I Samuel 27:10 - Sră Goh 2018

¹⁰ Tòm tŭ Akis lùp lah: “Ngai do mê lòt brồ lơh tiah lơi taih?” Gen Dabit ho lah: “Tòm Negep Juda dê” hala “Tòm Negep Jerameel dê” hala “Tòm Negep cau Kenit dê.”

I Samuel 27:10 Σταυροειδείς Αναφορές

Sơnròp Gơlik Gơs 27:24

Khai lùp lah: “Mê ngan la Esau kòn klau añ hala ò?” Jakôp ho: “Di, ngan la añ.”

II Samuel 17:20

Tòm tŭ ală cau Apsalôm dê tus di hìu cau ùr do mơ lùp lah: “Ntềng đah Ahimas mơ Jônathan taih?” Cau ùr ho lah: “Bol khai neh tiă rlau hơ croh dà rau.” Ală cau hơ̆ sơwì jòi mơya ò bàn cau lơi, gen rê wơl hơ Jerusalem.

I Yal Yau 2:25

Ală kòn klau Jerameel, kòn tơnhoa Hesrôn dê la: Ram kòn tơnhoa khai dê, Buna, Ôren, Ôjem, mơ Ahija.

I Yal Yau 2:9

Ală kòn klau neh deh Hesrôn in la: Jerameel, Ram, mơ Kebulai.

Đơs Crih 119:163

Añ gơjrañ kơuềng mơ cù kìr di bơta blac chừt, Mơya añ kòñ gơboh di bơta boh lam Yàng dê.

Đơs Crih 119:29

Dan sang ngài bơh di añ ală gùng dà blac chừt, Dan nđàc mơ bơto añ in git bơta boh lam Kơnràñ dê.

Jơnau Pơnđik 29:25

Bơta rngòt di kòn mơnus la pơt dă; mơya cau lơi dòn kơnòm Yàng Jehôwa gen geh bơta lơngap lơngai.

Khà Làng Bol 24:21

Gen khai gŏ ală cau Kenit mơ đơs jơnau đơs hwơr khai dê lah: “Tiah ơm sùm mê dê la kơ̆ cê, Rsòn mê dê neh ơm hơđang lŭ klềr;

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Ală Kwang Cahrña 1:16

Jơi bơtiàn Hôbap cau Kenit, hơ̆ la kòn sau po bèp Môise dê; bơh ƀòn Gòl tơô guh bal mơ cau Juda nàng ơm digùl làng bol tòm ƀlàng ngềt ngơt, tòm tiah Negep rềp mơ Arat. Gen bol khai lòt mơ ơm bal mơ cau Amalek.

Ală Kwang Cahrña 4:11

Mơ tai, Heber cau Kenit neh lik bơh làng bol Kenit la kòn sau Hôbap, po bèp Môise dê, lơh sàl ngài tus hơ Elôn Bejaananim rềp mơ Kedes.

Ală Kwang Cahrña 5:24

Lơngai rlau jơh digùl ală cau ùr la Jael, bau Heber cau Kenit, digùl ală cau ùr ơm tòm sàl, khai gơs lơngai rlau jơh.

I Samuel 15:6

Sol đơs mơ cau Kenit lah: “Lik lòt tĕ bơh digùl làng bol Amalek tồ añ ò tơnroh bol mê bal mơ bol khai; bơh bol mê neh yal tơlik bơta niam lơnhơn mơ jơh cau Israel tòm tŭ bol khai lik bơh di Ejiptơ.” Behơ̆ cau Kenit lik lòt bơh digùl cau Amalek.

I Samuel 21:2

Dabit ho Ahimelek la cau gơnoar ơn phan duh khoai lah: “Cau bơtau neh sồr añ lơh dô nơm broă mơ neh đơs mơ añ lah: ‘Bañ lòi dô nă cau lơi in git bơh broă añ sồr mê mơ bơh jơnau sồr mbe kòñ lơh broă hơ̆.’ Ai pơnah ală cau añ jê gen añ neh sồr bol khai tìp mat mơ añ tòm dô bă tiah ne.

I Samuel 23:27

Gen gơs dô nă cau kong sồr lòt tus hơ Sol mơ đơs lah: “Dan tus mhar, cau Philistin neh tus phà tòmpìt lơgar.”

I Samuel 27:11

Dabit ò lòi kis dô nă cau klau hala dô nă cau ùr lơi nàng cèng tus hơ Gat, bơh khai kơlôi lah: “Rngòt bol hơ̆ rơp yal tơlik bơh bol he mơ đơs lah: ‘Hơ̆ la bơta Dabit neh lơh.’” Mơ hơ̆ la bơta mơ Dabit òs lơh tòm tŭ khai kis tòm lơgar Philistin.

I Samuel 29:8

Dabit lùp lah: “Mơya ñchi bơta añ neh lơh taih? Ñchi bơta bơtau neh bàn di cau duh broă bơtau dê bơh di ngai añ neh tus mơ bơtau jơl tus di ngai do, mơ añ ò geh lòt tòmlơh mơ cau sò tơm cau tòm añ jê la bơtau taih?”

I Samuel 30:29

mơ tòm Rakal, tus hơ ală cau tòm ală ƀòn dờng Jerameel mơ ală cau Kenit,