I Samuel 1:19 - Sră Goh 2018

¹⁹ Àng drim hìng, bol khai guh gòñ mơ duh khoai di đap Yàng Jehôwa, gen bol khai rê wơl hơ hìu bol khai dê tòm Ramathaim. Elkana ơm bal mơ bau khai la Anne, mơ Yàng Jehôwa kah wơl Anne.

I Samuel 1:19 Σταυροειδείς Αναφορές

Sơnròp Gơlik Gơs 21:1

Yàng Jehôwa lòt còp Sara jat be jơnau Kơnràñ neh đơs, mơ lơh khai in jat be jơnau Kơnràñ neh ho.

Sơnròp Gơlik Gơs 30:22

Yàng Tom Trồ kah wơl Racel, gen dòp jơnau khai mơ ai khai in gơs kòn.

Sơnròp Gơlik Gơs 4:1

Adam ơm bal mơ Eba, bau ùr khai, Eba bun deh Kain mơ đơs lah: “Kơnòm dê Yàng Jehôwa dong añ gen tàng añ deh dô nă cau klau.”

Sơnròp Gơlik Gơs 8:1

Mơya Yàng Tom Trồ kah wơl Nôe mơ jơh ală phan poan jơng tòm brê, mơ ală phan poan jơng tòm hìu ơm bal mơ khai tòm ơhò, gen Yàng Tom Trồ lơh dô nơm càl khồm rbơt hơđang ù gen dà gơ mù.

II Ală Bơtau 4:17

Cau ùr hơ̆ geh bun, mơ khai deh dô nă kòn klau, nam tơnơ̆, kung di di tŭ hơ̆, tòm toh be jơnau Elise neh yal lài khai in.

Đơs Crih 119:147

Añ guh lài mơ tŭ rìng àng nàng hòi dan Yàng dong kòl añ; Añ gơn kơnòm di jơnau Yàng dê.

Đơs Crih 136:23

Tòm tŭ bol hi kong cau sền òsơp, gen Kơnràñ kah bol hi, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 25:7

Dan bañ kah ală tồi glài añ tìs tòm tŭ kơnòm să, hala ală bơta tìs añ jê: Ơ Yàng Jehôwa, dan kah añ jat be bơta kòñ gơboh kơ̆ dơn mơ nùs niam Kơnràñ dê.

Đơs Crih 5:3

Ơ Yàng Jehôwa, tòm àng drim Kơnràñ kơno jơnau añ; Tòm àng drim añ yal tơlik jơnau añ jê di đap Kơnràñ, mơ drơng kơp.

Đơs Crih 55:17

Mho, drim mơ gùl ngai, añ rac ròc mơ pơt wòl, Mơ Kơnràñ rơp kơno jơnau đơs añ jê.

Jơnau Niam Jat Mak 1:35

Rìng àng ngai tơnơ̆, trồ gam jơngo, Kơnràñ guh, lik lòt tòm tiah ngềt ngơt mơ hòi dan tềng hơ̆.

Luka 23:42

Gen khai đơs lah: “Ơ Yàng Jesu, tŭ Kơnràñ tus tòm lơgar Kơnràñ, dan kah tĕ añ.”

Jôsue 18:25

Gabaôn, Ramah, Beerôt,

I Samuel 1:1

Gơs dô nă cau tòm Ramathaim Juphit, bơh di kơnhwàl kơh mơnơm Epraim, gơs dô nă cau sơnđan la Elkana, kòn klau Jerôham, sau Helihu, se Tôhu, set Jup cau Epraim.

I Samuel 1:11

Khai ho pơgon lah: “Ơ Yàng Jehôwa Gơnap Gơnoar Dờng Làm Jơh, dilah Kơnràñ rơp wèt sền di bơta bòl glar moat jrùng cau dĭ ùr Kơnràñ dê mơ kah wơl añ, ò hŭi cau dĭ ùr Kơnràñ dê, mơya rơp ai khai in dô nă kòn klau, gen añ rơp ơn khai be dô nă cau Najire di đap Kơnràñ, jơl jơh rài kis khai dê. Khai rơp ò ñô tơrnòm alak mơ ală phan lơh bơñul, mơ pềs koah rơp ò geh tup di bồ khai.”

I Samuel 15:34

Gen Samuel rê wơl hơ Rama, mơ Sol rê hơ hìu khai dê tòm Gibea.

I Samuel 16:13

Behơ̆ Samuel ai ngke mơñà mơ bong mơñà khai in di đap mat ală bi khai dê, mơ bơh ngai hơ̆ Hwềng Yàng Jehôwa dê mù hơđang Dabit dô bă gơs gơnoar pràn ngan. Gen Samuel rê wơl hơ Ramah.

I Samuel 19:18

Tòm tŭ Dabit dô mơ geh klàs, khai lòt tus hơ Samuel tòm Ramah mơ yal jơh ală bơta Sol neh lơh khai in. Lồc behơ̆, khai mơ Samuel lòt tus hơ Naiôt mơ ơm tềng hơ̆.

I Samuel 2:11

Gen Elkana rê hìu tòm Rama, mơya cau kơnòm dềt ơm duh broă Yàng Jehôwa, di đap mat Heli la cau gơnoar ơn phan duh khoai.

I Samuel 25:1

Tŭ hơ̆ Samuel sang rài, jơh Israel pơjum ñìm ƀồc mơ tơp khai tòm ƀòn khai dê tòm Ramah. Gen Dabit ñă mù hơ ƀlàng ngềt ngơt Maan.

I Samuel 7:17

Gen khai rê wơl hơ Rama la tiah gơs hìu ơm khai dê, tềng hơ̆ khai kung cahrña Israel, mơ khai bơt bơtào dô nơm cơnòng duh khoai Yàng Jehôwa in tềng hơ̆.

I Samuel 8:4

Gen jơh ală kwang kra Israel dê pơjum bal mơ lòt tus hơ Samuel tòm Rama.

I Samuel 9:26

Tòm tŭ àng drim, Samuel hòi Sol tus hơđang rkàng hìu mơ đơs lah: “Guh tĕ mơ añ rơp jun mê lòt gùng mê dê.” Sol guh, mơ jơh bàr nă khai mơ Samuel lik lòt bal tòm gùng.