I Samuel 5:9 - Sră Goh 2018

⁹ Mơya tòm tŭ bol khai neh cèng gơ rau, gen tê Yàng Jehôwa dê tòmdră mơ ƀòn dờng hơ̆; Kơnràñ lơh gơlik bơta rngòt rngơt mơ dơrcul dờng ngan, Kơnràñ lơh jơh tơl nă cau kơnòm mơ cau kra, behơ̆ kòp pluh gơlik as iơh mơ as bòm.

I Samuel 5:9 Σταυροειδείς Αναφορές

Đơs Crih 78:66

Kơnràñ lơh gơprah ală cau sò tơm di Kơnràñ, Lơh bol khai in kong ƀàssìl sùm sùm.

Amôs 5:19

gơlơh be dô nă cau bulah neh dô klàs bơh klìu triă gen rơp tìp jơgơu, be dô nă cau bulah neh mut tòm hìu, neh ơn rlô tê khai dê hơđang dơrñang, gen gơkòl bơs kap.

Yal Wơl 2:15

Tê Yàng Jehôwa neh tòmdră mơ bol khai jơl tus di tŭ Kơnràñ neh tơnroh jơh hir bol khai bơh di sàl ơm.

I Samuel 12:15

Mơya dilah bol mê ò ai tồr iat jơnau Yàng Jehôwa dê, mơ tòmdră mơ ală jơnau sồr Kơnràñ dê, gen tê Kơnràñ rơp tòmdră mơ bol mê bal mơ bơtau bol mê dê.

I Samuel 5:10

Behơ̆ bol khai sồr cèng Đài Yàng Tom Trồ dê tus hơ Ekrôn. Tòm tŭ Đài Yàng Tom Trồ dê tus hơ Ekrôn, gen làng bol Ekrôn driau dờng lah: “Ñchi bơh tài cèng Đài Yàng Tom Trồ Israel dê tus mơ bol hi nàng tơnchơt bol hi mơ làng bol hi dê taih?”

I Samuel 5:11

Behơ̆ bol khai hòi pơjum jơh kwang at bồ làng bol Philistin dê mơ đơs lah: “Cèng tĕ Đài Yàng Tom Trồ Israel dê lik ngài bơh di bol hi, mơ ơn tĕ gơrê wơl hơ tiah tòm gơ dê, nàng gơ rơp ò tơnchơt bol hi mơ làng bol bol hi dê!” Bơh bơta chơt neh cèng bơta rngòt rngơt làm jơh tòm ƀòn dờng hơ̆; tê Yàng Tom Trồ dê klơn kơnjơ̆ ngan hơđang tềng hơ̆.

I Samuel 5:6

Tê Yàng Jehôwa dê klơn kơnjơ̆ hơđang làng bol Asdot mơ Kơnràñ cèng tus bơta rngòt rngơt mơ bơta pluh plàng kòp as hơđang làng bol tòm Asdot bal mơ tòm kơnhwàl ù tiah gơ dê.

I Samuel 6:11

Bol khai ơn Đài Yàng Jehôwa dê hơđang rơndeh bal mơ hồp gơs ală đe mơ màh mơ ală rùp kòp pluh as.

I Samuel 7:13

Behơ̆ cau Philistin gơkòl duh broă mơ ò mut tòm ù tiah cau Israel tai; tê Yàng Jehôwa tòmdră mơ cau Philistin jơh rài Samuel dê.