Jang 4:23 - Sră Goh 2018

²³ Mơya jơ rơp tus mơ tŭ do neh tus rau, tŭ ală cau duh khoai song ngan rơp ai hwềng nùs mơ jơnau song nàng duh khoai Bèp, bơh Bèp jòi ală cau behơ̆ nàng duh khoai Kơnràñ.

Jang 4:23 Σταυροειδείς Αναφορές

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Đơs Crih 17:1

Ơ Yàng Jehôwa, dan iat bơta song ngan, ơn nùs di jơnau hòi añ jê; Dan wèt tồr iat jơnau hòi dan gơlik bơh sơndồi ò ma blac añ jê.

Đơs Crih 32:2

Lơngai cau lơi in Yàng Jehôwa ò kòp bơta iơh bơsak khai in, Mơ tòm hwềng nùs ò gơs bơta ma blac.

Đơs Crih 51:6

Do, Yàng kòñ gơs jơnau song tòm dơlam nùs, Gen tàng, dan bơto añ in bơta jak chài tòm tiah ndơp ndơr tòm nùs añ jê.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Đơs Chò 2:14

Ơ sềm ntòp añ, tòm pơnai lŭ, di tiah cìr mơnơm jơnhoa, ai tĕ añ in sền muh mat ai, ai añ in iat jơnau đơs ai; bơh jơnau đơs ai dê la bơkah lơngồt, muh mat ai dê gơboh gơbài ngan.

Esai 10:20

Tòm ngai hơ̆, mpồl gam wơl Israel dê, la ală cau gam kis hìu Jakôp dê, rơp ò gam sơnđìng tai di dô nă cau neh lơh bol khai, mơya rơp sơnđìng di Yàng Jehôwa, Bơtau Sàng Goh Israel dê tòm jơnau song.

Esai 29:13

Yàng Jehôwa neh đơs lah: “Tài bơh làng bol do mìng ai bơr tus rềp mơ Añ, ai sơndồi jòng ro Añ, mơya nùs bol khai ơm ngài bơh Añ. Bơta bol khai duh khoai Añ mìng la jat bơta sồr lam kòn mơnus dê, bơtê bơta sồr lam mơ ò git wă.

Esai 43:21

Hơ̆ la làng bol mơ Añ neh mòn gơs să tòm Añ in nàng bol khai rơp yal tơlik bơta jòng ro Añ.

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Ejekiel 22:30

Añ neh jòi dô nă cau tòm gùl bol khai nàng bơt bơtào wơl dơrñang, ala mat làng bol mơ ntào di đap Añ tòm tiah pah digùl tồ Añ in ò tơnroh gơ; mơya Añ ò jòi bàn dô nă cau lơi.

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Jang 12:23

Yàng Jesu ho lah: “Jơ Kòn Mơnus pal geh gơklŏ neh tus rau.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Jang 16:32

Do jơ tus, mơ neh tus rau, tŭ bol mê rơp gơprah gơpring, kòp nă lòt gùng is, mơ lòi is dô nă Añ; mơya Añ ò ơm is dô nă, tài bơh Bèp ơm mơ Añ.

Jang 4:21

Yàng Jesu ho lah: “Ơ cau ùr, dòn tĕ Añ, jơ rơp tus gen ală bol ai duh khoai Bèp ò di hơđang mơnơm do, kung ò di tòm Jerusalem.

Jang 5:25

Di ngan, Añ đơs ngan mơ bol mê, jơ rơp tus mơ tŭ do neh tus rau, dơ̆ ală cau chơt rơp kơno jơnau đơs Kòn Yàng Tom Trồ dê, mơ ală cau kơno hơ̆ rơp kis.

Jang 5:28

Bañ ai lơh krơi bơh bơta hơ̆, tài bơh jơ tus, dơ̆ ală cau ơm tòm bơtô ƀồc rơp kơno jơnau đơs Kơnràñ,

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

Rôma 8:26

Kung behơ̆ sơl, Yàng Hwềng dong kòl tòm bơta lơbơn lơño bol he dê; bơh bol he ò git mbe kòñ hòi dan nàng di pal, mơya să tòm Yàng Hwềng ai bơta rac ròc he ò rgơi yal loh nàng hòi dan ala bol he in.

Galati 4:6

Bơh oh mi la kòn klau kòn ùr Kơnràñ dê, gen tàng Yàng Tom Trồ neh ai Hwềng Kòn Kơnràñ dê mut tòm nùs bol he mơ đơs lah: “Aba! Bèp!”

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Jôsue 24:14

Behơ̆ gen tàng duh rngòt tĕ dê Yàng Jehôwa, mơ duh broă tĕ Kơnràñ dô bă jơh nùs dòn song, sang tĕ ngài bơh di bol mê ală yàng mơ ală ồng pàng bol mê neh duh broă đah ne hiòng mơ tòm lơgar Ejiptơ; duh broă tĕ Yàng Jehôwa.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Samuel 12:24

Mìng duh rngòt tĕ Yàng Jehôwa mơ jơh nùs dòn song duh broă Kơnràñ dê; sền sơwì tĕ bơh ală broă dờng mơ Kơnràñ neh lơh bol mê in.