I Samuel 2:16 - Sră Goh 2018

¹⁶ Dilah cau hơ̆ đơs mơ khai lah: “Lòi cau chu dơngi gơ dê lài, gen sồng ai tĕ phan lơi mê kòñ,” gen cau duh broă đơs lah: “Ò, mê pal ai mo tŭ do, dilah mê ò ai, gen añ rơp ngui pràn nàng tòmpìt gơ.”

I Samuel 2:16 Σταυροειδείς Αναφορές

Nehemi 5:15

Ală kwang at bồ lài mơ añ neh kup làng bol àñ kơnjơ̆ rì phan sa, tơrnòm bal mơ poan jơt sieklơ priă. Tian gơs ală cau duh broă bol khai kung rồn bơklơn làng bol Mơya añ ò lơh behơ̆ ò, tài bơh añ duh rngòt di Yàng Tom Trồ.

Lebi 3:16

Cau gơnoar ơn phan duh khoai rơp chu ală phan hơ̆ hơđang cơnòng duh khoai lơh gơs phan sa, hơ̆ la dô nơm phan ơn chu tòm ồs, gơs ƀô bơlhu. Jơh ală dơngi gơrê mơ Yàng Jehôwa.

Mice 3:5

Do la jơnau Yàng Jehôwa đơs bơh ală cau gơnoar hwơr neh lam làng bol Añ jê tìs nrah, la cau hòi driau lah: “Ring lơngai!” Tòm tŭ bol khai ò gơs phan lơi nàng sa, gen bol khai yal tơnggit bơta kơlìn tòmdră mơ cau lơi ò cèng phan lơi bol khai in sa.

Ală Kwang Cahrña 18:25

Ală cau Dan ho lah: “Niam rlau bañ lòi kơno jơnau đơs mê dê digùl bol hi, rngòt gơs cau tòm bol hi gơhào nùs brồ lơh mê, gen mê bal mơ hìu nhă mê dê rơp roh bơta kis mòn!”

I Samuel 2:15

Mơya, lài mơ tŭ chu dơngi, gen cau duh broă cau gơnoar ơn phan duh khoai dê tus đơs mơ cau ơn phan pơdơng lah: “Ai cau gơnoar ơn phan duh khoai in poac nàng buh; bơh khai ò dòp poac gơm bơh di mê, mơya mìng poac ris lơm.”

I Samuel 2:17

Tồi glài ală cau pơnu do la dờng ngan di đap mat Yàng Jehôwa, bơh bol khai sền òsơp di phan ơn duh khoai Yàng Jehôwa dê.