I Samuel 8:11 - Sră Goh 2018

¹¹ Khai đơs lah: “Do la bơta cau bơtau at bồ bol mê dê rơp lơh hơđang bol mê: Khai rơp kup ală kòn klau bol mê dê at ală rơndeh lòs tòmlơh mơ lơh gơs ală cau ling hào ơseh, mơ ntoat lài mơ ală rơndeh lòs tòmlơh khai dê.

I Samuel 8:11 Σταυροειδείς Αναφορές

II Samuel 15:1

Tơnơ̆ mơ hơ̆, Apsalôm rcang khai in dô nơm rơndeh lòs tòmlơh gơs ală ơseh, mơ gơs pram jơt nă cau ling ntoat di đap khai.

I Ală Bơtau 1:5

Mơ tai, Adônija kòn klau Hagit yò tơngguh is să khai mơ đơs lah: “Añ rơp lơh gơs bơtau”; khai neh rcang sir ală rơndeh lòs tòmlơh mơ mpồl ling hào ơseh, bal mơ pram jơt nă cau klau ntoat di đap khai.

I Ală Bơtau 10:26

Salômôn kung pơjum tơrgòm ală rơndeh mơ ơseh; gơs dô rbô poan rhiang nơm rơndeh mơ jơt bàr rbô nơm ơseh, ală phan hơ̆ bơtau ơn tòm ală ƀòn dờng ơn rơndeh, mơ tòm Jerusalem, bal mơ bơtau.

I Ală Bơtau 12:10

Ală cau kơnòm să dờng dô rơh bal mơ khai ho lah: “Bơtau pal đơs be do mơ làng bol do neh đơs mơ bơtau lah: ‘Bèp bơtau dê lơh yô bol hi kơnjơ̆; bơtau pal lơh gơ in nggòc wơl;’ bơtau pal ho wơl bol khai be do: ‘Kòn tê put añ gam dờng rlau mơ but bèp añ jê.

I Ală Bơtau 12:4

“Bèp bơtau dê neh lơh yô bol hi in kơnjơ̆ ngan; gen tàng tŭ do dan bơtau lơh nggòc bơta duh broă bòl glar mơ yô kơnjơ̆ bèp bơtau neh ơn hơđang bol hi, gen bol hi rơp duh broă bơtau.”

I Ală Bơtau 14:27

Gen Rôbôam sồr lơh ală khèl mơ kòng nàng ala ală khèl hơ̆, jào ală kwang ling kơp gàr mpồng bơtau dê.

I Ală Bơtau 18:46

Tê Yàng Jehôwa ơn hơđang Eli, khai kơt but mơ ntoat di đap Ahap tus di mpồng mut tòm Jejreel.

I Samuel 10:25

Samuel yal loh làng bol in git ală bơta sồr lam bơh gơnoar at bồ cau bơtau dê. Khai cih ală bơta hơ̆ tòm dô pồt sră mơ ơn gơ di đap Yàng Jehôwa. Gen Samuel sồr jơh làng bol rê hơ hìu bol khai dê.

I Samuel 14:52

Tòm jơh rài kis Sol dê gơs bơta kơlìn gơtoă dờng mơ cau Philistin, mơ tŭ lơi Sol gŏ dô nă cau klau pràn kơldang hala khin cha gen khai ngui cau hơ̆ duh broă khai dê.

I Samuel 22:7

Sol đơs mơ bol khai lah: “Ơ ală cau Benjamin, tŭ do iat tĕ! Ngan sơl la kòn klau Jese dê rơp ai jơh ală bol mê in ală ƀlàng sre bal mơ ală suơn ño ơ? Ngan sơl la khai rơp bơtào jơh ală bol mê gơs ală kwang at bồ rbô nă mơ ală kwang at bồ rhiang nă ơ?

I Samuel 8:9

Gen tŭ do iat tĕ bol khai, mơya mê mìng bơto pơhìn bol khai in dô bă kràñ cê mơ yal bol khai in git ală gùng dà cau bơtau at bồ rơp lơh hơđang bol khai.”