I Samuel 14:7 - Sră Goh 2018

⁷ Cau ling àñ phan tòmlơh khai dê đơs lah: “Lơh tĕ jơh ală bơta jat be ồng kơlôi kòñ, añ ơm bal mơ ồng; bơta kơlôi sơnơng ồng dê la bơta kơlôi sơnơng añ jê sơl.”

I Samuel 14:7 Σταυροειδείς Αναφορές

II Samuel 15:15

Ală cau kwang bơtau dê đơs mơ bơtau lah: “Ală cau dĭ gơna bơtau dê neh rcang sir nàng lơh jat jơh ală bơta cau tòm bol hi la bơtau lơh nền.”

II Samuel 7:3

Nathan đơs mơ bơtau lah: “Lơh tĕ, jơh ală bơta bơtau neh kơlôi tòm nùs, bơh Yàng Jehôwa ơm bal mơ bơtau.”

Đơs Crih 46:7

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Ală Kwang Cahrña 9:54

Tŭ hơ̆ mo, khai hòi cau ling at pềs tà khai dê mơ đơs lah: “Tă tĕ đào mê mơ tơnchơt añ, nàng cau ò rgơi đơs lah: ‘Dô nă cau ùr neh tơnchơt khai.’” Behơ̆ cau duh broă khai dê srơp khai mơ khai chơt.

I Samuel 10:7

Tòm tŭ ală tềl do gơlik gơs di ngan gen lơh jat tĕ bơta lơi mê pal lơh, bơh Yàng Tom Trồ ơm bal mơ mê.

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”

I Samuel 14:8

Gen Jônathan đơs lah: “Tŭ do bol he rơp tiă tus hơ ală cau ne, mơ tơlik să he bol khai in gŏ.