II Samuel 7:18 - Sră Goh 2018

¹⁸ Gen bơtau Dabit lòt tus mơ nggui di đap Yàng Jehôwa mơ đơs lah: “Khoai Jehôwa Yàng Tom Trồ, añ la ñcau mơ hìu nhă añ la ñchi mơ Kơnràñ neh tề lam añ tus di ngai do taih?

II Samuel 7:18 Σταυροειδείς Αναφορές

Sơnròp Gơlik Gơs 32:10

Añ ò di pal dòp ală bơta kòñ gơboh mơ bơta dòn song mơ Kơnràñ neh ràng tơlik dĭ gơna Kơnràñ in. Tòm tŭ añ lòt gan hiòng Jordan añ mìng gơs gai jra añ, mơ ngai do añ neh gơlik gơs bàr mpồl do.

Sơnròp Gơlik Gơs 32:11

Behơ̆, khoai Yàng Tom Trồ dong añ klàs bơh di tê Esau bi añ, bơh añ rngòt khai tus sò lơh añ mơ lơh mè bal mơ ală kòn sơl.

II Samuel 23:5

Hìu añ ò di behơ̆ di đap Yàng Tom Trồ ò ơ? Bơh Kơnràñ neh bơt bơtào dô bơta ho bal gam sùm sùm mơ añ, Jơh ală bơta neh geh rơndap mơ sền gàr. Kơnràñ rơp ò lơh gơlik cồng nha bơta dong kòl añ jê, mơ jơh ală bơta kơp kòñ añ jê ò ơ?

II Samuel 7:17

Nathan neh yal jơh ală jơnau hơ̆ bal mơ jơh ală bơta gơtơnggŏ hơ̆ Dabit in.

I Yal Yau 17:16

Gen Dabit mut mơ nggui di đap Yàng Jehôwa mơ đơs lah: “Ơ Yàng Jehôwa, añ la ñcau mơ hìu nhă añ la ñchi mơ Kơnràñ neh lam añ tus di ngai do?

I Yal Yau 29:14

Mơya añ la ñcau, mơ làng bol añ jê la ñcau, mơ bol hi rgơi ơn Yàng in dô bă khat gơboh behơ̆ taih? Jơh ală phan tus bơh Kơnràñ, mơ bol hi ơn Yàng in ală phan neh gơrê mơ Kơnràñ.

Đơs Crih 8:4

Gen jơi kòn mơnus la ñchi mơ Kơnràñ kah taih? Kòn mơnus la ñchi mơ Kơnràñ wèt sền taih?

Lik Ejiptơ 3:11

Mơya Môise đơs mơ Yàng Tom Trồ lah: “Añ la ñcau mơ pal lòt tus hơ Pharaôn nàng lam làng bol Israel lik klàs bơh di lơgar Ejiptơ taih?”

Esai 37:14

Ejekia neh dòp sră pơyoa bơh tê cau kong sồr lòt mơ sền gơ, lồc behơ̆ khai guh hơ hìu duh khoai Yàng Jehôwa mơ pò sră hơ̆ di đap Yàng Jehôwa.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Ală Kwang Cahrña 6:15

Gideôn lùp lah: “Mơya ơ Kơnràñ, mbe añ rgơi dong tă Israel taih? Mpồl añ la lơbơn òsô rlau jơh tòm jơi bơtiàn Manase, mơ añ la dềt rlau jơh tòm hìu nhă añ jê.”

Rutơ 2:10

Kơno behơ̆, Rutơ tơmbic să blup mat di ù mơ đơs lah: “Ñchi bơh tài añ geh bơta nđàc di đap ồng, tian gơs ồng ơn nùs sền añ la dô nă cau làng bol bơdìh?”

I Samuel 15:17

Samuel đơs lah: “Bulah neh gơs dô tŭ mê kơlôi să tòm mê la dềt rhền, ò di mê neh gơlik gơs bồ ală jơi bơtiàn Israel ò ơ? Yàng Jehôwa neh bong mơñà mê in nàng gơs bơtau Israel dê.

I Samuel 18:18

Mơya Dabit đơs mơ Sol lah: “Añ la ñcau, hìu nhă hala mpồl hìu nhă bèp añ jê tòm Israel la ñchi mơ añ rơp gơlik gơs bơrtơu cau bơtau dê taih?”

I Samuel 9:21

Sol ho lah: “Añ mìng la dô nă cau Benjamin, bơh dô jơi bơtiàn dềt rlau jơh tòm Israel ò ơ? Mơ hìu nhă añ la dềt rlau jơh tòm jơh ală mpồl hìu nhă tòm jơi bơtiàn Benjamin ò ơ? Ñchi bơh tài ồng đơs mơ añ bơta do taih?”