I Samuel 16:7 - Sră Goh 2018

⁷ Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”

I Samuel 16:7 Σταυροειδείς Αναφορές

Sơnròp Gơlik Gơs 4:5

mơya ò bài sền Kain mơ kung ò dòp phan ơn khai dê, behơ̆ Kain gơjrañ ngan mơ tun mat.

II Samuel 14:25

Tòm jơh Israel ò gơs dô nă cau lơi geh jòng ro bơh bơta niam klau be Apsalôm. Bơh hơđang bồ tus di kơndòl jơng khai dê ò gŏ jòi bàn dô nơm tềl sồt lơi tòm să khai.

II Samuel 7:20

Ñchi jơnau Dabit gam kòñ đơs tai mơ Yàng taih? Bơh Yàng git cau duh broă Yàng dê, ơ Jehôwa Yàng Tom Trồ.

I Ală Bơtau 8:39

gen dan Yàng hơđang trồ, la tiah Yàng ơm, iat tĕ, toh glài, lơh broă, mơ tơm wơl kòp nă jat be broă bol khai neh lơh, bơh ngan mìng dô nă Yàng lơm git loh nùs kòn mơnus dê,

I Yal Yau 17:18

Ñchi jơnau Dabit rgơi đơs tai mơ Kơnràñ bơh bơta Kơnràñ neh yò tơngguh cau duh broă Kơnràñ dê. Yàng git cau duh broă Kơnràñ dê.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 16:9

Bơh Yàng Jehôwa sền sơwì làm plai ù nàng bơtơl pràn ală cau in jơh nùs dòn song mơ Kơnràñ. Bơtau neh lơh dô bơta bơrngơl gơla be do, bơh tŭ do rơp gơs bơta kơlìn sùm hơđang bơtau.”

II Yal Yau 6:30

gen dan Kơnràñ iat bơh hơđang trồ la tiah ơm sùm Kơnràñ dê, mơ toh glài mơ tơm wơl ală cau Yàng git nùs bol khai, jat be ală gùng dà bol khai dê, tài bơh mìng Yàng git tòm nùs kòn mơnus dê,

Sră Jop 10:4

Yàng gơs mat poac să sơl? Yàng sền kung be dô nă jơi kòn mơnus sền sơl?

Sră Jop 35:5

Tơnggòr tĕ hơđang trồ mơ sền; sền sơwì tĕ ală puk mhwal, mhwal lơi jơnhoa rlau mơ ồng.

Đơs Crih 139:2

Yàng git tòm tŭ añ nggui mơ tòm tŭ añ ñă ntào; Yàng git loh ală bơta kơlôi sơnơng añ jê bơh tiah ngài.

Đơs Crih 7:9

Dan tơnlồi bơta iơh bơsak cau iơh bơsak dê, mơya lơh kơ̆ cê ală cau song ring in, Bơh Yàng Tom Trồ song ring, la Bơtau sền sơwì nùs nhơm kòn mơnus dê.

Jơnau Pơnđik 15:11

Lơgar làng ƀồc mơ brah tìng gam ơm di đap mat Yàng Jehôwa sơl, Tơ ài lah nùs kòn mơnus dê!

Jơnau Pơnđik 16:2

Ală gùng dà dô nă cau lơi dê digơlan sàng goh jat mat tòm khai dê; Mơya Yàng Jehôwa kơr was hwềng soàn cau.

Jơnau Pơnđik 24:12

Dilah kòn đơs: “Sền do, bol hi ò git bơta do;” gen Bơtau kơr sơnoa nùs cau, ngan ò di sền sơwì bơta hơ̆ ơ? Mơ Bơtau ê sền gàr hwềng soàn kòn rơp ò git sơl ơ? Behơ̆ Kơnràñ rơp ò tơm wơl kòp nă jat broă lơh bol khai ò ơ?

Jơnau Pơnđik 31:30

Bơta hèr niam la ma blac, bơta hàng mơnĕ la roh lơm; mơya cau ùr lơi duh rngòt di Yàng Jehôwa rơp geh Jòng ro.

Jeremi 11:20

Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 20:12

Mơya, khoai Yàng Jehôwa Gơnap Gơnoar! Kơnràñ lòng cau song ring, Kơnràñ sền gŏ tòm nùs mơ tòm dơngoh, Dan lòi añ in sền gŏ Kơnràñ sal tê di bol khai, bơh añ neh yal broă añ Kơnràñ in.

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Jang 7:24

Bañ cahrña jat đah bơdìh, mơya cahrña tĕ jat bơta di ngan.”

Jang 8:15

Bol mê cahrña jat poac să, Añ ò cahrña dô nă cau lơi ò.

Broă 1:24

Lồc behơ̆ bol khai hòi dan lah: “Khoai Yàng, Kơnràñ git nùs tơl nă cau, dan Yàng sơnio bol hi in tòm bàr nă cau do, ñcau la cau Yàng neh sac rwah,

II Kôrintô 10:10

Bơh gơs cau ƀà đơs lah: “Ală sră pơyoa khai dê đơs kơnjơ̆ mơ pràn kơldang, mơya tus di tŭ tòm mat gen khai lơbơn lơño, mơ jơnau đơs ò gơs kwơ màng.”

II Kôrintô 10:7

Oh mi mìng sền đah bơdìh! Dilah gơs cau lơi dòn nền lah, khai gơrê bal mơ Bơtau Krist gen kơlôi is tĕ lah cau hơ̆ gơrê bal mơ Bơtau Krist be lơi, gen bol hi kung gơrê bal mơ Kơnràñ behơ̆ sơl.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

I Pier 2:4

Tus tĕ hơ Kơnràñ la pơnai lŭ kis, neh cau sang lòi, mơya geh Yàng Tom Trồ sac rwah mơ màng ngan.

I Pier 3:4

mơya ai tĕ hwềng nùs niam lơnhơn mơ ring lơngai nàng sơmpô đah dơlam nùs, hơ̆ la bơta sơmpô ò ồm lề mơ màng ngan di đap Yàng Tom Trồ.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

I Samuel 2:3

Bañ đơs tai ală jơnau pơnhừ să oă ir, bañ lòi jơnau jòng să lik bơh di bơr mê dê; bơh Yàng Jehôwa la Yàng Tom Trồ bơta git wă dê, mơ Kơnràñ kơr ală broă lơh.

I Samuel 9:2

Khai gơs dô nă kòn klau sơnđan la Sol, gam pơnu mơ niam klau. Ò gơs dô nă cau lơi digùl làng bol Israel niam klau rlau mơ khai; khai ntào bồ khai mơ pơnì jơnhoa rlau mơ jơh ală cau ndai.