I Kôrintô 5:7 - Sră Goh 2018

⁷ Lơh goh tĕ kañ yau, nàng oh mi in gơlik gơs dô kơnac kơmbuh pa. Be oh mi ngan la kơnac kơmbuh ò gơs kañ, ngan be añ git oh mi la behơ̆. Bơh Bơtau Krist la Belàt Kòn bơta Pơjum Sa Lòt Gan bol he dê neh kong chơt rau.

I Kôrintô 5:7 Σταυροειδείς Αναφορές

Ephesô 4:22

Behơ̆ oh mi pal klò sang cau yau bơh bơta lơh lòt lài òr, la cau sơlo ngai sơlo ồm lề bơh bơta hàm kòñ is blac pơrlồm;

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”

Lik Ejiptơ 12:15

Tòm poh ngai bol mê pal sa piang lă ò gơs kañ. Tòm ngai sơnròp, bol mê pal tă sang kañ bơh di ală hìu bol mê dê; bơh dilah cau lơi sa phan lơi gơs kañ tòm hơ̆, bơh ngai sơnròp tus di ngai poh, gen rơp kong tă tơlik bơh di Israel.

I Kôrintô 10:17

Bơh gơs mìng dô nơm piang lă, mơ bol he bulah oă cau kung mìng dô nơm să jan; bơh jơh ală bol he gơs pơnah tòm dô nơm piang lă hơ̆.

Jang 19:14

Mơ tai, tŭ hơ̆ la ngai Rcang Lài bơta pơjum sa Lòt Gan, mơ pơgap di di jơ prau. Pilat đơs mơ cau Juda lah: “Do Bơtau bol mê dê!”

Jơnau Niam Jat Mak 14:12

Tòm ngai sơnròp bơta pơjum sa piang lă ò gơs kañ la ngai hàl belàt pơjum sa Lòt gan dê, ală cau bơtê đơs mơ Yàng Jesu lah: “Ntềng đah Kơnràñ kòñ bol hi lòt rcang yò Kơnràñ in sa bơta pơjum sa Lòt gan taih?”

Jang 1:36

gŏ Yàng Jesu lòt gan, gen khai đơs lah: “Ne, Belàt Kòn Yàng Tom Trồ dê!”

I Kôrintô 5:13

Be Sră Goh cih lah: “Tă sang tĕ cau iơh bơsak bơh digùl oh mi.”

Mathiơ 13:33

Kơnràñ đơs pơnyơu ndai tai mơ bol khai lah: “Lơgar đang trồ kung be kañ cau ùr ne ai bơcă bal mơ poan jơt lit kơmbuh phe jơl tus di tŭ gơprồ làm jơh.”

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;