Jang 15:6 - Sră Goh 2018

⁶ Dilah cau lơi ò ơm sùm tòm Añ gen kòl sang tơlik di tiah kung be ntê ne, gơ ro rañ gen cau dòñ, sang tòm ồs, mơ chu jơh.

Jang 15:6 Σταυροειδείς Αναφορές

Mathiơ 7:19

Chi lơi ò gơlik plai niam, gen kơl mơ sang tòm ồs.

Jang 15:2

Ntê lơi tòm Añ mơ ò gơlik plai gen Kơnràñ koh sang, mơ ntê lơi gơlik plai gen Kơnràñ rcang niam, nàng gơlik oă plai tai.

Mathiơ 13:41

Kòn Mơnus rơp sồr ală cau gơnrơh Kơnràñ lòt, tơrgòm jơh ală bơta lơh gơtup tìs mơ ală cau lơh bơta tồi glài iơh bơsak mơ tơlik bơh di lơgar Kơnràñ,

Mathiơ 3:10

Tŭ do sùng neh ơn rềp dê tòm chi rau; dilah chi lơi ò gơlik plai niam, gen kơl mơ sang tòm ồs.

II Pier 2:20

Dilah bol khai neh kơnòm dê bơta dòp git Yàng la Yàng Dong Klàs bol he dê la Yàng Jesu Krist, mơ geh lik klàs bơh bơta ngkòr ngkàc dunnia dê rau, mơ dilah gơkòl ală bơta hơ̆ kơt wơl mơ at bồ tai, gen bơta lồi dut bol khai dê rơp gơlik iơh rlau mơ lài òr.

Hebrơ 10:27

mìng gam kơp gơn dô bă rngòt rngơt di bơta cahrña mơ ồs hơng rơp chu pơrguc ală cau sòdră di Yàng Tom Trồ.

Yal Tơlik 20:15

Dilah cau lơi ò geh cih sơnđan mat tòm sră bơta kis gen kong sơrbì tòm brong ồs hơ̆ sơl.

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.

Ejekiel 17:9

Mê đơs tĕ mơ bol khai lah: ‘Jehôwa Yàng Tom Trồ đơs be do: Tòm ño hơ̆ rơp geh tơlir niam sơl? Gơ rơp ò kong dus mơ pic sang jơh plai gơ dê tồ gơ in ro jrùh, jơh ală bơta hòn dờng pa gơ dê rơp ro jrùh sơl ơ? Ò càng gơs tơwòr tê pràn hala ling pràn kơldang nàng dus gơ bơh ryas gơ dê.

Esai 14:19

Mơya mê neh kong sang sơrbì bơh di bơtô ƀồc mê dê, be dô nơm ƀồc cù kìr; tơnsoh mơ ală cau chơt, ală cau hơ̆ kong srơp mơ đào, hơ̆ la ală cau mù di ală lŭ trồm jrô dê. Be ƀồc chơt kong jă trơm hơđơm mpàng jơng,

Đơs Crih 80:15

La tòm chi mơ tê ma Yàng neh tam.

Sră Jop 15:30

Khai rơp ò geh pleh klàs bơh klam jơngo; lơmpiat ồs rơp sa roh ală sơmbut bol khai dê, Mơ nhơm tă bơh di bơr Yàng Tom Trồ rơp cèng pơrdô khai roh thit.

Mathiơ 27:5

Gen Juda sơrbì ală pet priă tòm hìu duh khoai, mơ lik lòt yồng ngko.

Esai 27:10

Bơh ƀòn dờng kơ̆ cê neh gơkòl lòi srau gòi, tiah ơm làng bol dê neh kòl sang lòi be ƀlàng bràs mơ ƀlàng ngềt ngơt; tềng hơ̆ ală kơnrồ kòn sa ñhơt, bic rlô mơ sa tơrging ală ntê chi.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

II Samuel 23:7

Cau pal ai phan ngui mơ lòs hala ngkơr tà nàng kwĕ gơ; mơ jơh bol gơ kong chu jơh tòm ồs.”