II Samuel 8:6 - Sră Goh 2018

⁶ Khai bơtào ală theng kơp gàr kơ̆ cê tòm ƀòn dờng Damas lơgar Aram, mơ cau Aram kong duh broă Dabit, mơ pal kong dap dia, Yàng Jehôwa ai Dabit in bơta pha rlau tòm ală tiah khai lòt tus.

II Samuel 8:6 Σταυροειδείς Αναφορές

II Samuel 10:19

Tòm tŭ jơh ală cau bơtau la cau duh broă Hadadejer dê gŏ bol khai neh kong Israel lơh alah, gen bol khai bơtào bơta ho bal ơm ring lơngai mơ cau Israel mơ kong duh broă bol khai. Behơ̆ cau Aram rngòt ò dong cau Ammôn tai.

II Samuel 23:14

Tòm tŭ hơ̆ Dabit ơm tòm theng kơ̆ cê, mơ mpồl ling Philistin ơm tòm Betlehem.

II Samuel 3:18

Behơ̆ tŭ do lơh tĕ! Bơh Yàng Jehôwa neh ho mơ Dabit lah: ‘Bơh Dabit cau duh broă Añ jê mơ Añ rơp dong tă làng bol Israel Añ jê bơh tê cau Philistin mơ bơh jơh ală cau sò tơm bol khai dê.’”

II Samuel 5:10

Mơ Dabit sơlo ơm sơlo pràn rlau, tài bơh Jehôwa la Yàng Tom Trồ Gơnap Gơnoar Hơđang Jơh ơm bal mơ khai.

II Samuel 7:9

Añ neh ơm bal mơ mê tiah lơi mê lòt, mơ neh tơnroh jơh ală cau sò tơm mê dê bơh di đap mê. Tŭ do Añ rơp lơh sơnđan mê gơlik dờng màng kung be ală sơnđan ală cau dờng màng rlau jơh tòm plai ù.

II Samuel 8:14

Khai bơt ală theng kơp gàr kơ̆ cê tòm làm lơgar Edôm, mơ jơh làng bol Edôm kong duh Dabit. Yàng Jehôwa ai Dabit in bơta pha rlau tòm ală tiah khai neh lòt tus.

II Samuel 8:2

Dabit kung tòmlơh pha rlau mơ cau Môap, sồr bol khai bic jơh tòm ù mơ was bol khai mơ dô dang che rnoas. Khai was bàr che rnoas ală cau hơ̆ rơp kòl sreh tơnchơt, mơ was dô che rnoas gen lòi kis ală cau hơ̆. Behơ̆ cau Môap pal kong duh broă Dabit mơ dap dia khai in.

II Samuel 8:7

Dabit tă ală khèl mơ màh bơh di ală cau kwang duh broă Hadadejer mơ cèng gơ hơ Jerusalem.

I Ală Bơtau 4:21

Salômôn at bồ hơđang jơh ală lơgar bơh hiòng Ơphrat tus di lơgar Philistin, ngài tus di nhàr lơgar Ejiptơ. Ală lơgar hơ̆ dap dia mơ dòn duh hơđơm gơnoar Salômôn dê jơl jơh rài kis khai dê.

II Ală Bơtau 1:1

Tơnơ̆ mơ bơta chơt Ahap dê, làng bol Môap guh tòmdră mơ Israel.

II Ală Bơtau 14:28

Ală bơta ndai Jerôbôam dê, ală broă khai, bơta pràn kơldang khai, mbe lơi khai tòmlơh mơ ai wơl Israel in Damas mơ Hamat lài neh duh broă Juda, ală bơta hơ̆ gen neh cih tòm sră yal broă kòp nam ală cau bơtau Israel dê.

II Ală Bơtau 18:7

Yàng Jehôwa ơm bal mơ khai; bulah khai lòt tiah lơi, gen geh bơtoah bơtoài. Khai pơrlơ̆ dră mơ bơtau Asiri, mơ ò bài duh broă bơtau hơ̆ tai.

II Ală Bơtau 3:4

Tŭ hơ̆ bơtau Mesa lơgar Môap dê, cau ròng belàt, khai òs cèng ơn bơtau Israel in dô rhiang rbô nơm belàt kòn, mơ sơnò dô rhiang rbô belàt dam.

I Yal Yau 18:13

Khai ơn ală cau ling kơp gàr tòm Edôm, mơ jơh ală cau Edôm gơlik gơs cau duh broă Dabit. Yàng Jehôwa ai Dabit in bơta pha lin rlau tòm làm jơh ală tiah khai lòt tus.

II Yal Yau 17:2

Khai ơn ală mpồl ling tòm jơh ală ƀòn dờng kơ̆ cê tòm Juda mơ ơn mpồl ling kơp gàr tòm Juda mơ tòm ală ƀòn dờng Epraim mơ bèp khai neh tòmpìt geh.

Đơs Crih 140:7

Ơ Yàng Jehôwa la Yàng añ jê, la bơta pràn dong tă añ, Yàng neh jơm gòm bồ añ tòm ngai tòmlơh.

Đơs Crih 60:10

Ơ Yàng Tom Trồ, Kơnràñ ò di sang lòi bol hi ò ơ? Ơ Yàng Tom Trồ, Kơnràñ ò tai lòt bal mơ ală mpồl ling bol hi dê nàng tòmlơh.

Jơnau Pơnđik 21:31

Ơseh rcang sir ngai tòmlơh in; mơya bơta pha lin rlau gơrê bal mơ Yàng Jehôwa.

I Samuel 13:3

Jônathan brồ lơh dô nơm theng mpồl ling Philistin dê tòm Geba, mơ cau Philistin kơno bơh bơta hơ̆. Mơ Sol sồr uh kơlwòk tòm làm lơgar mơ đơs lah: “Yal tĕ cau Hebrơ in git!”

I Samuel 14:1

Gơs dô ngai Jônathan kòn klau Sol dê đơs mơ cau ling àñ phan tòmlơh khai dê lah: “Tus tĕ, bol he lòt lă tus hơ tiah ơm kơp gàr cau Philistin dê đah ne.” Mơya khai ò yal bèp khai in git.

I Samuel 14:15

Gơs bơta nsràng rngòt tòm sàl mpồl ling tòm ƀlàng, mơ digùl jơh làng bol; ală cau ơm tòm tiah kơp gàr mơ ală mpồl kơp òm rơm să rngòt, mơ ù tiah gơlơnggơr. Hơ̆ la dô bơta rngòt rngơt mơ Yàng Tom Trồ đùh hơđang bol khai.

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”