕ che but mơ Añ neh sồr mê pồn tềng hơ̆.”

Jeremi 13:8

Gen, jơnau Yàng Jehôwa dê đơs mơ añ lah:

Rôma 3:12

Jơh ală bol khai neh tìs nrah, tơl nă ndròm bal gơlik gơs ò kwơ; Ò gơs dô nă cau lơi lơh bơta niam, Dô nă kung ò sơl.”

Philemôn 1:11

Lài òr khai ò gơs kwơ bi in, mơya tŭ do gơs kwơ bi in, mơ kung gơs kwơ añ in sơl.