I Samuel 6:6 - Sră Goh 2018

⁶ Ñchi bơh tài bol mê lơh kơldang nùs kung be làng bol Ejiptơ mơ Pharaôn neh lơh taih? Tơnơ̆ mơ tŭ Kơnràñ neh lơh glài kơnjơ̆ di bol khai gen bol khai neh ò lòi Israel in khat gơboh nàng lik lòt ò ơ?

I Samuel 6:6 Σταυροειδείς Αναφορές

Sră Jop 9:4

Bơta jak chài tòm nùs Kơnràñ dê, mơ gơnap gơnoar tòm bơta pràn Kơnràñ dê. Cau lơi tòmdră mơ Kơnràñ mơ gam geh pơnjat sùm sơl?

Đơs Crih 95:8

Bañ kơldang nùs be tòm Meriba, Be tòm ngai tòm Masa tòm ƀlàng ngềt ngơt,

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Lik Ejiptơ 14:17

Gen Añ rơp lơh cau Ejiptơ in kơldang nùs nàng bol khai rơp mù tòm dàlềng mơ ting jat cau Israel. Mơ Añ rơp geh gơklŏ bơh Pharaôn bal mơ jơh mpồl ling khai dê, bơh ală rơndeh lòs tòmlơh bal mơ ală cau ling hào ơseh khai dê.

Lik Ejiptơ 14:23

Cau Ejiptơ ting jat bol khai, mơ jơh ală ơseh, rơndeh lòs tòmlơh bal mơ mpồl ling hào ơseh Pharaôn dê lòt jat bol khai mù tòm dàlềng.

Lik Ejiptơ 4:21

Yàng Jehôwa đơs mơ Môise lah: “Tòm tŭ mê rê wơl hơ lơgar Ejiptơ, lơh tĕ di đap Pharaôn ală bơta krơi Añ neh ai mê in gơnap gơnoar nàng lơh; mơya Añ rơp lơh khai in kơldang nùs, khai rơp ò ai làng bol in lik lòt.

Lik Ejiptơ 7:13

Bulah behơ̆ nùs Pharaôn neh gơlik kră kơldang mơ khai ò iat Môise mơ Arôn, tòm toh be jơnau Yàng Jehôwa neh đơs.

Lik Ejiptơ 7:14

Gen Yàng Jehôwa đơs mơ Môise lah: “Nùs Pharaôn ò kong alah, khai ò ai làng bol in lik lòt.

Lik Ejiptơ 8:15

Mơya tòm tŭ Pharaôn gŏ khai neh geh ơm lơngai rau, gen kơldang nùs, ò iat jơnau Môise mơ Arôn dê, tòm toh jat be jơnau Yàng Jehôwa neh đơs.

Lik Ejiptơ 8:32

Mơya dơ̆ do, Pharaôn lơh kơldang nùs khai dê tai, ò ai làng bol in lik lòt.

Lik Ejiptơ 9:16

Mơya tơnggume Añ lòi mê in gam kis, hơ̆ la nàng sơnio mê in gŏ gơnap gơnoar Añ jê, mơ bơh hơ̆ sơnđan Añ geh pơnro làm jơh plai ù.

Lik Ejiptơ 9:34

Tòm tŭ Pharaôn gŏ mìu, mìu piar mơ ntơr kơnàs neh jơh rau. Khai neh tìs glài tai. Khai mơ ală cau kwang duh broă khai dê neh lơh kơldang nùs bol khai dê.

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Hebrơ 3:13

Mơya tòm tŭ gam sơnđan la “Ngai do,” gen kòp ngai pal bơto tơngkah tĕ bal mơ gơp, rngòt gơs cau lơi digùl oh mi kòl tồi glài pơrlồm mơ gơlik kơldang nùs.