I Samuel 30:2 - Sră Goh 2018

² mơ kup cèng ală cau ùr mơ jơh ală cau tòm hơ̆, cau dềt bal mơ cau dờng; bol khai ò tơnchơt dô nă cau lơi tòm bol hơ̆, mơya cèng jơh ală bol khai lòt bal tòm gùng bol khai dê.

I Samuel 30:2 Σταυροειδείς Αναφορές

Sră Jop 38:11

Mơ đơs lah: ‘Mê mìng lòt ngài kàr hơ̆ lơm, mơ ò lòt ngài rlau, mơ tềng do ală ryà bơta jòng să mê dê pal dơh wơl sơl’?

Đơs Crih 76:10

Bơta gơhào gơjrañ kòn mơnus dê gơlik bơta jòng ro Yàng; Ai bơta gơjrañ rlau ir gen Yàng rơp kơryan wơl.

I Samuel 27:11

Dabit ò lòi kis dô nă cau klau hala dô nă cau ùr lơi nàng cèng tus hơ Gat, bơh khai kơlôi lah: “Rngòt bol hơ̆ rơp yal tơlik bơh bol he mơ đơs lah: ‘Hơ̆ la bơta Dabit neh lơh.’” Mơ hơ̆ la bơta mơ Dabit òs lơh tòm tŭ khai kis tòm lơgar Philistin.

I Samuel 30:19

Ò gơs phan lơi roh, cau dềt hala cau dờng, kòn klau hala kòn ùr, phan pìt kup hala phan lơi bol hơ̆ neh ai; Dabit cèng brê wơl jơh ală phan.

I Samuel 30:3

Tòm tŭ Dabit mơ ală cau khai dê tus hơ Jiklak, bol khai gŏ ƀòn neh ồs sa; mơ ală bau ùr, ală kòn klau mơ ală kòn ùr bol khai dê neh cau kup cèng.