I Samuel 9:16 - Sră Goh 2018

¹⁶ “Ngai hìng pơgap tòm jơ do, Añ rơp sồr dô nă cau klau bơh lơgar Benjamin tus mơ mê. Bong mơñà tĕ khai nàng lơh gơs cau at bồ hơđang làng bol Israel Añ jê. Khai rơp dong tă làng bol Añ jê klàs bơh di tê làng bol Philistin. Añ neh wèt sền di làng bol Añ jê, bơh jơnau hòi driau bol khai dê neh tus hơ Añ.”

I Samuel 9:16 Σταυροειδείς Αναφορές

II Samuel 3:18

Behơ̆ tŭ do lơh tĕ! Bơh Yàng Jehôwa neh ho mơ Dabit lah: ‘Bơh Dabit cau duh broă Añ jê mơ Añ rơp dong tă làng bol Israel Añ jê bơh tê cau Philistin mơ bơh jơh ală cau sò tơm bol khai dê.’”

II Ală Bơtau 20:5

“Rê wơl tĕ, đơs mơ Ejekia, bơtau làng bol Añ jê lah: Jehôwa Yàng Tom Trồ Dabit dê, ồng pàng mê dê, đơs be do: Añ neh kơno jơnau hòi dan mê dê, gŏ dà mat mê dê; ngan Añ rơp sơmbòi mê in; tus ngai dơ̆ pe mê rơp guh hơ hìu duh khoai Yàng Jehôwa dê.

Đơs Crih 102:1

Ơ Yàng Jehôwa, dan iat jơnau hòi dan añ jê; Dan jơnau rac dan añ jê geh tus hơ Kơnràñ!

Đơs Crih 106:44

Bulah behơ̆, tòm tŭ Kơnràñ kơno jơnau hòi dan bol khai dê, Gen Kơnràñ wèt sền bol khai tòm bơta jê sồt bòl glar bol khai dê.

Đơs Crih 25:18

Dan sền sơwì bơta bòl glar kalke mơ bơta dồn sa rƀah añ jê, mơ toh jơh ală tồi glài añ jê.

Jơnau Pơnđik 16:9

Nùs cau kơlôi lơh nền gùng lòt he; Mơya Yàng Jehôwa sơnio lam ală cơnđòa khai dê.

Jeremi 32:8

Gen jat be jơnau Yàng Jehôwa neh đơs, Hanamel, kòn klau oh bèp añ jê tus hơ añ tòm rơng hìu cau ling kơp gàr mơ đơs lah: ‘Añ dan mê blơi tĕ sre añ jê tòm Anatôt, tòm ù tiah Benjamin dê, bơh mê geh gơnoar tơwài wơl sre hơ̆ mơ lơh gơs sre brê mê dê gen blơi tĕ gơ să tòm mê in.’ Tŭ hơ̆ añ đal git hơ̆ la jơnau Yàng Jehôwa dê.

I Samuel 10:1

Gen Samuel ai dô nơm gri mơñà mơ tuh hơđang bồ Sol, cum khai mơ đơs lah: “Yàng Jehôwa neh bong mơñà pồ bơtào mê lơh gơs cau at bồ làng bol Israel Kơnràñ dê! Mê rơp at bồ hơđang làng bol Yàng Jehôwa mơ mê rơp dong tă bol khai klàs bơh tê ală cau sò tơm gùt dar. Do la tềl sơnio mê in la Yàng Jehôwa neh bong mơñà mê in lơh gơs cau at bồ hơđang sre brê Kơnràñ dê.

I Samuel 14:20

Gen Sol mơ jơh ală cau khai dê pơjum bal lik lòt tòmlơh, kòp nơm đào cau Philistin dê sreh tơnchơt bal mơ gơp, gen tàng gơs bơta sơlồng sơlàng dờng ngan.

I Samuel 14:23

Behơ̆ Yàng Jehôwa dong tă Israel tòm ngai hơ̆; mơ bơta tòmlơh gơ lòt gan rlau Bet Aben, mơ mpồl ling Sol dê jơh ală pơgap jơt rbô nă. Bơta tòmlơh làm tus hơ tiah kơh mơnơm Epraim dê.

I Samuel 15:1

Samuel đơs mơ Sol lah: “Añ la cau mơ Yàng Jehôwa neh sồr tus bong mơñà mê in nàng gơs bơtau at bồ làng bol Israel Kơnràñ dê; gen tàng tŭ do iat tĕ jơnau Yàng Jehôwa dê.

I Samuel 16:1

Yàng Jehôwa đơs mơ Samuel lah: “Nđò jŏ mê rơp ñìm rac bơh Sol taih? Añ neh sang khai ò ai khai gơs bơtau at bồ Israel tai. Tơmbềng tĕ ngke mơñà mê dê mơ ñă lòt gùng; Añ rơp sồr mê lòt tus hơ Jese cau Betlehem. Añ neh rcang Añ in dô nă bơtau digùl ală kòn klau khai dê.”

I Samuel 16:3

Mê jà Jese lòt tus hơ bơta ơn phan duh khoai, mơ Añ rơp sơnio bơta mê pal lơh. Mê rơp bong mơñà Añ in dô nă cau Añ yal sơnđan mê in.”